Аткаминер. Архив

Орозов Талайбек Саратанбекович өмүр баяны

1660
(жаңыланган 12:36 23.09.2021)
Талайбек Орозов 1974-жылдын 26-апрелинде туулган. 2021-жылдын сентябрь айында Бишкектин вице-мэри кызматына дайындалган.

Билими:

  • 1997 — Кыргыз техникалык университетинин машина куруу факультетин аяктап, автоунаалар жана автоунаа чарбасы адистигине ээ болгон.
  • 1999 — Россиянын Мамлекеттик стандартынын Стандартташтыруу, метрология жана сертификаттоо академиясынын Кыргызстандагы филиалын бүтүрүп, жүргүнчүлөрдү жана жүк ташуу кызматтарын сертификаттоо адистигине ээ болгон.

Эмгек жолу:

  • 1997–1998 — Бишкек шаардык статистика комитетинин жеке ишкерлерди каттоо бөлүмүнүн улук инспектору;
  • 1998–2002 — Транспорт жана коммуникация министрлигинин Транспорт, техникалык саясат, атайын иштер жана жарандык коргонуу башкармалыгынын жетектөөчү адиси;
  • 2002–2007 — өкмөттүн аппаратынын курулуш, транспортту өнүктүрүү жана коммуникация бөлүмүнүн эксперти;
  • 2007–2010 — "Инфоком" мамлекеттик ишканасынын директору;
  • 2010 — Убактылуу өкмөттүн курулуш, транспорт жана коммуникация бөлүмүнүн башчысы;
  • 2010 — Президенттин администрациясынын өнөр жай, транспорт жана коммуникация бөлүмүнүн башчысы;
  • 2011 — өкмөттүн аппаратынын транспорт, курулуш, коммуникация жана өзгөчө кырдаалдар бөлүмүнүн башчысы;
  • 2011 – 2013 — "Кыргызтелеком" ишканасынын директорлор кеңешинин төрагасы;
  • 2013–2015 — өкмөттүн аппаратынын аймактык өнүктүрүү, транспорт, курулуш жана коммуникация бөлүмүнүн башчысы;
  • 2018–2021 — "Глобал Индастриал Деволопмент" ЖЧКсынын аткаруучу директору;
  • 2021 — Санариптик өнүктүрүү мамлекеттик кызматынын төрагасы (учурда жоюлган).

2021-жылдын сентябрында Бишкектин вице-мэри болуп дайындалган. Ал мэриянын транспорт саясатын көзөмөлгө алат.

1660
Белгилер:
Өмүр баяны, таржымал, Талайбек Орозов
Тема боюнча
Айдоочулук 9 категориясы бар. "Унаанын" жетекчиси Жокоевдин өмүр баяны
Нарматова Орозайым Көчкөнбаевна — өмүр баяны
Нарын шаарынын мэри Арслан Сталбек уулу

Нарын шаарына мэр болгон Арслан Сталбек уулу тууралуу эмне белгилүү

996
(жаңыланган 13:07 22.10.2021)
Арслан Сталбек уулу 1990-жылы 2-апрелде Нарын шаарында туулган. Ал "Ататүрк — Ала-Тоо" эл аралык университетинен билим алып, каржы, насыя жана банк иштери адистигине ээ болгон.

Эмгек жолу:

  • 2013-2015 — KICB банкында насыя боюнча эксперт;
  • 2015 — "Бакай банкы" ААКсында насыя боюнча эксперт;
  • 2016-2017 — "Бакай банкы" ААКсында насыя бөлүмүнүн башчысы;
  • 2017-2018 — "Азия банкы" ЖАКта насыялык операцияларды текшерүү бөлүмүнүн адиси;
  • 2020-2021 — С. Муканбетов атындагы бетон заводунда башкы инженер;
  • 2021 — "М.СТАРД" курулуш компаниясынын директорунун орун басары.
  • 2021-жылдын октябрь айы — Нарын шаарынын мэри.

Үй-бүлөлүү, эки кыз, бир уулдун атасы.

996
Белгилер:
Арслан Сталбек уулу, Өмүр баяны, таржымал, мэр, Нарын шаары
Тема боюнча
Ош шаарына мэр болгон Алмаз Мамбетовдун өмүр баяны
Аткаминер. Архив

Сарбанов Улан Кытайбекович өмүр баяны

109
(жаңыланган 13:50 19.10.2021)
Улан Сарбанов 1967-жылдын 28-майында туулган. 1991-жылы Новосибирск мамлекеттик университетинин экономика факультетин аяктаган. 1999-2001-жылдары Москва шаарындагы Мамлекеттик башкаруу университетинде билимин тереңдетип, экономика илимдеринин кандидаты болгон.

Эмгек жолу:

  • 1991-1993 — Новосибирск шаарындагы Экономика жана өнөр жай өндүрүшүн уюштуруу институтунда кенже кызматкер;
  • 1993-2006 — КР Улуттук банкында башкы инженерден тарта башкармалыктын төрагалыгына чейин жеткен;
  • 2001-2002 — Борбордук Азиядагы Америка университетинде мугалим;
  • 2003-2007 — Кыргыз улуттук университетинде банк менеджменти кафедрасынын жетекчиси;
  • 2007-2008 — "Экобанк" ААКсынын директорлор кеңешинин төрагасы;
  • 2007-2011 — Кыргыз улуттук университетинде мугалим;
  • 2008-2009 — "Демир кыргыз интернэшнл банк" ЖАКсында директорлор кеңешинин мүчөсү;
  • 2009-2010 — "АУБ-Благотворительность" фондунун аткаруучу директору;
  • 2009 – 2011 — Борбордук Азиядагы Америка университетинде камкорчулар кеңешинин мүчөсү;
  • 2011-2013 — Евразия өнүктүрүү банкында бөлүм башчы;
  • 2013-2015 — "Россия инвестиция банкы" ААКсында директорлор кеңешинин мүчөсү, башкармалык төрагасы;
  • 2014-2021 — КРдин депозиттерди коргоо агенттининин консультативдик-адистик кеңешинин мүчөсү;
  • 2015-2021 — Экономика министрлигинин алдындагы эксперттик кеңештин мүчөсү;
  • 2015-2016 — "Россия инвестиция банкы" ААКсынын директорлор кеңешинин төрагасы;
  • 2019-2020 — Улуттук илимдер академиясында башкы илимий кызматкер;
  • 2021-жылдын 19-октябрынан тарта Финансы рыногун жөнгө салуу жана көзөмөлдөө мамлекеттик кызматынын жетекчиси.

Орус, англис тилдеринде сүйлөй алат. 2-класстагы мамлекеттик кеңешчи.

109
Белгилер:
Улан Сарбанов, Өмүр баяны, таржымал
Тема боюнча
Кошбаков Кайрат Зулпукарович — өмүр баяны
Капельницалар улануу учурунда. Архив

Бишкекте тамакка ууланган адамдардын саны 300гө жетти

42
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

42
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме