Панорама города Чикаго

Сейитов: АКШда расалык чыр аз, бирок, окуучулар арасында кодулоо бар

218
(жаңыланган 18:09 03.02.2015)
АКШнын Даллас шаарында беш жылдан бери жашап келе жаткан мекендешибиз расалык чыр көп кездешпегени менен, мектеп окуучулары тымызын бөлүнүп тургандыгын айтат.

БИШКЕК, 23-янв. — Sputnik. Жакында ICM Research компаниясы сурамжылоо жүргүзүп, АКШнын жашоочуларынын 67%ы алардын эң курч көйгөйлөрүнүн бири расалар жана улуттар аралык келишпестиктер деп тапкан. Сурамжылоонун жыйынтыктары боюнча АКШнын Даллас шаарында беш жылдан бери жашап, иштеп жүргөн Марат Сейитов Sputnik сайтына өз оюн билдирди.

"Мен Даллас шаарында жашайм. Мен иштеген мектепте иммигрант үй-бүлөлөлөрдүн балдары көп. Алар көбүнчө Индия, Пакистан, жана Араб өлкөлөрүнөн келишкен. Расалык же этникалык чоң чатактарга күбө боло элекмин, бирок окуучулар арасында бул көрүнүштөр байкалат. Мисалы, ата-энеси пакистандык бала, индиялык бала менен жакшы тил табыша албайт. Мурда келген конок кийин келген конокту сүйбөйт болуп, кээде испан тилдүү жергиликтүү тургундар иммигранттардын (индус, араб, кытай жана башка) балдарын кодулашат. Бул сыяктуу көрүнүш мен иштеп кеткен Аустин шаарында көбүрөөк байкалат. Мындай абалдын орун алышына Ирак жана Сирия мамлекеттеринде болгон кырдаал да таасирин тийгизип жатат", — деди Сейитов.

218
Белгилер:
ICM Research, Марат Сейитов, Даллас, АКШ
Тема боюнча
Америкалыктар башкы көйгөйлөрдүн бири — улуттар аралык келишпестик маселелери деп эсептейт
Ресторан. Архив

Бишкек мэриясы кафе-ресторандардын ишине чектөө киргизди

107
(жаңыланган 21:25 16.06.2021)
Борбор калаада эпидемиологиялык абал оор бойдон калууда. Бишкек шаары ушул тапта "кызыл” зонада турат.

БИШКЕК, 16-июн. — Sputnik. Эртең, 17-июндан тарта, Бишкектеги түнкү клуб, кафе, ресторан, караоке, бар сыяктуу көңүл ачуучу жайлардын ишине чектөөлөр киргизилет. Бул тууралуу социалдык маселелер боюнча шаар жетекчисинин орун басары Виктория Мозгачеванын жетекчилигинин алдында болгон эпидемиологиялык абал боюнча жыйында белгилүү болду.

Мэриянын маалыматына караганда, буга шаарда коронавирус инфекциясына карата абалдын оор болуп турганы себеп болууда.

“Бишкекте көңүл ачуу жайлар саат 23.00дөн 07.00гө чейин жабылышы керек. Бирок тамак жеткирип берүү кызматтары мурдагыдай тартипте эле иштей берет. Мындай чектөөлөр абал жакшырганга чейин сакталат”, — деп айтылат билдирүүдө.

Ошондой эле коомдук транспортто дезинфекциялоо иштери, санитардык нормалардын сакталып жатышы боюнча рейддерди күчөтүү сунушталды.

Эске салсак, борбор калаада эпидемиологиялык абал оор бойдон калууда. Бишкек шаары ушул тапта "кызыл” зонада турат.

107
Белгилер:
чектөө, коронавирус, Бишкек мэриясы, Бишкек
Тема:
Коронавируска байланыштуу Кыргызстандагы кырдаал
Кол чатыр. Архив

Бейшембиге карата аба ырайы

17
17-июнга караган түнү көпчүлүк аймактарда өткүн өтүп, күн күркүрөшү күтүлөт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-июн. — Sputnik. Бейшембиде күндүз кээ бир райондордо жаан жаайт. Бул тууралуу Кыргызгидрометтен билдиришти.

Абанын температурасы Чүй облусунда +28…+33, Таласта +27…+29, Ош, Жалал-Абад, Баткен облустарында +31…+36, Ысык-Көл аймагында +21…+26, Нарын өрөөнүндө +19…+24 градуска жетет.

Күндүн табы Бишкекте +29…+31, Ош шаарында +30…+32 градусту көрсөтөт.

17
Белгилер:
Кыргызстан, аба ырайы
Тема боюнча
Өзбекстанда жеке компаниялар электр энергиясын сааттап сата баштайт
АКШ президенти Жо Байден

Байдендин маалымат жыйынына россиялык журналисттерди киргизбей коюшту

0
Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

БИШКЕК, 17-июн. — Sputnik. Россиялык журналисттерди АКШ президенти Жо Байдендин маалымат жыйынына киргизбей коюшканын Sputnik International кабарлады.

Маалыматка карганда, аларды аталган иш-чарага аккредитациядан өткөрбөй коюшкан.

Ак үйдүн маалымат кызматы чет элдик журналисттерди каттоого ала турган кызматкердин байланыш номерин берген. Бирок ал россиялык журналисттердин өтүнүчүн көңүл сыртында калтырып койгону айтылат.

Эске салсак, бүгүн Жо Байден менен Владимир Путин Женева саммитинен кийин Ла Гранж вилласынан көрүшүп, эки этап менен сүйлөшүүлөрдү жүргүздү. Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

0
Белгилер:
журналист, Женева, Владимир Путин, Жо Байден
Тема боюнча
Өзөктүк согушта жеңүүчү болбойт! Путин менен Байдендин биргелешкен билдирүүсү
Путин Байден менен жолугушуусу кандай өткөнүн айтып берди
Путин: Байден “жан алгыч” деп эмнеге айтканын түшүндүргөн
Путин менен Байден RT жана Sputnik радиосунун ишин талкуулады