Вручение ключей от новых квартир молодым ученым

Бишкекте азиздер менен кулагы укпагандарга батирлерди белек кылышты

87
(жаңыланган 14:06 26.01.2015)
Көп кабаттуу турак-үйдө 300гө жакын үй-бүлөлөр жайгашат.

БИШКЕК, 24-янв — Sputnik. Бишкек шаарынын "Көк-Жар" кичи районунда мүмкүнчүлүгү чектелген адамдар үчүн курулган көп батирлүү үй пайдаланууга берилди. Азиздер жана дүлөйлөр коомунун мүчөлөрүнө жаңы батирлердин ачкычтарын тапшыруу салтанатына катышкан президенттик аппараттын жетекчиси Данияр Нарымбаев өлкө башчысы Алмазбек Атамбаевдин атынан коомдун мүчөлөрүн жаңы конушу менен куттуктап, чың ден-соолук, узак өмүр каалады.

Нарымбаев 2008-жылдан бери мамлекеттик бюджеттин эсебинен Бишкекте 45 батирлүү 3 үй, Ош шаарында 45 батирлүү бир үй, Жалал-Абадда 40 батирлүү бир үй пайдаланууга берилгендигин айтты. 

Ал эми аталган 90 батирлүү турак-үйдүн курулушуна мамлекеттик бюджеттен 87,51 млн. сом сартпталган.

Нарымбаев президенттин атынан Азиздер жана дүлөйлөр коомунун президенти Калык Мамбатакуновго символикалык түрдө көп кабатттуу үйдүн ачкычын жана балдар аянтынын курулушуна 400 миң сомдук сертификатты тапшырды. 

"Каржы тартыш болуп, үйдүн курулушу улам токтоп калып жаткандыктан, мамлекет акча бөлүш үчүн парламенттик трибунадан чыгып сүйлөп, ЖКнын жыйындарында маселе көтөрүп, ондогон каттарды жазууга туура келди. Бактыга жараша, 2014-жылы президент Атамбаевдин чечими менен тиешелүү каражат табылып, Азиздер жана дүлөйлөр коомунун үйдү бүтүрүшүнө мүмкүнчүлүк жаралды", — деди ЖКнын депутаты Дастан Бекешов.

Депутат мүмкүнчүлүгү чектелген адамдардын мамлекет куруп, акысыз берген жаңы батирлүү болушуна кубанычын билдирди.

87
Белгилер:
Азиздер жана дүлөйлөр коому, Данияр Нарымбаев, Калык Мамбетакунов, Алмазбек Атамбаев, Дастан Бекешев
Россиянын коронавируска каршы вакцинасы

Коронавируска каршы вакцина: гениалдуу нерсенин баары жөнөкөй

93
(жаңыланган 22:59 12.08.2020)
Россия дүйнөдө биринчилерден болуп коронавируска каршы вакцинаны каттоодон өткөргөнүн жар салды. Колдоп ыраазычылык айткандар, сындап нааразы болгондор да кездешти дейт дарыгер Сергей Царенко.

Биз, дарыгерлер, коронавирус жуккан бейтаптарды дарылап айыктырууда моноклоналдык антителону, стероиддерди, вируска каршы дарыларды колдонуп, ийгиликке жеттик. Ооругандар азыраак көз жума баштады, ал эми оор абалда жаткандарды баары бир өпкөнү жасалма дем алдыруучу аппаратка туташтырууга аргасыз болдук.

Ар бир он кишинин алты-сегизи оорукана ичиндеги инфекциядан каза тапты. Андай ноокастарды жаңы антибиотиктер сактап калмак эле. Бирок аларды иштеп чыгуу үчүн көп жылдар керек. Дагы башка жолу бар. Ал – адамдарды оору жуктурбай аман алып калуу. Бардык жагынан алганда бул жакшы. Адам оорубайт, айланадагыларына илдетти жуктурбайт. Негизи адам кеселге канчалык туруштук берсе, коомчулуктун иммундук катмары калың болуп, эпидемия эртерээк кайтат.

Путин COVID-19га каршы россиялык алгачкы вакцина каттоодон өткөнүн кабарлады

Азырынча ооруга болгон туруктуулук эгерде ал ооруп айыкса гана калыптанат. Дагы бир коопсуз жолу бар, ал — иммунизация. Анан калса Гамалея институтунун адистери иштеп чыккан майнаптуу жана коопсуз вакцина бар. Бул институт автомобиль курууда "Мерседес" кандай кадыр-барктуу бренд болсо, микробиологияда дал ошондой дөө-шаа.

Мен академиктер Гинцбург менен Логуновду көп жылдан бери жакшы билем. Алардын кызматкерлери менен туруктуу бактерияларга каршы күрөшүү боюнча жаңы ыкмаларды иштеп чыгып келе жатабыз. Мындан сырткары, Эбола жана MERS вирусуна каршы вакцина чыгарышты. Жөн гана ойлоп чыгарып коюшпай, аны майнаптуу жана коопсуз кылышты.

Адам үчүн коопсуз болгон аденовирус ташып жүрүүчү ракета сымал орбиталдык станцияга коронавирустун кичинекей бөлүгүн жармаштырып койду. Аны адамдын ичине, организмине кое берди. Мындан улам экөөндө тең иммунитет пайда болду. Ийгиликти бекемдеш үчүн ошондой эле "орбиталдык станцияны" башка аденовируска "ташып жүрүүчү ракетага" кое беришти. Кайрадан иммунитет пайда болду. Жыйынтыгында эки аденовируста алсызыраак (себеби ал организмге кереги жок да), ал эми коронавирустан — туруктуу жана ишенимдүү иммундук коргоо жаралды. Сонун, гениалдуу.

Каттоодон өткөн россиялык вакцина жапырт колдонууга качан чыгары айтылды

Вакцинаны ыктыярчы адамдарга сынап көрүштү. Алардын бардыгы Гамалея институтунун кызматкерлери эле. Алар аркылуу биринчи поезд өттү! Мындан кийин вакцинаны аскер кызматкерлерине сынашты. Биринин да ден соолугунда көйгөй жаралган жок, бардыгында кубаттуу бир иммунитет пайда болду.

Албетте, бүткөн ишке сынчы көп. Басылмаларда сындар жаады. Көп сөздөр айтылды. Акыркысына эле токтолсок, чочуй тургандай нерсе. Инфекцияны толук жок кылбайт же антитело вирустун клеткага киришинин натыйжалуулугун күчтөндүрөт (ADE) дешти. Бул адис эместер үчүн коркунучтуу. Ал эми вирусологдор ADE натыйжасы Денге лихорадкасы үчүн эле эмес, вакцинация менен да байланышпагандыгын билишет. Калган учурларды майнапты пробиркадан гана көрүшөт.

Ушул жерден суроо жаралат. Басылмалардагы бул кампанияны ким каржылап жатат? "Көз карандысыз" эксперттер кимден көз каранды? Полишинель сыры: россиялык окумуштуулардан артта калып калган башка вакциналардын өндүрүүчүлөрүнөн көз каранды. Дагы вируска каршы дарыларды чыгаргандар бар. Кээде ал препараттар оору менен күрөшүүдө майнабын берет. Бирок ал оорунун жеңил түрүнө кабылганда жардамчы, бирок башка кыйыр таасирлери толтура.

Россияда COVID-19га каршы вакцина алгандар ооруканадан чыкты. Видео

Иштеп жүргөн бизге окшогон дарыгерлер, мисалы, ушундай майда нерселерди көргөндө уяласың. Бизге качан коронавирус жуктурган бейтаптар келбей калат, эпидемиядан улам кол жетпей жаткан башка ооруларды качан дарылайбыз деп күтөбүз.

93
Тема:
Дүйнөгө жайылган коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Жамгырдуу аба ырайы. Архивдик сүрөт

Бейшембиге карата аба ырайы

45
(жаңыланган 21:01 12.08.2020)
13-августта түнкүсүн республиканын тоолуу райондорунда өткүн өтүп, күн күркүрөшү күтүлөт.

БИШКЕК, 12-авг. — Sputnik. Бейшемби күнү күндүз өлкөнүн көпчүлүк аймактарында өткүн өтүп, күн күркүрөйт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Күндүн көзү ачылбайт... Бир жумага карата аба ырайы

Абанын температурасы Чүйдө +25...+30, Талас аймагында +22...+27, Ош, Жалал-Абад, Баткен облустарында +29...+34, Ысык-Көлдө +20...+25 жана Нарын жергесинде +19...+24 градус болору айтылды.

Борбор калаада өткүн өтүп, күн күркүрөйт, Ошто күн ачык болот. Күндүн табы Бишкекте +27...+29, Ош калаасында +32...+34 градуска чейин жетсе, Чолпон-Атада термометрдин көрсөткүчү +21...+23 градуска көтөрүлөт.

45
Белгилер:
Кыргызстан, аба ырайы
Тема боюнча
Күндүн көзү ачылбайт... Бир жумага карата аба ырайы