Кармалган кара курай. Архив

Окумуштуулардын ырастоосуна караганда, каннабис эс тутумун абдан начарлатат

104
(жаңыланган 11:48 16.03.2015)
Марихуна чеккендер уккан нерсенин майда-чүйдөсүн 18 пайыздан ашык начар кайталай алыша тургандыгын илимий изилдөөлөр көрсөттү. Муну окумуштуулар гиппокамптагы түзүмдүк өзгөрүүлөр менен байланыштырат.

БИШКЕК, 16-мар — Sputnik. Американын Түндүк-Батыш университетинин илимпоздору мээнин эс-тутум үчүн жооп бере турган бөлүгү — гиппокамптагы түзүмдүк өзгөрүүлөр жаштардын анашаны үзгүлтүксүз же анда-санда чегүүсүнөн пайда болуп, узак мөөнөттү эс тутумунун бузулушуна алып келе тургандыгын айтышат. Бул тууралуу РИА Новости Hippocampus илимий журналына таянуу менен билдирди.

Американын Түндүк-Батыш университетинин илимпозу Жон Цсернански жана анын кесиптештери Бостондун каннабис чегүүчү отузга жакын тургунунун катышуусундагы үч жылдык изилдөөнүн аягына чыгышты. 

"Марихуана таасир кыла турган мээнин бөлүгүн биз күн сайын өз жашоо-аракеттерибизди камсыз кылып жана коом менен баарлашуу үчүн колдонобуз", — деп жазат Цсернански.

Окумуштуулардын айтымында, катышуучулардын баары өспүрүм кезинде анаша чегишип, бирок эксперимент башталардан болжол менен эки жыл мурун жаман адаттан кутулушкан. Изилдөөнүн жүрүшүндө алар бир мүнөттүк текстти угуп, жарым сааттан кийин уккандарын кайра айтып берүү аракетин жасашкан. 

Алынган натыйжаларага ылайык, марихуна чеккендер уккан нерсенин майда-чүйдөсүн 18 пайыздан ашык начар кайталашкан. Муну окумуштуулар магниттик-резонанстык томографтын сүрөтүнө түшүрүлгөн гиппокамптагы түзүмдүк өзгөрүүлөр менен байланыштырат.

Азырынча окумуштуулар изилдөөнүн туура болгондугун толук ишеничтүү айта албайт, бирок эксперименттин натыйжалары баңги заттын мээдеги бузулууларга себеп болгондугун айкын көрсөтөт деп белгилейт изилдөөчү Мэттью Смит.

"Анашаны канчалык узак тартса, анын эс тутумга тийгизген терс таасири ошончолук чоң болот, муну биз топтогон маалыматтар ырастап турат. Демек, кантсе да, марихуана мээнин бузулушуна себепкер", — дейт Смит.

Изилдөөчүлөрдүн айтымына караганда, алардын чыгарган тыянактарын толук ырастоо үчүн ар түрдүү курактагы адамдардын катышуусу менен кошумча эксперимент өткөрүү талап кылынат.

104
Белгилер:
баңги зат, Окумуштуулар, изилдөөчү, балдар, анаша, марихуана, Каннабис, Мэттью Смит, Жон Цсернански
Тема боюнча
РФте биринчи жолу "спайска каршы" мыйзам колдонулду
Бишкекте спайс сатуучу Skype аркылуу кайрылган адамды тизмесине эки мүнөттө кошту
Саргарган дарактар. Архив

Бейшембиге карата аба ырайы

38
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

38
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

265
(жаңыланган 23:47 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда, Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

265
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот