Детский дом в Великом Новгороде

Парламент бала бакчаларга жеңилдик берүү маселесин мыйзамдаштырууну карады

33
(жаңыланган 18:14 12.03.2015)
Парламентте депутаттар бала бакчаларга салыктык жактан жеңилдик берүү боюнча мыйзам долбоору экинчи окууга жөнөтүлдү.

БИШКЕК. 12-мар. — Sputnik. Республикалык бюджеттин эсебинен 2014-жылы жети бала бакчанын курулушу пландалып, иш жүзүндө бирөө гана курулган. Өлкө боюнча жалпы муктаждыкты жоюу үчүн жок дегенде 2500 бала бакчада муктаждык бар. Бул маалыматтар парламенттин бүгүнкү жыйында айтылды.

Парламентте депутаттар тобу тарабынан бала бакчаларга салыктык жеӊилдиктерди берүү максатында иштелип чыккан мыйзамдын долбоору талкууланды.

Жогорку Кеӊеште депутаттар тобу тарабынан бала бакчаларга салыктык жеӊилдиктерди берүү максатында иштелип чыккан "Кыргыз Республикасынын Салык кодексине толуктоолорду киргизүү жөнүндө" мыйзамдын долбоору каралып, экинчи окууда добуш берүүгө жөнөтүлдү. 

Демилгечилердин берген маалыматына караганда, өлкө боюнча балдардын 17 пайызы гана бала бакчада тарбияланат. Жеке менчик бала бакчаларга салыктык жеӊилдиктерди берүү зарыл. Ансыз бул көйгөйдү чечүү мүмкүн эмес.

"Ата-энелер мамлекеттин жардамын карап отурбай, бала бакчанын алдында коомдук бирикмелерди түзүп алып, ремонттоо боюнча каржылык маселелерди чечип алып жатышат. Мындай жагдайда, бюджет тартыштыгын эске алсак, мамлекет аларга салык жагынан жеңилдик карап, жеке каражаттарды тартышы керек", — деди мыйзам демилгечилердин бири депутат Майрамбек Расулов. 

Буга чейинки аталган мыйзам долбоору талкууга алынганда, жеке менчик бала бакчалардын бир катарлары бизнеске айланып калганын, эгер салык жеӊилдиктери берилсе аны бөлбөй эле мамлекеттик, муниципалдык бала бакчаларга да кошо кароо керектигин айткан.

33
Белгилер:
бала бакча, Жогорку Кеңеш, Майрамбек Расулов
Тема боюнча
Арабөк калган бала бакчалар
Баланы уурдатуудан кантип сактануу керек
Ниязалиева: 94 бала бакча мамлекеттин менчигине кайтарылды
ЖКда бала бакчаларга салык боюнча жеӊилдик берүү демилгеси каралды
Пикирлер