Международный форум по борьбе с экстремизмом

Бишкекте күч түзүмдөрү, эксперттер диний абалды талкуулаган эл аралык форум өтүүдө

56
(жаңыланган 12:54 02.03.2015)
Бишкекте диний радикализмге каршы күрөшүү жолдору жана Сирия менен Жакынкы Чыгыштагы учурда түзүлүп жаткан абалды талкууга алган форум башталды.

БИШКЕК, 2-мар — Sputnik. Бишкекте күч түзүмдөрү, мамлекеттик органдар жана илимий институттар эки күн бою Борбор Азиядагы диний радикализм жана күч колдонгон экстремизмге каршы туруу боюнча маселени талкуулап жатат. Бул туурасында Улуттук коопсуздук боюнча кызматтын (УКМК) маалымат кызматы билдирди.

Бул эл аралык деңгээлдеги иш-чараны УКМКнын Терроризмге каршы борбору КРдеги улуттук стратегиялык институттар менен биргелешип уюштурду. 

Экстремизм жана диний радикалдашууну талкуулоого Өзбекстан, Түркмөнстан, Афганистандын терроризмге каршы күрөшүү боюнча бөлүктөрүнүн өкүлдөрү, КМШнын терроризмге каршы күрөшүү борборлорунун бөлүмдөрү, улуттук стратегиялык институттар жана көз карандысыз эксперттер, ЖК депутаттары, УКМКнын, КР коргонуу кеңешинин, ИИМдин өкүлдөрү катышууда. 

Форумдун максаты — мамлекеттик органдар менен илимий институттардын биргелешип иштешкен аракеттери менен Борбор Азиядагы күч органдарынын терроризмге каршы бөлүктөрүнүн мүмкүнчүлүктөрүн арттыруу, андан сырткары жарандык коом менен биргеликте күч колдонгон эсктремизге каршы күрөшүү механизмдери менен ыкмаларды иштеп чыгуу.

Аталган аймакта экстремисттик жана диний уюмдардын радикалдашып бара жатышы, Сирия менен Жакынкы Чыгыштагы учурда түзүлүп жаткан абал да талкууга алынат.

56
Белгилер:
диний радикалдашуу, эсктремизм, ислам, дин, УКМК, Афганистан, Түркмөнстан, Өзбекстан, Сирия
Пикирлер