Города России. Сургут

Өлкөнү газ менен камсыздоо долбоору ишке ашат

40
(жаңыланган 11:51 27.12.2014)
Кыргызстандын президенти Алмазбек Атамбаев атамекендик газ менен камсыздоо долбоору ишке аша турганын билдирди.

БИШКЕК, 27-дек — Sputnik. Газ менен камсыздоо долбоору ишке аша турганын жана Кыргызстандын түштүгү 2016-жылды өз газы менен тосоорун президент Алмазбек Атамбаев жыл жыйынтыгы боюнча берген маалымат жыйында билдирди.

Анын айтымында, баасы 1 миллиард доллар болгон "газ куурун" Таластан түштүк аймакка ташып баруу боюнча вариант болгон, бирок Кудай жалгап, жакында эле Баткенден газ табылган.

"500 миллион кубометрге жакын табылган газ түштүктү 5-10 жылга чейин газ менен камсыздай алат. Газ кууру Баткенден Ошко жана Жалал-Абадга чейин тартылат. Бизде бирдиктүү газ кууру болгон эмес. Болгону Өзбекстандан Ошко, Өзбекстандан Жалал-Абадга чейин гана болчу. Келерки жылдын күз айларына чейин биз иштерди жасайбыз. Россиянын президенти Владимир Путин жана "Газпромдун" жетекчиси менен жолукканда бул долбоор Өзбекстан газ берүүнү жандандырып жандандырбаса да ишке аша турганы чечилген. Бүгүн газ бериши мүмкүн, эртең өчүрүп коюшу ыктымал. Бирок мамлекет төлөшү керек болот", — деди президент.

Атамбаев долбоордун каржы булактары да белгилүү болуп калганын маалымдады. Ал ошондой эле, премьер-министр болуп турганда үч жыл мурда газды жеткирүү боюнча диверсификациялоо башталганын билдирди. Өлкөнүн түндүгү газды Казакстандан алып баштаган.

"Эгер биз көз карандысыз болгубуз келсе, иштешибиз керек. Буга чейин биз газды Өзбекстандан алып келгенбиз. Алар бизге муну жаса, аны жаса же болбосо газы жок каласыңар деп келген. Азыр биз жаңы жылды жарык менен тосуп жатабыз, бирок, Ошто газ жок. Кийинки жаңы жылды Ош менен Жалал-Абад өзүбүздүн газ менен тосот", — деди президент.

40
Белгилер:
Россия, Ош, Жалал-Абад, Баткен, Өзбекстан, Алмазбек Атамбаев, КР президентинин жыйынтык маалымат жыйыны
Тема:
Алмазбек Атамбаевдин жыл жыйынтыгы боюнча берген маалымат жыйыны (11)
Тема боюнча
Ак-Турпак айылынан Ош, Баткен аймактарына жете турган газ кени табылды
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев

Жумалиев: дыйкан, фермерлерди камсыздандыруу пландалууда

4
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев айыл чарба тармагына камсыздандырууну киргизүү мерчемделип жатканын маалымдады.

Агро камсыздандыруу боюнча мыйзам иштелип чыгып, сунушталды. Бул тууралуу Жигитали Жумалиев Sputnik Кыргызстан радиосундагы маегинде билдирди.

Жумалиев: дыйкан, фермерлерди камсыздандыруу пландалууда

Анын айтымында, учурда агро камсыздандыруу дүйнөдө көптөгөн өлкөлөрдө колдонулууда.

"Соңку учурдагы табигый процесстерден улам түшүмдүүлүк азайып кетти. Мына ушул сыяктуу көйгөйлөрдөн коргоо максатында агро камсыздандыруу боюнча мыйзам долбоору иштелип чыгып, сунушталды. Бул тажрыйба көптөгөн мамлекеттерде ийгиликтүү иштеп жатат. 2009-жылдын 26-январында "Бир типтеги өсүмдүктөрдүн өзгөчөлүгү жөнүндө" мыйзам чыккан. Тилекке каршы, ал жетиштүү деңгээлде иштеп кеткен жок. Мындан улам ага өзгөртүүлөр сунушталып, агро камсыздандырууну киргизүү мерчемделүүдө. Ага ылайык, камсыздандырууда ар бир өсүмдүк боюнча ар башка тариф коюлат. Табигый кырсыктардан кийинки чыгымдын 50 пайызын мамлекет, калганын дыйкандар каржылайт. Бул дыйкан, фермерлерди ар кандай тобокелчиликтерден коргойт", — деди Жумалиев.

Ошондой эле ал агро камсыздандыруу ыктыярдуу түрдө жүргүзүлө турганын кошумчалады.

4
Белгилер:
Жигитали Жумалиев, айыл чарба, камсыздандыруу, дыйканчылык
Тема боюнча
Айдаралиев: чоң пландарды түзө бербей майда иштерди аткарууга мезгил келди
Экзамен тапшырып жаткан мигранттар. Архив

Россияда мигранттардын экзамен берүү шарттары өзгөрдү

13
(жаңыланган 12:09 01.08.2021)
Россия мигранттардан экзамен алуу жана документтерин жалпы маалыматтык системага киргизүү боюнча эрежелерге өзгөртүүлөрдү киргизди.

БИШКЕК, 1-авг. — Sputnik. Россияда мигранттардан экзамен алууга байланыштуу бир катар токтомдор күчүнө кирди. РИА Новости агенттигинин жазганына караганда, мындан ары орус тили, тарых жана өлкө мыйзамдары боюнча экзамендин материалдары үч жылга чейин сакталат.

"Орус тили, тарых жана РФтин негизги мыйзамдары боюнча экзамен алуу тартиби жана материалдарды сактоо" токтомуна ылайык, мигрант берген экзамендин жыйынтыгы сертификат алган күндөн тарта үч жыл сакталып, андан кийин жок кылынат.

"Квалификация жана билим алгандыгы тууралуу документтердин федералдык реестри жөнүндө" токтом боюнча, мигранттын документтери жалпы маалыматтык системага киргизилиши зарыл.

Ал эми "Орус тили, тарых жана РФтин негизги мыйзамдары боюнча экзамен алуунун баасы тууралуу" токтомго ылайык, мигранттар убактылуу жашоого уруксат алуу үчүн орус тилинен экзамен тапшырууга эң көп дегенде 5,9 миң рубль төлөшү керек. Ал эми ишке орношуу же патент алуу үчүн орус тилинен экзамен тапшырса баасы 3,8 рубль болот.

13
Белгилер:
Россия, мигранттар, экзамен, мыйзам, токтом
Тема боюнча
25-июлдан тарта Россияга "COVID жок саякаттайм" тиркемеси менен гана кирүүгө болот