Президент РФ Д.Медведев выступил на 64-й сессии Генассамблеи ООН

Кыргызстан БУУга мүчөлүк карызын толугу менен төлөдү

467
(жаңыланган 13:57 31.01.2015)
29-январда Каржы министрлиги Кыргызстандын Улуттук банкына Бириккен Улуттар Уюмунун бюджетине төлөө үчүн 54 миң 271 долларды которду.

БИШКЕК, 31-янв — Sputnik. Кыргызстан Бириккен Улуттар Уюмуна (БУУ) мүчөлүк акысын толугу менен төлөгөнүн Каржы министрлиги билдирди.

Маалыматка ылайык, 2013чү жана 2014-жыл үчүн мекеме БУУнун регулярдуу бюджетине мүчөлүк акыны толугу менен төлөгөн. КР Тышкы иштер министрлигинин маалыматы боюнча 2013-жылы 40 миң доллар, 2014-жылы 63 миң 505 доллар төлөнгөн.

"Өткөн жылдын 31-декабрына карата Кыргызстандын БУУнун регулярдуу бюджетине болгон карызы толугу менен төлөнгөн. Каржы министрлиги 16-январда гана быйылкы жыл үчүн болгон мүчөлүк акынын так санын Тышкы иштер министрлигинен алган. БУУнун каржылык эрежелерине ылайык, мамлекет БУУнун регулярдуу бюджетине мүчөлүк акыны БУУнун Башкы катчылыгынан билдирүү алгандан кийин 30 күн ичинде төлөшү керек. Башкача айтканда январь айынын аягына чейин кутулуусу керек", — деп айтылат билдирүүдө.

29-январда Каржы министрлиги Кыргызстандын Улуттук банкына Бириккен Улуттар Уюмунун регулярдуу бюджетине төлөө үчүн 54 миң 271 долларды которгон.

Буга чейин Бириккен Улуттар Уюмунун Башкы Ассамблеясы Кыргызстанды кошкондо жети өлкөнү мүчөлүк акы төлөбөгөндүгү үчүн добуш берүү укугунан ажыраткан болчу. Каржы министрлиги өлкөнүн карызын январь айынын аягына чейин жоюуга милдеттендирилген.

467
Белгилер:
карыз, Улуттук банк, Тышкы иштер министрилиги, Каржы министрлиги, БУУ
Тема боюнча
Кыргызстан БУУга мүчөлүк карызынан январдын аягында кутулат
Кыргызстандын мамлекеттик карызы — 3,647 млрд. доллар
Нарын облусу. Архив

Нарындын айылдарында жана Кытай менен чектешкен аймакта жер титиреди

2
(жаңыланган 10:56 14.05.2021)
Алдын ала берилген маалыматтарда жердин термелешинен айылдарда жабыркагандар жана кыйроолор катталген эмес.

БИШКЕК, 14-май — Sputnik. Кечээ, 13-майда, Кыргызстан менен Кытай чектешкен жерде күчү очогунда 4 баллга жеткен жер титирөө катталып, Нарын облусунун бир нече айылында сезилди. Бул туурасында ӨКМдин маалымат кызматынан кабарлашты.

"Жер титирөө саат 14:37де Нарын облусунун Ат-Башы районунда 4 балл, Торугарт айылында 3 баллга чейин сезилген", — деп айтылат маалыматта.

Өзгөчө кырдаалдар министрлиги алдын ала маалыматтарга таянып, жер титирөөдөн жабыркагандар жана кыйроолор катталбагандыгын билдирди.

2
Белгилер:
жер титирөө, Нарын облусу, Кыргызстан
Тема боюнча
Кыргызстанда катуу жер титирөө болобу? Адистин жообу
Хирург операция учурунда. Архив

Чек ара чырында жабыркаган киши көзүнө операция жасаттыруу үчүн Түркияга кетти

25
(жаңыланган 10:31 14.05.2021)
Бейтаптын жолуна, ал жакта жашап турууга жана дарыланууга кеткен чыгымдарын төлөп берүүнү Кызыл ай коому алган.

БИШКЕК, 14-май — Sputnik. Баткен облусунун чек арадагы айылдарына Тажикстандын куралдуу кол салуусунан жабыркап, Бишкекте дарыланып жаткан кыргызстандыктын көзүнө Түркиядан операция жасаттыруу зарылдыгынан улам бейтап аталган мамлекетке учуп кетти. Бул туурасында Саламаттык сактоо жана социалдык өнүктүрүү министрлигинен кабарлашты.

30-апрелде көзүнө снаряддын сыныктары кирип кетип жана эки бутунун таман сөөктөрү сынган Лейлек районунун Интернационал айылынын 38 жаштагы тургуну Бишкектеги Травматология жана ортопедия илим-изилдөө борборуна алып келинген. Бул жерден анын оң көзүнүн чел кабыгына операция жасалып, андан кийинки компьютердик томография көзүндө башка нерселер дагы бар экенин аныктаган. Түркиядан Кыргызстандагы жеке ооруканага келген дарыгер бейтапка кеп-кеңешин берип, аталган мамлекеттин клиникаларынын шартында көздүн чел кабыгын алмаштыруу сунушталган.

Бейтаптын жолуна, ал жакта жашап турууга жана дарыланууга кеткен чыгымдарын төлөп берүүнү Кызыл ай коому алган.

Бүгүнкү күндө Тажикстандын куралдуу кол салуусунан жабыркагандардын ичинен 25 адам Бишкектеги  Травматология жана ортопедиял илим-изилдөө борборунда, 12 бейтап Улуттук госпиталда, 9 адам Улуттук хирургия борборунда, 6 киши Баткендеги бириктирилген ооруканада, 4 бейтап Лейлектеги, 1 адам Кадамжайдагы ооруканада дарыланып жатат.

25
Белгилер:
операция, көз, Жаңжал, чек ара, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Чек арадагы жаңжалда Лейлек району канча чыгым тартканы айтылды
Мойнунан кан аккан боюнча көмүлдү. Чек арада окко учкан Акжолдун трагедиясы. Видео