Работа ГНС в Бишкеке

КРде салык төлөчүлөр декларация тапшыра баштады

22
(жаңыланган 11:45 20.01.2015)
Киреше тууралуу маалыматтарды өз убагында тапшырбагандык үчүн салык төлөчүлөргө административдик айып салынат. Анын көлөмү жеке адамдар үчүн 2 миң сомду жана юридикалык тараптар үчүн 5 миң сомду түзөт.

БИШКЕК, 19-янв — Sputnik. Кыргызстанда кезектеги декларация тапшыруу иш-чарасы башталып, ал эки баскычта өтөт деп билдирди Мамлекеттик салык кызматынын (МСК) маалымат бөлүмүнөн.

Юридикалык тараптар тийиштүү органдарга өз маалыматтарын 1-мартка чейин, ал эми жеке адамдар 1-апрелге чейин бериши керек.

"Баары 2014-жылы алган кирешелери боюнча салык органдарына билдирип, же экономикалык иш-аракети, мүлкүнүн жана жер үлүшүнүн бар экени тууралуу башка маалыматтарды бериши керек", — деп билдирет салык кызматы.

Ошентип, үстүдөгү жылдын 1-мартына чейин Бирдиктүү салык декларациясы (БСД) ата мекендик уюмдар, дыйкан жана фермердик чарбалар, өлкөнүн аймагында туруктуу мекеме түзүү менен иш-аракет жүргүзүүчү чет элдик фирмалар да тапшыруулары керек.

1-апрелге чейин болсо БСДны мамлекеттик кызматкерлер, жеке ишкерлер, анын ичинде салыкты патенттик негизде төлөчүлөр, салык салынуучу мүлкү (автоунаасы) жана кыймылсыз мүлкү (тура-жайы) жана жер үлүшү (үй тегерегиндеги аянттан сырткары) бар жеке адамдар, юридикалык тарапты түзүүсүз иш жүргүзүүчү дыйкан жана фермердик чарбалар тапшырууга милдеттүү.

"Салык декларациясын кагаз жүзүндө да, электрондук түрдө да орус же кыргыз тилинде тапшырса болот. БСДны салык органдарында толтуруп, ошондой эле декларациянын казагын чыгарып алып толтуруп, почта аркылуу жөнөтсө да болот", — деп белгилейт маалымат кызматы.

МСКнын эскертүүсү боюнча, киреше тууралуу маалыматтарды өз убагында тапшырбагандык үчүн салык төлгөчүлөргө административдик айып салынат. Анын көлөмү жеке адамдар үчүн 2 миң сомду жана юридикалык тараптар үчүн 5 миң сомду түзөт.

Өткөн жылы 2013-жылдагы кирешеси боюнча 347 миң салык төлөөчү өз маалыматын тапшырган. Алардын ичинде 35,8 миң уюм, 79 миң жеке ишкер жана 232 миңден ашуун жеке адамдар бар.

Ошондой эле БСД эки миңге жакын мамлекеттик жана муниципалдык кызматкерлер, анын ичинде мамлекет башчылары, парламент жана өкмөт мүчөлөрү тапшырат.

22
Белгилер:
Декларация, Киреше, Мамлекеттик салык кызматы, Мамлекет кызматкери, Юридикалык тарап, Жеке адам
Тема боюнча
КРдин ЕАЭБке кошулуусуна байланыштуу салык кодексине толуктоолор киргизилди
Мамлекеттик Салык кызматы: Кара-Суу районун карызы баарынан көп
Мамлекеттик салык кызматы эки арак заводунун лицензиясын бир айга токтотту
Мамлекеттик Ала-Арча жаратылыш паркы

Шаршембиге карата аба ырайы

30
Синоптиктер шаршембиге караган түнү жаан-чачын күтүлбөй турганын маалымдашты. Батыштан соккон шамалдын ылдамдыгы секундасына 4-9 метрге жетет.

БИШКЕК, 20-окт. — Sputnik. Шаршемби күнү, 21-октябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Талас аймактарында +20...+25, Ош, Жалал-Абад, Баткен облустарында +21...+26, Ысык-Көл менен Нарын жергесинде +14...+19 градус жылыйт.

Чоң Алайда күчү 4,5 баллга жеткен жер титирөө болду

Күндүн табы Бишкекте +23...+25 жана Ош шаарында +24...+26 градуска чейин көтөрүлөт.

30
Белгилер:
Кыргызстан, октябрь, аба ырайы
Тема боюнча
2-ноябрда Жерге астероид түшүшү ыктымал
Бишкек мэринин милдетин аткаруучу Нариман Түлеев

COVID күчөп кетсе Бишкек даяр болушу керек. Түлеевдин биринчи жыйыны

151
(жаңыланган 20:12 20.10.2020)
Эртең менен биринчи вице-мэр болуп дайындалган Түлеев Азиз Суракматов кызматтан кеткенден кийин шаар башчысынын милдетин аткарып калды.

БИШКЕК, 20-окт. — Sputnik. Бишкек мэринин милдетин аткаруучу Нариман Түлеев коронавирус пандемиясы шарттаган экономикалык кырдаалга тынчсыздануусун билдирди. Бул тууралуу жетекчинин биринчи жыйынында белгилүү болду.

Эскерте кетсек, Түлеев бүгүн эртең менен вице-мэрликке дайындалып, шаар башчысы Азиз Суракматов кызматтан кеткенден кийин калаа жетекчисинин милдетин аткарып калды.

Түлеев: чынын айтсам, мэрияга баргым келген эмес

Түлеев вице-мэрлерди, акимдерди жана шаар кызматтарынын жетекчилерин чогулткан.

"Мэрдин милдетин аткаруучу коронавирус пандемиясы шарттаган экономикалык абалга тынчсыздануусун билдирди. Экономика жана финансы боюнча вице-мэр Алмаз Бакетаевге райондук салык башкармалыктарынын жетекчилерин чогултуу тапшырылды", — деп айтылат маалыматта.

Түлеев эпидемиологиялык абал өлкө боюнча татаал экенин белгилеп, вирус жайылып кете турган болсо шаар ага даяр болушу керектигине токтолгон.

Мындан тышкары, жыйында шаар кызматтары калааны тазалоо иштерин күчөтүшү керектиги кошумчаланды.

151
Белгилер:
эпидемия, жыйын, Бишкек мэриясы, Нариман Түлеев
Тема:
Коронавируска байланыштуу Кыргызстандагы кырдаал
Тема боюнча
Абакта "авторитет" болгон. Бишкек мэрлигине кайра келген Түлеев жөнүндө 7 факты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

114
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

114
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы