Итоговая пресс-конференция президента Алмазбека Атамбаева

"Пендечилик" кылган журналисттерди депутаттар ЖКга киргизбөөнү сунушташты

173
(жаңыланган 16:14 21.02.2015)
ЖК жыйынында "Ата-Журт" фракциясынын депутаты Надира Нарматова "депутаттарды мазактап, өздөрүн туура эмес алып жүргөн" журналисттерди аккредитациядан ажыратыш керектигин айтты.

БИШКЕК, 12-фев — Sputnik. Депутаттарды мазактаган журналисттерди парламентке киргизбеш керек деп бүгүн "Ата-Журт" фракциясынан шайланган вице-спикер Надира Нарматова айтты. 

Анын айтымында, ЖМК өкүлдөрү депутаттар туурасында эл арасында терс пикирлерди жаратууда. 

"Эмне үчүн ЖМКлардын жазгандары көзөмөлдөнбөйт. Алардын стажын, тажрыйбасын жана мамлекеттик жана расмий тилдерди билүүсүн текшерүү керек. Мен жакында кыргызча "эки кочкордун башы бир казанда кайнабайт" деген макалды айтсам, аны орусча бергенде мааниси такыр өзгөрүп кетиптир. Ал эми бир гезит мен жөнүндө коллаж жасаптыр", — деп нааразы болду депутат. 

Бул боюнча өз пикирин медиа-эксперт, "Журналисттер" Коомдук бирикмесинин жетекчиси Марат Токоев билдирди.

"Биринчиден, депутат муну соттук тартипте журналисттин күнөөсүн далилдеши керек. Экинчиден, КРдин ар атуулу бул же тигил мамлекеттик бийлик органынан маалымат алууга укутуу экендигин көрсөткөн мыйзам бар.Эгерде парламент дайыма эле журналисттерге нааразы боло берсе, алар ЖКнын ишмердүүлүгүн чагылдыруудан баш тартышы мүмкүн. Андай учурда парламентарийлердин кантип иштеп жаткандыгы боюнча эл маалыматты кайдан алат? Ал эми азыркы жагдайда бул болгону бир эле депутаттын пикири, ал парламенттин жалпы чечимине таасир тийгизе албайт", — дейт Токоев.

"Кээде ЖМКлар адашып, пендечилик кылып жатат"

Бул депуттарга парламентарийлердин нааразы болуп жаткан биринчи учуру эмес. Буга чейин ЖК депутаты менен бир маалымат агенттигинин журналистинин соттошуусу алигиче аягына чыкпай келет. ЖКнын ишмердүүлүгүн чагылдыруучу аккердитациядан ажыратуу боюнча нааразычылык буга чейин да бир нече айтылган.

Ал эми жакында биринчи-веце-преьер-министр Тайырбек Сарпашевдин Ош облустук коллегиясында айткандары боюнча коомчулукта чоң сөз болуп, анын себебин атка минер маалымат орус тилине туура эмес которулуп калгандыктан, мааниси өзгөрүп кетти деп билдирген. Бул туурасында ЖКда депутаттар кызыл-чеке болуп жатканда вице-спикер Зулпукар Төрөбаев "кээде ЖМКлар адашып, пендечилик кылып жатат " деп, парламентарийлерди сабырдуулукка чакырган жайы бар.

Мындан эки апта мурун, тагыраагы 3-февралда өлкөнүн Адилет министри Алмамбет Шыкмаматов ЖМКга чыккан материалдын чуусу менен ишинен кетти. Бул жагдайды депутаттар ЖКнын деңгээлинде көпчүлүк коалициянын жыйынында карап жибергенге да үлгүрүштү.

173
Белгилер:
ЖМК, Марат Токоев, Надира Нарматова
Тема боюнча
Адилет министрлиги "ЖМК жөнүндө" мыйзамга өзгөртүү киргизүү сунушун кайтарып алды
Мамлекеттик Ала-Арча жаратылыш паркы

Шаршембиге карата аба ырайы

29
Синоптиктер шаршембиге караган түнү жаан-чачын күтүлбөй турганын маалымдашты. Батыштан соккон шамалдын ылдамдыгы секундасына 4-9 метрге жетет.

БИШКЕК, 20-окт. — Sputnik. Шаршемби күнү, 21-октябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Талас аймактарында +20...+25, Ош, Жалал-Абад, Баткен облустарында +21...+26, Ысык-Көл менен Нарын жергесинде +14...+19 градус жылыйт.

Чоң Алайда күчү 4,5 баллга жеткен жер титирөө болду

Күндүн табы Бишкекте +23...+25 жана Ош шаарында +24...+26 градуска чейин көтөрүлөт.

29
Белгилер:
Кыргызстан, октябрь, аба ырайы
Тема боюнча
2-ноябрда Жерге астероид түшүшү ыктымал
Бишкек мэринин милдетин аткаруучу Нариман Түлеев

COVID күчөп кетсе Бишкек даяр болушу керек. Түлеевдин биринчи жыйыны

150
(жаңыланган 20:12 20.10.2020)
Эртең менен биринчи вице-мэр болуп дайындалган Түлеев Азиз Суракматов кызматтан кеткенден кийин шаар башчысынын милдетин аткарып калды.

БИШКЕК, 20-окт. — Sputnik. Бишкек мэринин милдетин аткаруучу Нариман Түлеев коронавирус пандемиясы шарттаган экономикалык кырдаалга тынчсыздануусун билдирди. Бул тууралуу жетекчинин биринчи жыйынында белгилүү болду.

Эскерте кетсек, Түлеев бүгүн эртең менен вице-мэрликке дайындалып, шаар башчысы Азиз Суракматов кызматтан кеткенден кийин калаа жетекчисинин милдетин аткарып калды.

Түлеев: чынын айтсам, мэрияга баргым келген эмес

Түлеев вице-мэрлерди, акимдерди жана шаар кызматтарынын жетекчилерин чогулткан.

"Мэрдин милдетин аткаруучу коронавирус пандемиясы шарттаган экономикалык абалга тынчсыздануусун билдирди. Экономика жана финансы боюнча вице-мэр Алмаз Бакетаевге райондук салык башкармалыктарынын жетекчилерин чогултуу тапшырылды", — деп айтылат маалыматта.

Түлеев эпидемиологиялык абал өлкө боюнча татаал экенин белгилеп, вирус жайылып кете турган болсо шаар ага даяр болушу керектигине токтолгон.

Мындан тышкары, жыйында шаар кызматтары калааны тазалоо иштерин күчөтүшү керектиги кошумчаланды.

150
Белгилер:
эпидемия, жыйын, Бишкек мэриясы, Нариман Түлеев
Тема:
Коронавируска байланыштуу Кыргызстандагы кырдаал
Тема боюнча
Абакта "авторитет" болгон. Бишкек мэрлигине кайра келген Түлеев жөнүндө 7 факты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

110
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

110
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы