Операционная комната

Чоң-Алайдагы дарылоо мекемелеринин имараттарынын көбү начар абалда

16
(жаңыланган 10:02 06.01.2015)
Чоң-Алайда мындан эки жыл мурун курулушу башталган райондук оорукана алигиче бүтпөй келет. Бул маселени чечүүгө көмөк көрсөтүүнү өтүнгөн райондун акими саламаттыкты сактоо министрине кайрылды.

БИШКЕК, 6-янв — Sputnik. Ош облусунун Чоң-Алай районунда болгон Саламаттыкты сактоо министри Талант Батыралиев айылдардын дарыгерлери, медицина кызматкерлери менен жолугуп, көйгөйлөр менен жеринде таанышты.

Чоң-Алайдын Кара-Мык жана Дароот-Коргон айыл аймактарында болуп, ооруканалардын имараттарын көрдү. Дарыгерлер, медициналык кызматкерлер менен жолугуп, алардын көйгөйлөрүн укту. Бул туурасында Sputnik маалымат сайтына Чоң-Алай районунун акими Абдылазис Ашыралиев билдирди. 

"Саламаттыкты сактоо министри Талант Батыралиев биздин ооруканаларды көрүп, дарыгерлерди, медициналык кызматкерлер менен көзмө-көз сүйлөшүп кетти. Райондогу ооруканаларыбыздын имараттары авариялык абалда. 120 койкалуу райондук ооруканада 2 жылдан бери курулуп бүтпөй келет. Министрге аны быйыл бүтүрүү боюнча өтүнүчүбүз менен кайрылдык", — деди Ашыралиев.

Райондун акими аймакта дарылерлердин тартыштыгы дагы бир көйгөйлөрдөн экендигин айтты.

"Райондо дарыгерлер тартыш, хирург, кардиолог, анестезиолог жана акушерлер жетишпейт. Бул биздин көйгөйлөрдөн. Бул маселени чечүү боюнча да сүйлөштүк. Себеби, адистерге иштен сырткары, жашаганга да шарт түзүлүшү керек", — деди Ашыралиев. 

Талант Батыралиев буга чейин Талас облусундагы медициналык мекемелердин абалы менен таанышып чыккан

Саламаттыкты сактоо министрлигине дайындалгандан кийин премьер-министр Жоомарт Оторбаевдин кабыл алуусунда болуп, ишти дубандардагы дарылоо мекемелеринин таанышуудан баштаарын айткан.

16
Белгилер:
Жоомарт Оторбаев, Талант Батыралиев, Абдылазис Ашыралиев, Чоң-Алай, Ош
Тема боюнча
Саламаттыкты сактоо министри ишин дубандардагы ооруканалардан баштады
Президент Садыр Жапаров бизнесмендер менен жолугушуу учурунда

Жапаров бизнесмен Баляндын иши боюнча айтып берди

22
(жаңыланган 14:32 23.06.2021)
Балян алдамчылыкка айыпталып, 15-июнда кармалган. Тергөөнүн версиясы боюнча, бизнесмен мамлекеттик үлүшү бар банктардын биринин жооптуу кызматкерлери менен бирге 2,3 миллион доллар өлчөмүндө "жалган" адамга насыя алууга аракет жасаганы айтылган.

БИШКЕК, 23-июн. — Sputnik. Президент Садыр Жапаров бизнесмендер менен жолукканда "Карвен групп" ассоциациялар компаниясынын жетекчиси Генрих Баляндын кармалышы боюнча пикирин билдирди.

Мамлекет башчынын айтымында, бизнесмендердин көп эмес, аз бөлүгү мамлекетти алдап, салык төлөбөй келишет. Жапаров жакында эле укук коргоочулардын бири бизнесмендер мыйзам менен корголбогондуктан аларды өлкөдөн кетүүгө чакырганын эске салды.

"Эл менен бизнесмендер түшүнүшү керек. Бизнесмен Балянды сиздер жакшы билесиздер. Ал мамлекеттик банкка арзыбаган акчага тете объектини күрөөгө коюп, 2,5 миллион доллар насыя алган. Бирок бир дагы айга бир тыйын төлөгөн эмес. Ишкер мамлекеттик банкты алдап, анын жетекчилери менен сүйлөшүп алган. Көрсө, аларга акча берип коюптур. Максаты – болбогон нерсени күрөөгө коюу болгон. Сурак учурунда банкирлер пара алганын моюндашты", - деди президент.

Балян алдамчылыкка айыпталып, 15-июнда кармалган. Тергөөнүн версиясы боюнча, бизнесмен мамлекеттик үлүшү бар банктардын биринин жооптуу кызматкерлери менен бирге 2,3 миллион доллар өлчөмүндө "жалган" адамга насыя алууга аракет жасаганы айтылган. Бул үчүн ликвиддүү эмес кыймылсыз мүлктү өтө жогору баалап (670 миң доллар) күрөөгө койгондугу маалымдалган.

Эске салсак, буга чейин сот Баляндын баш коргоо чарасын карап, 15-августка чейин үй камагына чыгарган. Сот анын мамлекетке 60 миллион сом которгонун эске алган болчу.

22
Белгилер:
Генрих Балян, бизнес, Садыр Жапаров, президент
Тема боюнча
"Карвен групптун" ээси Генрих Балян атайын эсепке 60 млн. сом которду
Сот бизнесмен Генрих Балянды үй камагына чыгарды
COVID-19дан эмдөө. Архив

Акылбек Жапаров: өлкөдө элдин 0,7%ы гана вакцина алды, бул биздин трагедия

36
(жаңыланган 13:18 23.06.2021)
Буга чейин кыргызстандыктар Кытайдын Sinopharm компаниясы өндүргөн вакцина менен Россиянын "Спутник V" препаратын колдонуп жаткан. Бирок ушул тапта кытай вакцинасынын биринчи компоненти жок калып, каалоочулар ала албай жатат.

БИШКЕК, 23-июн. — Sputnik. Бүгүнкү күндө кыргызстандыктардын 0,7 пайызы гана коронавируска каршы вакцина алды. Бул биздин экономиканын трагедиясы жана кыйроосу. Мындай пикирин ишкерлер менен жолугушуу учурунда экономика жана каржы министри Акылбек Жапаров айтты.

Белгилей кетсек, бүгүн, 23-июнда, президент Садыр Жапаров Кыргызстандагы бизнес өкүлдөрү менен жолукту. Жыйынга өлкө башчы менен чогуу экономика жана каржы министри Акылбек Жапаров жана инвестициялар министри Алмамбет Шыкмаматов да катышкан.

"Вакцинаны болгону элдин 0,7 пайызы алды. Бул биздин экономиканын трагедиясы жана кыйроосу. Учурда кайсы бир өндүрүүчү Кыргызстанга вакцина жеткирип, куюштуруп бере турган болсо, биз ага бардык шарттарды түзүүгө даярбыз. Жабдуу, акча, кепилдик жагынан эч көйгөй болбойт. Бизди болгону жетиштүү көлөмдө вакцина менен камсыздап турса болду", — деди министр Жапаров.

Эске салсак, Кыргызстанда COVID-19га каршы вакцина алгандардын саны 100 миңден аша элек.

Ал эми дүйнөдө, Жон Хопкинс университетинин маалыматы боюнча, 2,6 миллиарддан (бардыгы 7,8 миллиардын тегереги) ашык киши эмдөөдөн өттү.

36
Белгилер:
трагедия, экономика, коронавирус, вакцина, Акылбек Жапаров, Кыргызстан
Тема:
Коронавируска каршы эмдөө
Тема боюнча
Министр: Кыргызстанда коронавирустун бардык штаммы болушу мүмкүн
Филиппин президенти: эмдөөдөн качкандарга чочконун вакцинасын саям