Трансформатор под снегом

Кыргызстандын энергетикасы: абал дурус

215
(жаңыланган 15:43 12.12.2014)
Биздин өкмөт өз мүмкүнчүлүктөрүнө карап, электр кубатын сырттан алып келмейин, КР быйылкы кыштан жеңил чыга албастыгын акыры моюнга алды.

БИШКЕК, 12-дек — Sputnik. Кыргызстанга кыш өз убагында келди. Бирок бул да энергетиктердин шаштысын алды, себеби үзгүлтүксүз сууктун ызгаары жарандарды электр кубаты менен камсыздоого кыйынчылык жаратууда. 

Акы төлөгүлө!

Биздин өкмөт өз мүмкүнчүлүктөрүнө карап, электр кубатын сырттан алып келмейин, КР быйылкы кыштан жеңил чыга албастыгын акыры моюнга алды. 1-декабрдан тартып коңшулаш Казакстандан электр кубаты абдан кымбат баада келе баштады. Бирок премьер-министр Жоомарт Оторбаевдин айтымында, бул көйгөйдү чечүүнүн эң ыңгайлуу чечими.

"Өлкө азыр Рубикондон өтүп жатат. Эгер мурда Кыргызстан экспорттук мамлекет болуп келсе, учурда электр кубаты импорттолууда", — деген эле министрлер кабинетинин башчысы парламенттин ноябрдагы пленардык отурумунда.

1-декабрдан тартып Кыргыз Республикасы Казакстандын электр кубатын ала баштады. Энергетика жана өнөр жай министри Кубанычбек Турдубаев билдиргендей, электр кубатын коңшу өлкөдөн сатып алуу быйылкы жана келерки жылы улантылат. Казакстан келишимди ай сайын түзүп турууну суранды. Ушул айдын акысы толук төлөнгөн. Казак Республикасы болсо бул суммага банк кепилдигин берет. Импорттук электр кубатынын чегарадагы баасы – 5 сом. Ага бажы салыгын жана кошумча нарк салымын кошкондо, баасы 5,6 сомго чейин көтөрүлөт. 

Өзүм билемдик

Коңшу өлкө өз милдеттемелерин толук аткарган учурда, электр кубатын өндүрүүчү жергиликтүү компаниялар да өз иштерин толук аткарууга жетишүүдө. "Электр станциялары" ААК Бишкектин ЖЭБи орто эсеп менен саатына 8 миллион 728 миң киловатт чыгарарын билдирди. Бул шаардын жылуулук электр борбору үчүн жогорку көрсөткүч болуп эсептелет.

Ошону менен бирге, "Электр станцияларынан" билдиргендей, өлкөдө күнүнө 64,198 миллион киловатт-саат электр кубаты сарпталат (өткөн жылы 55,835 миллион болчу). Быйыл анын керектелиши 8,363 миллион киловатт-саатка өстү.

"Түндүкэлектро" ААК басма сөз кызматы да Бишкек менен Чүй облусунун абоненттери жарыксыз калалектигин, азырынча кезеги менен жарык өчүрүүлөр тууралуу сөз болбогонун айтышты.

"Өткөн дем алыш күндөрү кар калың түшүп, ар кайсы райондордо жарыктын өчүшүнө алып келди. Бирок бул кадыресе көрүнүш. Баса, шаар жана облус боюнча жалпы электр кубатын пайдалануу көбөйгөнүнө карабай, абоненттер жарыкты үнөмдөөгө аракет кылууда", — дейт "Түндүкэлектро" ААК басмасөз кызматынын жетекчисинин орун басары Гуля Мураталиева.

Анын айтымында, абонеттер үйлөрүн жылуулап, күнүмдүк турмушун жарыкка азырак акча төлөгүдөй уюштурууга аракет кылышууда.

"Абоненттерге таратылган кеңештердин баарын көңүлгө алышканы кубандырат. Кыштан эч бир кыйынчылыксыз чыгып кетебиз деген үмүтүбүз бар", — деп кошумчалашты компанияда.

Жарандардын арасында жүргүзүлгөн сурамдар жалпысынан электр жарыгы боюнча көйгөйлөр жоктугун ырастайт.

Түштүктө жылуулук да, жарык да бар

Апрель айында газсыз калган түштүк борбору жана Ош облусу муниципалитеттин ырастоолоруна караганда суукка татыктуу туруштук берип келет. 

Sputnik менен болгон маегинде Оштун вице-мэри Кутманалы Абдрахман уулу электр кубаты жана жылуулук берүүдө түштүктө кыйынчылыктар жогун билдирди. Шаарда 1 миң 536 трансформатор бар жана алардын бардыгы тең үзгүлтүксүз иштеп жатат. 

Ошондой эле ал Ош ТЭБ толук иштеп, шаардыктардын үйлөрүнө жылуулук келип жаткандыгын айтты. Борбордук жылытуу системасына туташылбаган райондордо да азырынча эч кыйынчылыктар жок. 

"Шаар боюнча ондон ашык көмүр сатчу жер бар. Бардыгы болуп 70 миң тоннадан ашык көмүр даярдалган, азыр ал бекитилген баада 5 миң 92 сомдон сатылууда. Калк арасында нааразылыктар болбошу үчүн биз бааны көзөмөлдөп жатабыз", — деп кабарлады Кутманалы Абдрахман уулу.

Албетте кыштын эң суук мезгили али алдыда. Декабрь менен январь айларындагы ызгаар суук кыргыз энергетикасын дагы далай жолу сындан өткөрөт. Бул тармактагы азыркы бейкуттук өкмөттүн да, бардык жооптуу компаниялар менен абонеттердин да жайланып отуруп калышына себеп эмес. 

215
Белгилер:
Гуля Мураталиева, Гуля Мураталиева, Кутманалы Абдрахман уулу, Кубанычбек Турдубаев, Жоомарт Оторбаев, Казакстан, Ош, Кыргызстан
Тема боюнча
Умбеталиев: КРде электр энергия болгон таңкыстык 3 жылга дейре созулат
Чүй облусундагы Оруу-Сай лыжа базасы. Архив

Бейшембиге карата аба ырайы

79
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

79
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

125
(жаңыланган 23:34 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 2-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

125
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды