Ажылык сапар. Архив

Быйыл ажылык сапар кымбаттайт, анын так баасы марттын аягында белгилүү болот

376
(жаңыланган 16:37 16.03.2015)
Зыяратчыларды Меккеге ташый турган авиакомпаниялар тендер аркылуу тандалган соң, муфтият элге ажылык сапардын баасы канча доллар болорун так айтат.

БИШКЕК, 16-мар. — Sputnik. Быйыл ажылык сапар кымбаттайт, бирок, азырынча так эмес, ал тендердин жыйынтыгынан кийин белгилүү болот деп билдирди Sputnik маалымат сайтына өкмөткө караштуу Дин иштери боюнча мамлекеттик комиссиянын бөлүм башчысы Бакыт Осмонов.

Анын айтымында, 15-марттан тарта зыяратчыларды ташый турган авиакомпаниялардан арыз алына баштайт да, анын жыйынтыгы менен ажылыктын так баасы аныкталат. 

Муфтияттан зыяратчылыктын каражатынын көбү жолго жумшалгандыктан, быйыл ажыга бара тургандарга так бааны авиакомпаниялардын тендеринен кийин жарыя кыларын айтышты.

"Ажылыкта, зыяратчылыкка кете турган акчанын 70 пайызын авиакомпания чечип жатат, мисалы былтыр жолдун эле чыгымы 1300 доллар болгон. Ажылык сапардын баасы канча болорун тендерди чечип алгандан соң, 19-марттан кийин так айта алабыз", — деди муфтийдин орун басары Замир кары Ракиев. 

Өткөн жылы зыяратчылар тарабынан ажылык милдетти аткарып жүргөн учурда жата турган жайдын шартын жакшыртуу туурасында да сөз болуп, штаб мүчөлөрү бул жүйөөлүү маселе экендигин айтышкан эле.

"Дин иштери боюнча комиссия штабды эрте эле түзүш керек деген каалообузду айтканбыз, негизи уюштуруу иштерин эртелетпесе болбойт экен. Ал эми зыяратчыларды шарты талапка жооп берген, санитардык абалы жакшы, үч маал тамак менен камсыздаган мейманканаларга жаткыралы деген пландар бар. Баасы 600дөн 1000 доллардын тегерегинде болот экен, бул маселени караштырып, талкуулап чечебиз", — деди Бакыт Осмонов. 

Бул жылы ажылыкка барчулар былтыркыдай эле электрондук чучукулак ыкмасы аркылуу тандалат жана зыяратчылардын саны да өзгөрбөйт. 

2015-жылы Кыргызстанга Сауд Аравиясы 3685 адамга квота берди. Муфтияттан ажылык сапарга бара тургандарды учактар августтун аягы сентябрдын башы менен ташып баштаарын билдиришти. 

2014-жылы ажылык парзын аткаруу үчүн Кыргызстандан 8-сентябрь — 25-октябрь ичинде 3 685 зыяратчы Меккеге сапар алып, алардын арасынан улгайган эки кадам каза болуп, сөөгү ошол жакка коюлган.

376
Белгилер:
Сауд Аравиясы, Мекке, Бакыт Осмонов, Замир кары Ракиев, дин, ислам, ажылык сапар
Тема:
Ажылык – 2015 (42)
Тема боюнча
Ажыга барып жүргөн адам Меккеге жиберем деп элден акча чогулткан
Ажылык сапар: өткөн жылкы өзгөрүүлөр, быйылкыга талаптар
Эмдиги жылкы ажылык сапар кымбаттайт
Саламаттык сактоо министрлигинин штаттан тышкаркы башкы фармакологу Жылдыз Жумагулова

Жумагулова: онкологияга чалдыккандарга кан тапшырып жардам кылса болот

7
Саламаттык сактоо министрлигинин штаттан тышкаркы башкы фармакологу Жылдыз Жумагулова онкологиялык илдетке чалдыккандарга жылдап дарыланууга туура келерин белгиледи.

Онкологияга чалдыккандар дары-дармек, медициналык жабдуу алуу үчүн каржылык жана кан донорлорунун жардамына муктаж. Бул тууралуу Жылдыз Жумагулова Sputnik Кыргызстан радиосунда маек куруп жатып билдирди.

Жумагулова: онкологияга чалдыккандарга кан тапшырып жардам кылса болот

Анын айтымында, онкологияга чалдыккандар үчүн өкмөт тарабынан каржы бөлүнөт, бирок ал жетишсиз.

"Кыргызстандын фармацевтикалык рыногу чакан болгондуктан көп компаниялар акыркы чыккан дарыларды алып келүүгө кызыкдар эмес. Башка ооруларга салыштырмалуу онкологияга чалдыккандар жылдап дарыланат. Ошондуктан бир жылга ченеп алынган дарылар кээде жетишсиз болуп калат. Мындан тышкары, медициналык жабдууларга дагы муктаждык күч. Мына ушул көйгөйлөрдү чечүү үчүн элдин көмөгү зарыл. Мисалы, балага диагноз коюлганда ата-энеге психологиялык дагы көмөк керек. Анткени муну кабыл алуу абдан оор болот. Ошондой эле тромбоциттик масса менен камсыздоонун наркы дагы жогору. Анткени ал он чакты донордун канынан даярдалат. Ошондуктан мүмкүнчүлүгү барлар онкологиялык илдетке чалдыккандарга деп кан тапшырса, бул дагы бир адамдын өмүрүн сактаганга жардам болот. Мындан тышкары, өлкөдө полиативдик көмөк дагы жөнгө салынган эмес. Аталган дартка чалдыккандар толук кандуу сакайбай калган учурлар кездешет. Онкологиялык илдетте чыдатпаган оору болот. Аны басаңдатуу үчүн наркотикалык багыттагы дарылар жазылат. Аны рецептсиз жок алуу мүмкүн эмес. Айрым медиктер муну жазып бербей койгон учурлар кездешет. Мына ушул багыттагы көмөктү дагы жолго салуу зарылдыгы бар", — деди Жумагулова.

Ошондой эле ал онкологиялык ооруга чалдыккандар табыптарга барып, дарыгерлерге кеч кайрылып калган учурлар да болуп жатканын кошумчалады.

Белгилей кетсек, Sputnik Кыргызстан радиосу онкологиялык илдетке кабылган балдарга жардам берүү максатында башталган алгачкы ири радиомарафонго катышты. Чогулган каражат долбоордун алкагында оорулууларга жана аларды дарылап жаткан дарыгерлерге жумшалат.

Подкасттын толук вариантын видеодон көрүңүз:

 

7
Тема боюнча
Арзыкулов: онкологиялык ооруга кабылган балдарга ар бир адам жардам бере алат
COVID-19 вакцинасын алган улгайган адам. Архив

Кубалык адистер "омикронго" каршы вакцина иштеп чыга баштады

10
(жаңыланган 11:23 01.12.2021)
Буга чейин ДССУ шашылыш отурум өткөрүп, анын жыйынтыгы менен коронавирустун Түштүк Африкада пайда болгон жаңы вариантын классификациялоо чечимин кабыл алган. B.1.1.529 жаңы штаммы грек тамгасы менен "омикрон" деп аталган.

БИШКЕК, 1-дек. — Sputnik. Кубадагы BioCubaFarma биотехнологиялык компаниялардын тобу коронавирустун "омикрон" деп аталган жаңы штаммы жукканда кандай болуп жаткандыгы боюнча отчётторду тыгыз карап чыгып, ага каршы атайын вакцина иштеп чыгууда. Бул тууралуу РИА Новости жазды.

Агенттик жогорудагы маалыматты холдингдин президенти Эдуардо Мартинестин айткандарына таянып билдирген.

"Омикрон" деп аталган жаңы штамм жукканда кандай болорун көңүл коюп байкап жатабыз. Ага каршы атайын вакцинаны иштеп чыгуудабыз, аны тез арада жасайбыз. Эми башкысы, күчтөндүргөн дозасын кошкондо эмдөө иштерине көз салуу керек жана COVID-19га байланыштуу санитардык чараларды сактоо өтө маанилүү", — деп жазган Мартинес өзүнүн Twitter блогуна.

Буга чейин Дүйнөлүк саламаттык сактоо уюму шашылыш отурум өткөрүп, анын жыйынтыгы менен коронавирустун Түштүк Африкада пайда болуп, тынчсыздандырып жаткан жаңы вариантын классификациялоо чечимин кабыл алган. B.1.1.529 жаңы штаммы грек тамгасы менен "омикрон" деп аталган. Медицина боюнча дүйнөлүк ассоциациянын төрагасы Франк Ульрих Монтгомери "омикрон" кооптуулугу менен Эбола вирусу же "дельта" штаммы сыяктуу болуп кетиши мүмкүн деп түйшөлгөнүн айтты.

Маалыматтарга караганда, Кубада коронавирустун жаңы тибине каршы элдин 82,2 пайызы эмделген. Ал жакта 2 жаштан өйдөгүлөрдүн саны 9,19 миллион киши дешти.

Кубанын окумуштуулары COVID-19га каршы төтр вакцина эсептеп чыгышкан. Финли вакцина институту иштеп чыккан эки препараттан (Soberana 01 жана Soberana 02) сырткары, Гендик инженерия жана CIGB биотехнологиялар борбору эки вакцинаны изилдеп жатат. Алар — тамчылатма Mambisa жана инъекциялык Abdala. Баштапкы Soberana 01 жана Soberana 02 көп санда чыгарылып, жапырт эмдөөгө колдонуу стадиясында турат.

10
Белгилер:
Куба, Дүйнөлүк саламаттыкты сактоо уюму, 'омикрон' штаммы, коронавирус, вакцина
Тема:
Дүйнөгө жайылган коронавирус
Тема боюнча
"Омикрон" штаммынан коргонуунун жападан жалгыз жолу айтылды
Кыргызстанга кирүүдө 1-декабрдан тарта ПЧР-тест талап кылынат
Казакстан өлкөгө кирүү эрежесин катаалдаштырып, чектөө киргизет
Жогорку Кеңештин жыйындар залы. Архив

Депутаттар БШКнын мүчөлөрүн парламентке чакырып жатат

0
(жаңыланган 12:15 01.12.2021)
Жыйынга төрагалык кылып жаткан вице-спикер Аида Касымалиева БШКны чакыруу маселесинин юридикалык жагын тактап көрөрүн билдирди.

БИШКЕК, 1-дек. — Sputnik. Жогорку Кеңештин айрым депутаттары Борбордук шайлоо комиссиясынын төрайымы Нуржан Шайлдабекованы жана бардык мүчөлөрүн чакырып, маалымат угууну сунуштады.

Эл өкүлү Наталия Никитенко добуштарды саноодо манипуляциялоо болгонун айтууда.

Ал эми Шайлообек Атазов Ош шаарындагы №8 Төлөйкөн шайлоо округунда одоно мыйзам бузуулар болуп, добуш сатып алуу, административдик ресурс колдонулганын белгиледи.

Айнура Осмонова БШК менен кошо укук коргоо органдарын да чакырып, шайлоо боюнча отчёт беришин талап кылды.

Мындай демилгени парламентарийлер Айбек Осмонов, Аманкул Токтомамбетов жана Акыл Кемелов да колдоду.

Ошол эле учурда Тазабек Икрамов айрым мыйзам бузууларды эске албаганда шайлоо таза өткөнүн айтты.

Андан соң жыйынга төрагалык кылып жаткан вице-спикер Аида Касымалиева аталган сунуштун юридикалык жагын тактап көрөрүн билдирди. Ал мындай жагдай шайлоонун жыйынтыгы расмий жарыялана электе басым катары кабылданбашы керектигин кошумчалады.

Белгилей кетсек, Жогорку Кеңештин VI чакырылышынын депутаттары бүгүн кезектеги жыйынын өткөрүүдө.

0
Белгилер:
Жогорку Кеңеш, БШК, чакыруу, маалымат
Тема:
Жогорку Кеңешке жаңы тартип менен болчу шайлоо
Тема боюнча
УКМК добуштар чуусу боюнча: АСУ туура иштеген, ката сайттан кеткен
Беш депутат келди. Парламенттин кезексиз жыйыны кворум жок өтпөй калды
"Ынтымактан" депутат болуп келчүлөрдүн эмне бизнеси бар. Тизме