Эмгек министрлиги: жумушсуздуктун саны өскөнүнө карабай, бош орундар дагы деле бар

© Sputnik / Максим Богодвид / Медиабанкка өтүүАрхив: жумушсуздук
Архив: жумушсуздук - Sputnik Кыргызстан
Жазылуу
Кыргызстанда 2015-жылдын 1-январына карата алынган маалымат боюнча, талап кылынбаган 6 миң 400 жумуш орду бар. Ошол эле учурда, жумушу жок жүргөндөр, күчтү талап кылган же аз төлөгөн жумуштарга барууну каалабайт.

БИШКЕК, 12-янв — Sputnik. Эмгек, миграция жана жаштар министрлиги 2015-жылдын 1-январына карата эмгек рыногунун абалы тууралуу маалыматты жарыялады. Ага ылайык, өлкө боюнча 205 миң 700 киши жумушсуз.

Жумуш менен камсыздоо саясатын иштеп чыгуу башкармалыгынын жетекчиси Аида Ажиходжоеванын билдиришинче, өлкөдө бош орундар өтө аз.

"Иш менен камсыз кылуу кызматына жумуш берүүчүлөрдөн 51 миң 900 бош орун бар деген арыз келип түшкөн. Көбүнчө адистиги бар жумушчуларга талап көп. Мындай бир орунга 14 киши ат салышат. Ошол эле учурда, 2015-жылдын 1-январына карата алынган маалыматка ылайык, 6 миң 400 жумуш орду бош турат", — деди Ажиходжоева.

Борбор калаадагы эмгек рыногун изилдеген иликтөөнүн жыйынтыгы чыгарылды
Жумуш менен камсыздоо саясатын иштеп чыгуу башкармалыгынын жетекчиси белгилегендей, бош орундар жыл аягында пайда болгондуктан алар бош калган. Жумушсуздардын көпчүлүгү, бош орундарга кирүү үчүн арыз жазып кетишпей калышкан. Бирок, бош орундардын 15% жумуштун өзгөчөлүгү жана адистердин аздыгынан улам туура келген талапкерлерди таппай келет. Мисалы, жардыргыч-геологдор, жогорку деңгээлдеги гидротехниктер жана түрдүү категориядагы ширетүүчүлөр.

"Ошол эле учурда, жумушсуз жүргөн жарандар аз төлөгөн же күчтү талап кылган иштерде иштегилери келбейт. Жарандардын көбү өзүнүн квалификациясын жогорулатууну же башка тармакта иштөөгө ыңгайлашууну каалашат. Биз аларга жардам берип жатабыз", — деди Ажиходжоева. 

Жумушсуз жарандар эмгек рыногунда талап кылынган кесиптер – газэлектрширетүүчү, айдоочу, чач тарач, оператор, бухгалтер, ашпозчу, тигүүчү, катчы-референт, электромонтажник, тракторист кесиптери боюнча окутулат

Кыргызстандагы 5 миллион 874 миң 100 жарандын экономикалык активдүү бөлүгү 2 миллион 468 миң 700 кишини түзөт.

Өлкө жарандарынын ишке жарамдуу бөлүгү 2 миллион 263 миң кишини түзсө, жумушсуздардын саны 204 миңден ашты. Ошол эле учурда, республика боюнча жумушсуздардын саны 8,3 пайыз. Бирок расмий түрдө жумушсуздардын саны 2,4 пайызды түзөт деп айтылат.

Аймактарда 192 миңден ашык киши калкты жумуш менен камсыздоо кызматтарына кайрылган. Түрдүү маселелер боюнча 111 миң 800 кишиге кеңештер берилген. Жумуш менен камсыздоо кызматынын каттоосунда 93 миң киши турат. Өлкө боюнча 58 миң 200 кишинин "жумушсуз" деген справкасы бар.

Жаңылыктар түрмөгү
0