Свадьба в Кыргызстане

Нике келишим: оң жана терс ойлор

169
(жаңыланган 09:57 10.03.2015)
ЖКнын депутаттары никеге туруп жаткандарды эки тараптын макулдугу менен нике келишимин түзүүгө милдеттендирүүнү сунуштап жатат.

БИШКЕК, 10-мар — Sputnik. Жогорку Кеңештин "Ата-Журт" фракциясынан депутаттары Абдымиталип Кочкорбаев жана Надира Нарматова Кыргызстандын Үй-бүлө кодексине өзгөртүүлөрдү киргизип, баш кошуп жаткандарды өз ыктыяры менен нике келишим түзүүгө милдеттендирүүнү сунуштады.

Мыйзам долбооруна карата берилген негиз-түшүнүгүндө бул демилге жубайларды көп көйгөйлөрдөн куткарып, материалдык жоготууларын азайтат деп айтылган. Жубайлардын бири баш тарта турган болсо, келишим түзүлбөйт. Баш тартуу жазуу жүзүндө билдирилип, нотариус тарабынан тастыкталышы талап кылынат.

Нарматова көпчүлүк цивилизациялуу жана өнүккөн мамлекеттерде нике келишими өзүнөн өзү болчу көрүнүш эле эмес, абдан зарыл нерсе катары кабыл алына тургандыгын Sputnik кабарчысына айтып берди. Себеби, дейт ал, нике келишиминин бардык ченемдери бардык турмуштук шарттарда адам укуктарын жана мыйзамдуу кызыкчылыктарын коргоого багытталган.

"Кыргызстанда нике келишими түзүлбөйт. Бирок бул үй-бүлөдө пикир келишпестиктерге алып келиши ыктымал. Статистика боючна өлкөдө ар бир безинчи нике бузулат. Албетте жубайлардын мүлкүн бөлүштрүү маселеси пайда болот. Өз убагында түзүлгөн инке келишими жубайлардын мүлктүк укуктарына байланышкан көп маселелерди чечет", — деп белгиледи депутат.

"Лига.kg" адвокаттык борборунун директору Александр Гайворонский бул мыйзам долбоорун Кыргызстанда иш жүзүндө колдонууга болбойт деп эсептейт.

"Республикада нике келишимдери өтө сейрек түзүлөт. Ал бардык катталган никелердин 1-2 пайызында гана кездешет. КРде нике келишимдери мыйзам боюнча жана иш жүзүндө нике мамилелерин жубайлардын мүлктү бөлүштрүү жагынан жөнгө салат, бирок ата-эне ажырашып кеткен учурда балдар ким менен калышы анда каралган эмес. Болгондо да келишимдер никеге утрган учурда эмес, кайсы бир кыймылсыз мүлктү сатып алгандан кийин түзүлөт. Жубайлар ортосунда талаш-тартыш башталгандан кийин гана нике келишимин түзүшөт. Бул эреже катары эркек тараптын талабы менен болот", — деди адвокат.

Биздин өлкөдө көпчүлүк адамдар "эмгек келишимин да түзүшпөйт" деп белгиледи ал.

"Чет мамлекетте адамдар никеге турганга чейин кандайдыр бир мүлккө ээ болгондуктан, ажыршкан учурда мүлктүк мамилелерди жөнгө салышат. Кыргызстанда болсо нике келишимдерин чыр-чатак чыгып, ажырашканга чейин жеткенде гана түзүшөт", — деп баса белгиледи Гайворонский.

КРдин мурдагы муфтийи Чубака ажы Жалиловдун пикиринде, ислам дини нике келишимин түзгөнгө тыюу салбайт.

"Келишим түзүлбөсө да, шариятка ылайык, тараптар никеге турар менен никелик милдеттемелерди алат. Бирок биздин өлкөдө шариятта жазылган ачык-айкын нерселер аткарылбагандыктан, мунун баарын келишим менен бекитип койсо жакшы болмок. Мисалы, шарият боюнча жашоочу мамлекеттерде баары тең нике келишимисиз эле аткарылат", — деди мурдагы муфтият башчысы.

Психолог Айгүл Кызылакованын пикиринде, аталган мыйзам долбоору биринчи кезекте аялдарды мүлктүк жоготуулардан сактайт.

"Эркектер никеге туруп жатып, бардык мүлктү өз туугандарына каттатып коёт. Башкача айтканда, башынан эле ажырашкан учурда өзүн коргогонго аракет жасашат. Менин иш тажрыйбамда бир окуя болгон. 30 жашар аялр бар болчу экен. Үйлөнгөндөн кийин балалуу болгондо, күйөөсү квартираны сатып, кичинекей үй жана машина сатып алууну сунуштайт. Аял макул болот. Күйөөсү үй сатып алып, өз энесине каттатып, машинаны өз бир тууганына жаздырып коёт. Андан соң ал аялына кол көтөрө баштаганда, аял күйөөсүнөн куру кол кеткенге аргасыз болот", — деп айтып берди психолог.

КРдин Үй-бүлө кодексине ылайык, нике келишими деп жубайлардын же никеге жаңы туруп жаткандардын мүлктүк укуктарын жана никедеги же ажырашкан учурдагы милдеттерин аныктай турган өз ара макулдашуусу таанылат.

Мыйзам долбооруна карата берилген негиз-түшүндүрмөдө нике келишими жубайлардын укуктук жөндөмдөрүн же кыймыл-аракет жөндөмдөрү, алардын өз укуктарын коргоо үчүн сотко кайрылуу укугун чектей албайт; жубайлардын мүлктүк эмес жеке мамилелерин, бадарга карата укук-милдеттерин жөнгө сала албайт; эмгекке жараксыз жубайдын колдоо алуусун чектөөчү жоболору карабайт; жубайлардын бирин жагымсыз абалда калтыра турган же үй-бүлө мыйзамдарынын негиздерине каршы келүүчү шарттарды өзүнө камтыбайт деп көрсөтүлгөн.

169
Белгилер:
нике келишими, үй-бүлө кодекси, Жогорку Кеңеш, Чубак ажы Жалилов, Айгүл Кызылакова, Александр Гайворонский, Надира Нарматова, Абдымиталип Кочкорбаев, Кыргызстан
Мыйзамсыз алынган деп шектелүүдө кыймылсыз мүлк

11 батир, 7 жер тилке... Бишкектин экс-вице-мэри мыйзамсыз байыган деп шектелүүдө

16
(жаңыланган 13:27 15.06.2021)
Мурдагы вице-мэр кызматта турган учурда жеке курулуш компанияларга көп кабаттуу турак жай куруу үчүн муниципалдык жер тилкелерин мыйзамсыз бергендиги айтылууда.

БИШКЕК, 15-июн. — Sputnik. Бишкек шаарынын мурдагы вице-мэри мыйзамсыз байыган деп шектелип жатат. Бул тууралуу УКМКдан билдиришти.

  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Бишкек шаарынын мурдагы вице-мэри мыйзамсыз байыган деп шектелип жатат
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Бул тууралуу УКМКдан билдиришти
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Маалыматка караганда, шаар жетекчисинин А.У.Ш. аттуу мурдагы орун басары жеке курулуш компанияларга элиталык көп кабаттуу турак жайларды куруу үчүн муниципалдык жер тилкелерин мыйзамсыз бергендиги аныкталган
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Натыйжада экс-вице-мэрдин жакын туугандарынын кирешеси кескин көбөйүп, 100 миллион сомдон ашык суммага бааланган
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Учурда мыйзамсыз алынган мүлктүн баарын аныктоо үчүн ыкчам-тергөө иш-чаралары жүрүп жатканы айтылды
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    А.У.Ш. деп берилген инициалдар Шаар куруу жана архитектура департаментинин суроолору боюнча вице-мэр болуп 2019-2020-жылдары иштеген Азыгалиев Уланбек Шайлообековичтин аты-жөнүнө туура келүүдө
    © Фото / пресс-служба ГКНБ
1 / 6
© Фото / пресс-служба ГКНБ
Бишкек шаарынын мурдагы вице-мэри мыйзамсыз байыган деп шектелип жатат

Маалыматка караганда, шаар жетекчисинин А.У.Ш. аттуу мурдагы орун басары жеке курулуш компанияларга элиталык көп кабаттуу турак жайларды куруу үчүн муниципалдык жер тилкелерин мыйзамсыз бергендиги аныкталган.

"Мыйзамсыз аракеттердин натыйжасында А.У.Ш. жакын туугандарына Бишкек шаарында жана Ысык-Көл облусунда 7 жер тилке, 11 кызматтык жай, 4 турак жай, 11 батир жана 10 унаа токтотуучу жай, Ысык-Көл облусунда 2 коттедж жана 5 кымбат баалуу унааны өзүнө тиешелүү адамдарга каттаткан", — деп айтылат маалыматта.

Натыйжада экс-вице-мэрдин жакын туугандарынын кирешеси кескин көбөйүп, 100 миллион сомдон ашык суммага бааланган.

Учурда мыйзамсыз алынган мүлктүн баарын аныктоо үчүн ыкчам-тергөө иш-чаралары жүрүп жатканы айтылды.

А.У.Ш. деп берилген инициалдар Шаар куруу жана архитектура департаментинин суроолору боюнча вице-мэр болуп 2019-2020-жылдары иштеген Азыгалиев Уланбек Шайлообековичтин аты-жөнүнө туура келүүдө.

16
Белгилер:
мыйзамсыз баюу, УКМК, Бишкек, вице-мэр
Тема боюнча
Коррупциялык схема түзгөн. УКМК Суракматовдун кармалган себебин айтты
Мыйзамсыз байыган деген судья мүлкүнүн чоо-жайын айтып берген
Көчөдө бараткан маскачан адамдар. Архив

Министрлик: Кыргызстанда коронавирустун үчүнчү толкуну байкала баштады

63
(жаңыланган 12:49 15.06.2021)
Саламаттык сактоо министрлиги жарандарды жөнөкөй санитардык нормалар менен эрежелерди сактоого чакырды.

БИШКЕК, 15-июн. — Sputnik. Кыргызстанда коронавирустун үчүнчү толкуну башталганы байкалып жатат. Бул тууралуу саламаттык сактоо министринин орун басары Жалалидин Рахматуллаев брифинг учурунда билдирди.

Анын айтымында, биринчи толкун 2020-жылдын июнь-июль айына туш келип, бир суткада 1600 адам илдет жуктурган учур болгон. Экинчи толкун октябрь-ноябрда болуп, бир сутка ичинде жуктургандардын саны 600гө жеткен.

"Учурда үчүнчү толкун байкалып жатат. Жети күндүн ичинде коронавирус жуктургандардын саны миңден ашты (1,3). Өткөн жылы Кыргызстанда "британиялык" штамм жок болчу. Үстүбүздөгү жылдын март айында Новосибирскидеги лабораторияга үлгүлөрдү жибергенбиз. Натыйжада анын 44 пайызынан "британиялык", 39 пайызынан "россиялык" жана "түштүк африкалык" (бир), "индиялык" (бир) штаммдар табылган", — деди Рахматуллаев.

Анын айтымына караганда, Бишкекте коронавирустун жайылышы республикалык көрсөткүчтөн 3,6 эсеге, Ошто 2,6 эсеге көп болуп жатат. Министрдин орун басары санитардык нормалар жакшы сакталбаса, статистика өсө турганын кошумчалады.

Рахматуллаев жарандарды эл көп топтолгон жерлерге көп барбоого чакыра кетти.

63
Белгилер:
коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр Бейшеналиев түнкү клубдар менен соода борборлорду жабууну сунуштады
Жалал-Абаддагы COVID: облустук оорукана толуп, күндүзгү стационарлар ачылмай болду
514 кишиден вирус табылып, алты бейтап каза болду. COVID статистикасы