Александр Мелентьев

Олимпиаданын чемпиону Александр Мелентьев дүйнөдөн кайтты

92
(жаңыланган 12:38 17.02.2015)
1980-жылкы Олимпиада оюндарынын тапанча атуу боюнча чемпиону, спорттун чебери Александр Мелентьев 62 жашында каза болду.

БИШКЕК, 17-фев. — Sputnik. Олимпиада оюндарынын чемпиону Александр Мелентьев каза болду. Бул тууралуу Дене тарбия жана спорт боюнча мамлекеттик агенттиктин расмий сайтында маалымдалды.

Спорттун чебери 16-февралда каза болгон. Мамагенттик Мелентьевдин жакындарына жана туугандарына көңүл айтып, аза кайгысын тең бөлүшөт.

"Александр Мелентьев чыгаан спортсмен жана машыктыруучу. Ал көптөгөн атактуу спортчуларды тарбиялап чыкты. Мелентьев ошондой эле, эрктүү, күчтүү, интеллигент жана жакшы адам болчу. Анын жаркын элеси биздин жүрөгүбүздө түбөлүк сакталат. Терең кайгыруу менен көңүл айтабыз", — деп жазылат билдирүүдө.

Александр Мелентьев 1954-жылы 27-июнда Пенза шаарында төрөлгөн. Кыргыз мамлекеттик дене тарбия институтунан "машыктыруучу-мугалим" адистигин аяктаган. 

  • Александр Мелентьев
    Александр Мелентьев "Достук-84" мелдешинде.
    © Sputnik / Юрий Простяков
  • Спортсмены Александр Мелентьев и Инна Розе. Дружба-84
    Александр Мелентьев жана Инна Александровна Розе "Достук-84" мелдешинде.
    © Sputnik / Юрий Простяков
  • Победитель соревнований Дружба-84 в стрельбе из малокалиберного пистолета Мелентьев
    Жеңиштен кийин.
    © Sputnik / Простяков
  • Александр Мелентьев
    Александр Мелентьев. XXII Олимпиада оюндары
    © Sputnik / Алексей Федосеев
  • Золотой призер Московской Олимпиады по стрельбе из произвольного пистолета Александр Мелентьев
    Александр Мелентьев. XXII Олимпиада оюндары
    © Sputnik / Юрий Сомов
  • Призёры Московской Олимпиады по произвольной стрельбе из пистолета на 50 метров
    Александр Мелентьев. XXII Олимпиада оюндары
    © Sputnik / Юрий Сомов
1 / 6
© Sputnik / Юрий Простяков
Александр Мелентьев "Достук-84" мелдешинде.

Ал эл аралык класстагы спорттун чебери, СССРдин спортуна эмгек сиңирген мастер, 1980-жылкы Олимпиада оюндарынын тапанча атуу боюнча чемпиону наамдары бар. Мелентьев ошондой эле, дүйнөнүн сегиз жолку чемпиону (1982, 1983, 1986, 1987, 1989-жылдары командалык мелдештерди жеңген).

Европанын жети жолку чемпиону (1980, 1981, 1984-1986, 1988-жылдары командалык мелдештерди жеңген).

Европа чемпионатынын эки жолку күмүш байгесинин ээси (1972, 1980-жылдары). СССРдин 13-жолку чемпиону (1979-1989-жж).

Дүйнө жана Европанын рекордсмени, жеке командалык эсеп боюнча СССРдин рекордсмени (1980-1988-жж) да болгон.

92
Белгилер:
Александр Мелентьев
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

34
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

34
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

60
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

60
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео