Деньги с телефоном

ЕАЭБ өлкөлөрүндө роумингдин баасы төмөндөйт

54
(жаңыланган 13:45 22.02.2015)
ЕАЭБ өлкөлөрүндө уюлдук байланыш операторлорунун роумингге карата баасы Евразиялык экономикалык биримдиктин бардык жарандары уюлдук байланыш кызматын бирдей колдоно алышы үчүн төмөндөтүлөт.

БИШКЕК, 20-фев — Sputnik. Евразиялык экономикалык биримдиктин бардык өлкөлөрүнүн аймагында роумингдик байланыштын баасын төмөндөтүп, бир тарифке келтирүү каралууда деп билдирди Евразиялык экономикалык комиссиянын монополияга каршы жөндөштүрүү департаментинин директорунун милдетин аткаруучу Александр Курильчик.

"Белоруссиянын, ал турсун, Россия менен Казакстандын чегинен чыкканда, уюлдук байланыштын баасы ашыкча эле кымбат экендигин айта алабыз. Эл аралык чалуулар менен уюлдук операторлорлордун түйүндөрүнөн роуминг аркылуу чалуулардын негизги тарифтери 4,4 — 5,9 эсе айырмаланат", — дейт департамент башчысынын милдетин аткаруучу.

Анын айтымында, азыр эл аралык тажрыйбаны эске алуу менен байланыш операторлорунун калыс роуминг принциптеринин долбоору даярдалды. Экономикалык негиздүү тарифтер ачык-айкын орнотулат деп күтүлүүдө. Мындан тышкары, бааларды теңдештирүүдөн чыгымдар азайып, бардык абоненттер мобилдүү байланышка бирдей мүмкүнчүлүк алат.

"Ошентип, байланыш операторлорунун ыктыярдуу аракеттеринин аркасында роумингдин баасын акырындык менен төмөндөтүп, аны ЕАЭБ аймагында бирдей кылуу пландалууда. Роумингдин тарифи төмөндөгөндө операторлор трафиктин өсүшүнөн киреше таба алат. Анын аркасында абоненттер менен операторлордун кызыкчылыктары тең бирдей эсепке алынат", — деп баса белгиледи Курильчик.

ЕЭКтин кызматкеринин сөзүн Кыргызстандын Монополияга каршы мамлекеттик жөндөштүрүү агенттигинин башчысы Болсунбек Казаков да ырастайт. Анын пикиринде, ЕАЭБда роуминг тарифтерин теңдештирүү баарына жакшы болот. Бул толугу менен 2017-жылы ишке ашуусу мүмкүн дейт ал.

"Европа биримдигинде түз жөндөштүрүү киргизүүнү аркасында роумингдин баасы абдан төмөндөгөн. Азыртан эле биз уюлдук байланыш компанияларына роуминг кызматынын баасын акырындык менен төмөндөтө баштоону сунуштап жатабыз. Эгер алар каршылык көрсөтсө, түз жөндөштүрүү киргизилиши мүмкүн", — деп белигледи Казаков.

Январдын аягында ЕАЭБ мамлекеттеринин монополияга каршы орган жетекчилеринин отурумунда жумушчу топ түзүлүп, ал ЕАЭБ аймагында калыс роуминг эрежелери боюнча сунуштарды иштеп чыкмакчы. 

Өлкөнүн алдыңкы уюлдук байланыш компанияларынын өкүлдөрү да Евразия экономикалык биримдигине кирчү өлкөлөрдө роуминг тарифтерин теңдештирүүгө карата өз пикирлерин билдирди. MegaCom соода маркасына өкүлчүлүк кылуучу "Альфа Телеком" ЖАО алар ЕЭКнын чечими тууралуу билишерин жана азыр компания эсептерди жүргүзүп жатканын айтты.

"Мажбурлоо процедурасы азыр каралган жери жок, себеби тарифтерди кайра эсептеп чыгуу — узакка созулуучу жана чоң жумуш. Азыр уюлдук оператор мунун үстүндө иштеп жатат", — деп билдиришти Sputnik кабарчысына компаниянын маалымат кызматынан.

Beeline операторунун коомчулук менен байланыш боюнча директору Татьяна Шахин-Байло роумингди жөндөштүрүү маселеси Аймактык байланыш шериктештигинин алкагында бир нече жолу көтөрүлгөн дейт. Аталган шериктештикте өлкөлөрдүн телекоммуникациялык жана башка мыйзамдарын бири-бирине шайкеш келтирүү жана көп тараптуу жөндөштүрүүнүн жол-жоболору үчүн эл аралык укуктук негиздерди иштеп чыгуу боюнча аракеттер жүрүп жатат. Бул иш КМШ мамлекеттеринин, анын ичинде ЕАЭБ өлкөлөрүнүн телекоммуникациялык тармактарын андан ары интеграциялоого негиздерди түзүп, роумингдин бааларын теңдештирүүнүн экономикалык негизин түптөмөкчү.

"Иштелип чыгып жаткан жол-жоболордо Европа биримдигинин башынан өткөн жана ЕАЭБ сөзсүз туш келе турган интеграциянын баштапкы баскычтарын эске алынып, жана Эл аралык электр байланыш биримдигинин роумингди жөндөштүрүү жана эл аралык байланыш кызматы боюнча кеңештерине негизделет. Тармактын ЕАЭБнын бардык өлкөлөрүнө мүнөздүү болгон бир катар системалык маселелерин чечүү керек. Алардын катарында сырттан кирүүчү эл аралык трафикти жерлештирүүгө карата операторлор аралык акыны теңдештирүү маселелеси да бар", — деди Шахин-Байло.

"Белгилейин дегеним, бул демилгени анык ишке ашыруу үчүн эл аралык байланыштын тарифтерин жөндөштүрүп жана маселенин бардык жагын изилдеп чыгуу зарыл. Болбосо, трафик теңдештирилбей калган учурда акысыз роуминг операторлордун эл аралык байланыштан түшүүчү кирешесине олуттуу таасир кылып, түйүндөрдү өнүктүрүүгө жумшалган инвестицияларды кыскартышы ыктымал", — деп түшүндүрдү адис.

Ал Beeline-Кыргызстан да курамына кирүүчү "ВымпелКом" компаниялар тобу КМШ өлкөлөрүндө роумингдин баасын 2010-жылы эле баарынан биринчи төмөндөткөнүн жана байланыштын бардык түрлөрдүн роумингдин баасын дагы кыскартуу боюнча ырааттуу иш жүргүзүп жатканын белгиледи.

"Бул иштин алкагында Beeline-Кыргызстан "Роуминг Казакстанда үй баасы менен" деген акцияны киргизген. Агы ылайык, Казакстандын аймагында Beeline-Кыргызстан абоненттери үчүн чалуулар КазРдин байланыш кызматтарынын акысы менен бирдей баада тарифтелет", — деп кошумчалады Шахин-Байло.

Ал роуминг кызматынын баасын андан ары төмөндөтүп жана ЕАЭБга мүчө өлкөлөрдүн аймагында аталган тармакты реформалоонун экономикалык негизин түзүү үчүн чечүү зарыл болгон маселелерге талаптагыдай багыт берүү максатында компания Евразиялык экономикалык комиссия менен диалогго катышууга даяр деп билдирди.

54
Белгилер:
Мобилдүү байланыш, Тариф, Роуминг, Уюлдук байланыш оператору, MegaCom, Beeline, ЕЭК, Татьяна Шахин-Байло, Болсунбек Казаков, Александр Курильчик, Евразиялык экономикалык биримдик
Тема боюнча
ЖАМК: сим-карталарды жекелештирүү телефондук алдамчыларга бөгөт болот
Ноутбук кармаган киши. Архивдик сүрөт

35 жашка чыкпай жогорку кызматты ээлеген аткаминерлер. Тизме

43
(жаңыланган 17:21 23.10.2020)
Sputnik Кыргызстан агенттиги 35 жашка чыга электе жогорку кызматка барган жаштардын тизмесин топтоду. Арасында 30 жашында министрдин креслосуна отургандар бар.

Азыркы маалда көпчүлүк бийликке, өкмөткө, жогорку кызматка жаштардын келишин талап кылып, аларга мүмкүнчүлүк берүүнү суранууда. Жаңы өкмөттүн курамы түзүлгөн, бирок чекесинен кайра жаңыланып, арасына жаштар кошула баштады. Алсак, айыл чарба, тамак-аш өнөр жайы жана мелиорация министри Эркинбек Чодуев кызматтан кетип, ордуна 30 жаштагы Тилек Токтогазиев келди.

Бул учурду эске алып Sputnik Кыргызстан агенттиги 35 жашка чыга электе мамлекеттин жетекчилик кызматтарында иштеген уул-кыздарын чогултту.

Белгилей кетсек, КР мыйзамындагы 2009-жылкы  "Мамлекеттик жаштар саясатынын негиздери жөнүндө" жобо боюнча 14-28 жашка чейинкилер жаш деп эсептелет. Бирок документтин эски редакциясында бул категорияга 35 жашка чейинкилер да кирчү. Мындан улам 35 жашка чейинки аткаминерлерди чогулттук. Тизме жаш куракка карап түзүлдү.

Тилек Токтогазиев, 30 жашта

Бизнесмен Тилек Токтогазиев на заседании президента КР Сооронбая Жээнбекова с представителями бизнес-сообществ Кыргызстана
© Пресс-служба президента КР / Султан Досалиев
Тилек Токтогазиев, 30 жашта

Тилек Токтогазиев 30 жашында айыл чарба, тамак-аш өнөр жайы жана мелиорация министри болду. Ал 1990-жылдын 26-декабрында Бишкек шаарында туулган. Кыргыз-Россия Славян университетин эл аралык мамилелер адистиги боюнча бүтүргөн. Алгач сүт коктейлдерин сатып, кийин медициналык жабдууларды ташыган "Лависта" ишканасын негиздеген. Жаш ишкерлер ассоциациясынын, Кыргызстандын социалдык ишкерлер ассоциациясынын жана Бишкек ишкердик клубунун мүчөсү. 2019-жылы "Бир Бол" фракциясынын атынан айыл чарба, тамак-аш өнөр жайы жана мелиорация министрине талапкер болгон, бирок кызмат буюрган эмес. 2020-жылдын 4-октябрында өткөн парламенттик шайлоого "Ата Мекен" саясий партиясы менен аттанган. Тилекке каршы, партия парламентке өтпөй, элдик толкундоонун натыйжасында шайлоонун жыйынтыгы расмий жокко чыгарылган. 2020-жылдын 22-октябрында айыл чарба, тамак-аш өнөр жайы жана мелиорация министри болуп дайындалды.

Кыргыз өкмөтүнүн курамы кантип өзгөрдү

Акылбек Жамангулов, 32 жашта

Директор ЗАО Альфа Телеком Акылбек Жамангулов на первом телекоммуникационном форуме Цифровой Кыргызстан: развитие регионов в Оше
© Пресс-служба президента КР / Султан Досалиев
Акылбек Жамангулов, 32 жашта

Акылбек Жамангулов 30 жашында "Альфа Телеком" компаниясынын (MegaCom бренди) башкы директору болгон. Ал 1988-жылы 24-октябрда Чүй облусунун Кемин шаарында туулган. Кыргыз-Россия Славян университетинин каржы жана насыя адистиги, КР Тышкы иштер министрлигинин Казы Дикамбаев атындагы Дипломатиялык академиясында эл аралык мамилелер адистиги боюнча билим алган. Ошондой эле Кыргыз мамлекеттик юридикалык академиясынан юриспруденция адистигин бүтүргөн. Жамангулов 27 жашында (2015-жыл) Жогорку Кеңештин VI чакырылышына депутат болгон. Ал эми 30 жашында "Альфа Телеком" компаниясын (MegaCom бренди) жетектей баштаган.

Жаныбек Абиров, 32 жашта

В Бишкеке состоялся чемпионат Кыргызстана по шахматам среди лиц с ограниченными возможностями здоровья
© Sputnik / Табылды Кадырбеков
Жаныбек Абиров, 32 жашта

Жаныбек Абиров 1988-жылы 22-декабрда төрөлгөн. Кыргыз-Россия Славян университетин жана Президенттин алдындагы башкаруу академиясын юриспруденция, мамлекеттик жана жергиликтүү башкаруу менеджементи адистиги боюнча аяктаган. 2018-жылдын 20-сентябрында 30 жашында Бишкек шаардык кеңешинин төрагасы болуп шайланган.

Артем Новиков, 33 жашта

Артем Новиков во время заседания Жогорку Кенеша в госрезиденции Ала-Арча. 14 октября 2020 года
© Sputnik / Табылды Кадырбеков
Артем Новиков, 33 жашта

35 жашка чыга элек жатып Новиков бир катар жетекчилик кызматтарды аркалаган. Новиков 1987-жылы Фрунзе шаарында төрөлгөн. Балтика мамлекеттик техникалык университетин экономист-менеджер адистиги боюнча аяктаган.

2011-жылы 24 жашында ошол кездеги премьер-министр Өмүрбек Бабановдун кеңешчиси болгон. 27 жашында премьер-министр Жоомарт Оторбаевдин, 28 жашында биринчи вице-премьер Аалы Карашевдин кеңешчиси катары иштеген. 30га чыкканда Новиков экономика министри болсо, эми Садыр Жапаров баштаган өкмөттүн жаңы түзүмүнө кирип, биринчи вице-премьер болуп дайындалды. Ошондой эле Кыргызстандын ЕЭКтеги өкүлү.

Бийлик кантип алмашты? Соңку окуялардагы урунттуу учурлар

Азамат Жаманкулов, 33 жашта

Министр культуры, информации и туризма КР Азамат Жаманкулов на открытии Центра российской литературы и культуры в Нацбиблиотеке в Бишкеке
© Sputnik / Бакыт Смаилов
Азамат Жаманкулов, 33 жашта

Азамат Жаманкулов 1987-жылы туулган. Кыргыз-түрк "Манас" университетин ишканадагы менеджмент, 2011-жылы Кыргызстан эл аралык университетин финансы адистиги боюнча аяктаган. 2015-жылы 27 жашында Маданият, маалымат жана туризм министрлигинин Туризм департаментинин жетекчиси болуп дайындалса, 31 жашында маданият министринин креслосун ээлеген. Бул кызматта эки жыл эмгектенген соң 2020-жылдын октябрь айында жумуштан бошотулду. Кыргыз, казак, орус, түрк, англис тилдеринде сүйлөйт.

Алтынбек Исмаилов, 34 жашта

Председатель Государственного комитета информационных технологий и связи КР Алтынбек Исмаилов на брифинге 10 июля 2020 года
© Фото / Республиканский штаб КР по борьбе с COVID-19
Алтынбек Исмаилов, 34 жашта

Алтынбек Исмаилов 2020-жылы июнда Маалыматтык технологиялар жана байланыш мамлекеттик комитетинин төрагасы болуп дайындалган. Азыр да бул кызматты жетектейт. 1986-жылы 12-февралда Жалал-Абад облусунун Ноокен районунда туулган. Борбор Азиядагы Америка университетинин банк иштери, Колумбия университетинде экономикалык өнүгүү адистигин аяктаган.

Шайлоо мыйзамдарына өзгөртүү киргизүү долбоору биринчи окуудан өттү. Эрежелери

Дастан Догоев, 34 жашта

Советник президента КР на общественных началах Дастан Догоев
© Пресс-служба президента КР / Султан Досалиев
Дастан Догоев, 34 жашта

35 жашка чыга электе жогорку кызматка келгендердин арасында Дастан Догоев дагы бар. Ал 1986-жылы 3-августта Ысык-Көл облусунун Каракол шаарында төрөлгөн. Лондондогу Кавендиш колледжинде бизнести башкаруу адистигин жана Кингстон университетинде бизнести башкаруу адистиктерин аяктаган. 2012-жылы 26 жашында Каржы министрлигинин алдындагы "Инфо-система" мамлекеттик ишканасынын мекемени өнүктүрүү жетекчисинин орун басары болуп иштеген. 28 жашында Мамлекеттик каттоо кызматынын жетекчисинин орун басары, 31 жашында аталган кызматтын жетекчиси болгон.

33 жашында Маалыматтык технологиялар жана байланыш мамлекеттик комитетинин төрагасы болуп бир жыл иштеп, андан кийин кызматты өз каалоосу менен тапшырып кеткен. Бирок ал санариптештирүү маселелери боюнча КР президентинин кеңешчиси бойдон калган.

Мирлан Парханов, 34 жашта

Заместитель директора Государственного агентства по делам молодежи, физической культуры и спорта Мирлан Парханов во время интервью Sputnik Кыргызстан
© Sputnik / Табылды Кадырбеков
Мирлан Парханов, 34 жашта

Мирлан Парханов 1986-жылы туулган. 2016-жылдын ноябрь айынан бери Жаштар иши, дене тарбия жана спорт агенттигинин директорунун орун басары болуп эмгектенет. Ал убакта 30 жашта болчу. Ага чейин вице-премьердин жардамчысы, президенттин аппаратында референт, социалдык саясат бөлүмүндө эксперт, мындан сырткары, бир нече уюмда жетекчилик кызматтарды аркалаган.

В.С.Черномырдин атындагы Москва мамлекеттик университетин уюмдун менеджменти адистиги боюнча аяктаган. 2018-жылы ал Россия президенти Владимир Путинден медаль алган. Аткаминер мындай сыйга 2017-жылы Сочи шаарында өткөн Бүткүл дүйнөлүк жаштар жана студенттер фестивалын уюштурууга кошкон салымы үчүн татыган.

Элдар Алишеров, 35 жашта

Заместитель министра экономики КР Эльдар Алишеров на рассмотрении закона в Жогоку Кенеше. 30 октября 2018 год
© Фото / Пресс-служба ЖК
Элдар Алишеров, 35 жашта

Элдар Алишеров 1985-жылы 18-сентябрда Бишкек шаарында туулган. Санкт-Петербург мамлекеттик университетинде экономика факультетин аяктаган. Ал 2018-жылдын 23-июлунда 33 жашында экономика министринин орун басары болуп дайындалган. Ага чейин өкмөттүн аппаратында бир катар кызматтарды аркалаган. Жеке менчик уюмдарда жана банктарда иш тажрыйбасы бар.

43
Белгилер:
аткаминер, министр, мамлекеттик кызматкер, жаштар
Тема боюнча
Канат Исаев ТТМККнын баш катчысы менен жолугуп кызматташтыкты талкуулады
Түлеев мэрияда кырдаал тынчыбаса кайра кызматка келип аларын эскертти
Көк-бөрү оюну. Архивдик сүрөт

Ноябрда Чолпон-Атада президенттин кубогу үчүн көк бөрү оюну өтөт. Программасы

13
(жаңыланган 17:23 23.10.2020)
Аталган мелдеш жыл сайын 31-августта, Кыргызстандын эгемендүүлүк күнүндө өтүп келген. Быйыл эпидемиологиялык абалга байланыштуу жылган болчу.

БИШКЕК, 23-окт. — Sputnik. Ушул жылдын 3-ноябрынан 8-ноябрына чейин Чолпон-Ата шаарынын ат майданында өлкөнүн Эгемендүүлүк күнүнө арналган көк бөрү боюнча КР президентинин кубогу өтөт. Бул тууралуу Жаштар иши, дене тарбия жана спорт агенттиги кабарлады.

Ага ылайык, сыйлыктар жогорку жана I лиганын командаларынын арасында ойнотулат.

Жылда өтүп жүргөн көк бөрү боюнча президенттин кубогунун алкагында ат чабыш, эр эңиш жана салбурун боюнча мелдештер пландалган.

Программасы:

  • 3-7-ноябрь — көк бөрү боюнча турнирдин алдын ала беттештери;
  • 7-ноябрь — көк бөрү боюнча 3-орун үчүн кармаштар жана эр эңиш, салбурун боюнча мелдештер;
  • 8-ноябрь — көк бөрү боюнча финалдык мелдештер, эр эңиш, салбурун, ат чабыш боюнча мелдештер.

Аталган мелдеш жыл сайын 31-августта, Кыргызстандын эгемендүүлүк күнүндө өтүп келген. Быйыл эпидемиологиялык абалга байланыштуу адегенде октябрь айына жылдыруу чечими кабыл алынган болчу.

"Келатыр, сай күлүк"! Жамбылда кыргыз күлүгү лимузин утту. Видео

Өткөн жылы Чолпон-Ата шаарындагы ат майдандагы мелдеште "Достук" (Ош) менен "Ынтымак" (Талас) командалары финалга чыгып, 3:2 эсебинде Оштун командасы жеңишти илип кеткен.

Үчүнчү байгелүү орунду Чүйдүн "Сары-Өзөнү" ээлеген.

13
Белгилер:
Көк бөрү, мелдеш, кубок, президент, Чолпон-Ата
Тема боюнча
Валентина Шевченко КМШдагы сулуу жана мыкты мушкер аял деп табылды. Сүрөт