Таалайбек Абдрахманов

Таалайбек Абдрахманов: мени кулчулукка таекелерим сатып ийди

375
(жаңыланган 10:23 30.01.2015)
Үч жарым ай Афганистандын Герат шаарындагы НАТОго тиешелүү аскер базасында иштеген кыргызстандык Таалайбек Абдрахманов өз айлыгын ала албай калган. Анын таежеси 17 барактан турган чет тилдеги документке кол койдуруп алып, анын айлыгын өзү алып турган.

БИШКЕК, 29-янв — Sputnik. Таалайбек Абдрахмановду апасынын агасынын кызы жана балдары кулчулукка алдап сатып жибергенин айтат. 

"2013-жылы таекем үч бөлмөлүү үй куруп бер деп мени жалдаган. Мен аны эки жарым айда айда куруп бүткөм. Бирок, эмгек акымды беришкен жок. Анын ордуна мага Афганистандан жумуш таптык, бардыгы мыйзамдуу, келишим менен иштейсиң деп сунушташты. Сени менен дагы 7 киши, улуу таекең да сени менен барат деп 8 кишини автобекеттен Алматыга чейин коштоп барып, Дубайдын учагына салып жиберди", — дейт ал.

Аларды Дубайдан таекесинин карындашы Салтанат Боромбаева жана таекесинин аялы Жамийла аттуу жарандар тосуп алган. Аларга келишимди Дубайдан Салтанат Боромбаева көрсөтүп, тааныштырмак. Келишим 2 жылга түзүлүп, ар бир 6 айда Кыргызстанга келип, 20 күн эс алып кайта кетип турушмак. 

Ал жакта үч күн болгондон кийин Салтанат Боромбаева Кыргызстандан келген 8 киши менен чогуу Кабулга учуп, андан ары Афганистандын Герат шаарындагы НАТОго тиешелүү италиялык аскер базасына келишкен. Ал жакта 3 миңден ашык аскер эмгектенээрин Абдрахманов кошумчалады.

Кыргызстандыктардын айлыгы колуна берилген эмес

Абдрахмановдун айтымында, таекесинин карындашы Салтанат Боромбаева алар менен аскер базасында 18 күн болгон. Аларды жумушу менен тааныштырып, аскер базасына жайгаштырып кеткен.

"Биз 17 барактан турган документке кол койгонбуз. Ал жакта эмне деп жазылганын түшүнгөн жокпуз. Ошол бойдон 8 киши тең ашканада ашпозчунун жардамчысы болуп сыр, капуста, нан туурап, күнүнө 13-14 сааттан иштеп аттык. Бишкектен кетип атканда айлыгыңар 700 доллардан болот, кийин улам иштеген сайын көбөйүп турат дешкен. Бирок, бизге эч нерсе төлөнгөн жок. Биз үч жарым айдан кийин иштебейбиз деп баш тарттык. Айлык төлөнбөй жатат деп чоңдоруна чейин кирдик. Жаныбызда иштеген башка кыргыз балдарга сайын 1 200 евродон төлөнүп атты. Биз эч нерсе алган жокпуз. Чоңдору бизге "силерди алып келген кишиге акчаңар төлөнүп атат. Силер иштей бергиле" деди. Биз "иштебейбиз Кыргызстанга кетиргиле" дедик. Алар бизди кетире албастыгын айтып, ким алып келсе ошол алып кетиши керек деп базадан эшикке кууп чыгарып салды. Кетип атканда ар бирибизге 450 евродон берди", — дейт ал.

5 жылдыздуу мейманканадагы 23 күн

Таалайбек Абдрахманов белгилегендей, аларды сыртка чыгарып салгандан кийин бир эки саат өткөн соң автоунаа менен афган улутундагылар келип, аларды Герат шаарындагы 

5 жылдыздуу мейманканага алып барып, ал жакта 23 күн кармашкан. Аларды мейманканадан 23 күн бою сыртка чыгышкан эмес. Эмнеге чыгарбай атасыңар деп кызыкканда, визаларынын мөөнөтү өтүп кеткенин айтып, анан калса визалар туристтик эле виза экенин айтышкан.

Кыргызстандык жарандар Герат шаарындагы базада иштеген орус улутундагы учкучтарга болгон окуяны айтып, алардын жардамы аркылуу Кыргызстандын Кабулдагы элчилигине кайрылышкан. 2013-май айында кеткен жарандар сентябрь айында араң дегенде элчиликтин жардамы менен мекенине кайтып келишкен. 

Таалайбек Абдрахмановдун айтымында, Кыргызстанга болгону 6 жаран гана кайтып келген. Калган эки жаран таекесинин жакын туугандары болгондуктан калып калышкан. Кыргызстанга кайткан Таалайбек, таекесинин жакын 2 тууганы аскер базасында иштеп жүргөндө эле айлыгын колуна алып атышы мүмкүн деп шектенет. Себеби, алардын жанында дайыма акча жүрчү.

"Колуңдан келгенди жасап ал"

Жакын туугандарына алданып калган Таалайбек Абдрахманов Кыргызстанга келгенден кийин таекесине барып, иштин чоо-жайын түшүндүрүп берген. Бирок ал барчу жериңе барып арыздана бер деп койгон.

"Таекемдерге барып бул эмне кылганыңар деп айтсам, колуңан келгениңди кыл, барчу жериңе бар деп коюшту. Алар менин апамдын агасынын кызы менен балдары болот. Жакындарыңды алдап кетет деп эч качан ойлобойт экенсиң. Булар дагы деле болсо, Кыргызстандын жарандарын ал жакка жиберип жүрөт. Биздин ордубузга кайта эле 5 кыргызстандык жаран барганын уктук", — дейт ал.

Арызды футбол тобундай тепкилеген укук коргоо органдары

Кыргызстанга аман-эсен жеткенине сүйүнгөн Таалайбек Абдрахманов келери менен эле Чүй облусунун Аламүдүн РИИБине жана прокуратурасына арыз менен кайрылган. Бирок, алар алдамчылык фактысы боюнча эч кандай чара көргөн эмес. Тескерисинче, жабыр тарткан Таалайбек Абдрахмановдун жазган арызын далилдер жок деп иликтөөгө да алышкан эмес. Төрт тергөөчүнүн ишти териштирүүдөн баш тарткан арызы колунда экенин айтат. 

"Аламүдүн райондук прокурорунун орун басары Баатырбек Төлөмүшов мага "сени байлап алып барды беле", же "башыңа мүшөк кийгизип алып барды беле" деген кептерин айтып, эртең кел, бүрсүгүнү кел дегенден башка иш кылган жок. Онунчу күнү да бардым, бешинчи күнү да бардым эч кандай чара көрүлбөй жатат. Алар сени эч ким кыйнап алып барган эмес деп жатышат", — дейт ал.

Таалайбек Абдрахманов туугандарын киши сатуу менен алектенген уюшкан кылмыштуу топ деп эсептеп, аларга карата президент, премьер-министр жана жаңы дайындалган башкы прокурор чара көрсө деп үмүттөнөт. Анын айтымында таекелери ага, салып берген тамынын акысын төлөп бере элек жана 3 500 доллар карыз.

375
Белгилер:
Кулчулук, Таалайбек Абдрахманов, Афганистан
Көчөдө бараткан адамдар. Архив

COVID-19га кабылган эркекте кийин төшөк маселесинде көйгөй жаралышы мүмкүн

27
Адистин айтымында, коронавирус аялдарга караганда эркектерге көбүрөөк кыйынчылыктарды жаратат.

БИШКЕК, 27-ноя. — Sputnik. Эркектин тукум улоо органдарындагы ACE2 деп аталган рецепторлор организмге коронавирустун кирип кетишине көбүрөөк себепкер болот. Мындан улам COVID-19дан сакайгандан кийин эркектердин жыныстык жашоосунда көйгөйлөр жаралышы мүмкүн экенин Sputnik радиосунун эфиринде эндокринолог Зухра Павлова билдирди.

"Коронавирус аялдарга караганда эркектерге көбүрөөк кыйынчылыктарды жаратары байкалууда. Бир нече иликтөөлөрдүн жыйынтыгын карап көрсөк, коронавирустан айыккан соң эркектерде тестостерон гормонунун бөлүнүшүндө көйгөйлөр жаралат экен. Мындан улам алардын тукум улоо функцияларында түйшүк жаралышы ыктымал", — деди дарыгер.

Тестостерон гормонунун эркектин жашоосунда мааниси чоң. Бул гормон жетиштүү кезде эркектин энергиясы ашып-ташып, кандай иш баштабасын майын чыгара жасайт. Тестостерондун жардамы менен эркекке сакал-мурут өсөт, булчуң эт толот, кандын курамы жакшырат. Эң негизгиси — эркектин бел суусунун иштелип чыгышына, тагыраагы, тукум улоосуна шарт түзүлөт.

Ошондой эле тестостерон акыркы изилдөөлөр боюнча вирустук инфекцияларга туруштук берүүдө маанилүү роль ойнойт. Анын деңгээлинин төмөн болушу респиратордук инфекция, сасык тумоо, сезгенүү, жүрөк-кан тамыр ооруларынан жана кан басымдын көтөрүлүшүнөн улам өлүм коркунучу жогорулашы мүмкүн экени айтылып келет.

27
Белгилер:
кесепет, коронавирус, эркек, тестостерон
Тема:
Дүйнөгө жайылган коронавирус
Тема боюнча
Коронавирус эркектин сексуалдык каалоосун жок кылат. Жаңы изилдөө
Адис: коронавирус сасык тумоо менен грипптин катарына кошулуп келе жатат
Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди

Венгрия өлкөнүн Куралдуу күчтөрүнө суу тазалоочу жабдыктарды берди. Сүрөт

10
Жабдуулар темир жол аркылуу алып келинген. Алар аскердик-талаа госпиталынын дараметин кыйла жогорулатары кошумчаланды.

БИШКЕК, 27-ноя. — Sputnik. Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди. Бул тууралуу Генералдык штабдын маалымат кызматы кабарлады.

  • Правительством Венгрии предоставлена мобильная водоочистительная система для Военно-полевого госпиталя 2-го уровня Вооруженных Сил КР
    Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди
    © Фото / пресс-служба Генерального штаба ВС КР
  • Правительством Венгрии предоставлена мобильная водоочистительная система для Военно-полевого госпиталя 2-го уровня Вооруженных Сил КР
    Жабдуулар темир жол аркылуу алып келинип, аны өлкөнүн коргоо ведомствосу кабыл алган.
    © Фото / пресс-служба Генерального штаба ВС КР
1 / 2
© Фото / пресс-служба Генерального штаба ВС КР
Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди

Ага ылайык, жабдуулар темир жол аркылуу алып келинип, аны өлкөнүн коргоо ведомствосу кабыл алган.

"Венгрия эки өлкөнүн саясий, соода-экономикалык жана маданий-гуманитардык кызматташтыгын кеңейтүү максатында КРдин Куралдуу күчтөрүнүн II даражадагы аскердик-талаа госпиталы үчүн мобилдүү суу тазалоочу жабдыктарды тартуулады. Бул жабдыктар кайтарымсыз түрдө берилди", — деп айтылат билдирмеде.

Жабдуулар аскердик-талаа госпиталынын дараметин кыйла жогорулатары кошумчаланды. Ошондой эле келечекте БУУнун тынчтык операцияларына катышуу алкагында өз алдынча иштөөгө мүмкүнчүлүк берет.

10
Белгилер:
жабдуу, Генералдык штаб, Кыргызстан, Венгрия
Тема боюнча
Кыргызстан менен Катар аскер-техникалык кызматташтыкты бекемдөөгө белсенди