Кыргыз Республикасынын башкы прокуратурасы. Архив

Нурлан Дюшембиев КР аскердик прокурору болуп дайындалды

53
(жаңыланган 16:42 17.03.2015)
Тийиштүү буйрукка өлкө президенти Алмазбек Атамбаев кол койду.

БИШКЕК, 17-мар — Sputnik. Өлкө башчысы Алмазбек Атамбаев кол койгон буйрукка ылайык, Нурлан Дюшембиев КР башкы прокурорунун орун басары – аскер прокурору болуп дайындалганын президенттин маалымат кызматы билдирди.

Нурлан Дюшембиев Нарын облусунун прокуратурасын жетектеп келген.

Аскердик прокурор кызматын буга чейин Марат Эшперов ээлеген. 13-марттага Атамбаевдин буйругу менен башкы прокурордун үч орун басары – Марат Эшперов, Темирбек Бекмаматов жана Уланбек Халдаров кызматтан алынган. 

Башкы прокурордун биринчи орун басары болуп Жалал-Абад облусунун мурдагы башчысы Кылычбек Токтогулов дайындалган.

53
Белгилер:
Аскердик прокуратура, Башкы прокуратура, Нурлан Дюшембиев, Алмазбек Атамбаев
Рэпер кыз Тамга

Кыргызстандагы алгачкы рэпер кыз Тамга: бир клип тартып кыйраттык деп жүрүппүз

95
(жаңыланган 18:28 07.03.2021)
Тамга Кыргызстанда алгачкы рэпер кыз катары таанылган. Аны башкалардан аты да, үнү да айырмалап турат. Каарманыбыз бирде назик, бирде сүрдүү болуп эки образды алып жүрөт. Жакында эле дал ушул өзгөчөлүгү үчүн "Ак салкын" тасмасында башкы ролдордун бирин аткарды.

Sputnik Кыргызстан агенттигинин кабарчысы Тамганын рэп жанрына таштаган кадамы жана режиссер Эрнест Абдыжапаровдун сынынан өткөн алгачкы киносу тууралуу маек курду.

— Алгач атыңыздан баштайлы. Чоң энеңиз түш көрүп ысымыңыз ошондон улам коюлуп калганын айтып жүрөсүз. Тамга деген кадимки ариптен башка эмнени түшүндүрөт?

— Бекеринен чоң энемин түшүнө кирип, атым Тамга деп коюлуп калбаса керек. Тамга деген кыргыздардын тарыхында "белги" деген маани менен көп айтылат экен. Мен да жакшы нерсенин белгиси катары өз атыма татыктуу болууга аракеттенем.

© Фото / Давлет Казыбеков
Рэпер кыз Тамга

— Рэп жанрында кантип ырдап калдыңыз? Бирөөлөр сунуштадыбы же өзүңүз кызыктыңызбы?

— Менин алгачкы дебютум вокалдык эле ыр, бирок арасында бат ырдалган жери да бар болчу. Эл рэп сыяктуу ырдалган жерин жакшы кабыл алып жатты. Анан продюсерим менен кеңешип, "Ой, бой-бой" аттуу рэпти чыгардык. Көпчүлүккө жагып, ошондон улам рэпер катары таанып калышты окшойт. Бирок мен рэп менен эле чектелбейм, ар түрдүү ырларды аткара берем.

— Кыздардын рэп аткарышын биздин коомчулук кандай кабыл алат экен? Бир сыйра сындан өтсөңүз керек...

— Албетте, ар кандай сындар айтылды, көбүнчө "үнүң өзгөчө, ар кандай жанрга туура келе берет" деген жакшы пикирлерди угам. Эгер мага туура сын айтылса маани берип, кемчилдигимди оңдогонго аракет жасайм. "Кыздарга жарашпайт" деген сыяктуу майда-чүйдө сындарга көңүл деле бурбайм. Кызбы же балабы, каалоосу күч болсо ага эч ким тоскоолдук жарата албайт. Эгерде адам бир нерсени жасагысы келсе, башкаларга эмес, өзүнө "каалайсыңбы, жасай аласыңбы?" деп суроо берип, ошого ишенсе жасай бериши керек.

— Элдин сыны тууралуу айтып калдык, эң башкысы үй-бүлөңүз чыгармачылыгыңызга, дегеле рэп ырдаганыңызга кандай карайт?

— Мен жөнөкөй үй-бүлөнүн кызымын, түбүм Алайдан. Бирок атамдын көзү өткөндөн кийин Сокулукта окуп, чоңойгом. Чыгармачылыкка атам үчүн келгем десем да жаңылышпайм. Ал мага каалоо жаратып, шык берип кетти. Атам дүйнө салгандан кийин апам жакшы тарбия берип өстүрдү. Эң башкы колдоочуларым — жакындарым. Алар дем-күч берип турса гана башка ийгиликтерди жарата алам.

© Фото / Мирлан Саткымбаев
Рэпер кыз Тамга

— Кыргызстанда рэп аткарууга кызыккан кыздар көп эле бекен, өзүңүз ырдап чыккандан кийин байкаган чыгарсыз?

— Учурда Кыргызстанда рэп аябай эле өнүгүп, элдин талабы да жогорулап баратат. Башка ырларга да рэп кошуп жүрүшөт. Мурда кыздардын кызыгуусу жогору экенин байкабаптырмын. Өзүм аралашып калгандан кийин жаш кыздар рэп ырларын аябай эмоция менен аткарганын көрүп калдым. Instagram баракчама жазган кыздар да көбөйдү. Демек, бизден мотивация алып жатышса керек. Бул мен үчүн чоң жоопкерчилик экенин сезем.

— Ырчылар көбүнчө тойлордо ырдап киреше табат эмеспи, сиздин киреше булагыңыз кайсы жактан?

— Биз деле тойлорго барабыз, анткени азыр дээрлик жаштардын баары тойдун шаңдуу болушун каалашат. Негизи каражат табуунун жолу көп. Бир эле той менен чектелбеш керек, жаштар түрдүү иш-чараларга чакырышат. Ар кандай кинонун саундтректерине буюртма алабыз, башка да нерселер көп. Ал эми гонарарыбыз боюнча айтпай эле коеюн. Аны продюсерим менен сүйлөшкөн оң.

— Рэп бат кабыл алуу, так сүйлөө, тил үйрөнүү жаатында чоң жардам берет деген сөздүн канчалык деңгээлде чындыгы бар?

— Бул жанрда бир эле ритмде бир канча ой бат-баттан айтылгандыктан, аларды бат кабыл алып, бат айтууга туура келет. Ошондой эле башка рэпти угуп жатканда да бат түшүнүүгө аракет жасайбыз. Андыктан чын эле тез кабыл алууну үйрөтөт. Дикция дагы башкы ролдо, андыктан ар бир тыбышты туура айтуу керек. Менин ырыма чет өлкөлүктөр да кызыгып, ырдап көргөндөрүн угуп калдым. Алар да кыргызчаны ырдын жардамы менен туура айтууга аракет жасашат экен. Бул биз үчүн сыймык. Демек, тилди бат үйрөнүүгө да жардамчы боло алат деп айтсак болот окшойт. Анан, албетте, эмоция менен ырдалып, шаңдуу болгондуктан маанайды көтөрөт.

© Sputnik / Табылды Кадырбеков
Рэпер кыз Тамга

— Ырчылыктан башка эмнеге кызыгасыз?

— Бийге басым жасап жатам. Анткени менин чыгармачылыгыма аябай керек экен. Комуз чертүү боюнча окугам, аны менен бирге профессионалдуу болбосо да гитарада, фортепианодо бир аз ойнойм. Өзүмдү мажбурлап эч нерсе жасабайм. Мындан сыртары, вокалдан курс ачып сабак бере баштадым.

— Эми кеп "Ак салкын" тасмасы тууралуу болсун, анда кимдин ролун жараттыңыз?

— Жакында эле биринчи жолу "Боз салкындын" экинчи бөлүгү "Ак салкын" тасмасына тартылдым. Анда көп тажрыйба топтодум окшойт. Биз бир клип тартып алып эле кыйраттык деп жүрүптүрбүз, тасма тарткан андан бир топ эле кыйын турбайбы. Көп адамдын эмгеги сарпталат экен. Эрнест Абдыжапаров менин маектеримди көргөн экен. "Бул кыз эки башка образ берип жатат, башкы каармандын мүнөзүнө окшош экен" деп анан сунуштаптыр. Кинодо Асыл деген мекенин сүйгөн кыздын образын аткарам. Ушундан кийин мен да мекенимди көбүрөөк сүйүп калдым. Кино Ысык-Көлдө тартылып, кооздугуна көзүм тойбой ал жерге жашап калгым келди. Азыр да сагынып турам.

  • Рэпер кыз Тамга
    © Фото / Иманбек Асылбеков
  • Рэпер кыз Тамга
    © Фото / Иманбек Асылбеков
  • Рэпер кыз Тамга
    © Фото / Иманбек Асылбеков
1 / 3
© Фото / Иманбек Асылбеков
Рэпер кыз Тамга

— Ал кинонун саундтрегин да сиз ырдап чыксаңыз керек?

— Ооба, Бегиш экөөбүз ырдайбыз. Кино 25-марттан баштап кинотеатрлардан көрсөтүлө баштайт. Өзүм да күтүп жатам.

— Жаш, татынакай кыздын жеке жашоосуна кызыкпай коюу мүмкүн эмес да. Табитиңиздеги мырза кандай, мүмкүн аны жолуктурган чыгарсыз?

— Табит деп ар нерсени айта беребиз. Негизгиси сезим керек да. Бардык берген маегимде бул тууралуу айтпайм. Ушу тапта менин жигитим — чыгармачыл жашоом, эмгектерим деп гана айта алам. Бүт сезимимди, күчүмдү, энергиямды чыгармачылыкка жумшоодомун.

95
Белгилер:
Тамга, чыгармачылык, кино, маек, ырчы, рэпер
Тема боюнча
Ырлары миллион көрүүчү топтогон Алтынай: мамлекеттик кызматта экениме сүйүндүм
Интернет жылдызына айланган Байзак ырчы: аябай толкунданып жатам...
Укук коргоочулардын үйүндө чоңойгом. Ырчы НурЧолпондун маеги
Аскат Мусабеков, Миргүл Асаналиева: бир ырдын арты менен сезимибиз бекемделди
Автоунаалар жолдо турган учурда. Архив

Автоунаа ээлери, абайлагыла. Аба ырайы боюнча шашылыш билдирүү

266
(жаңыланган 16:26 07.03.2021)
Аба ырайынын бузулушунан улам айдоочуларга  автоунаалардын ортосундагы 500 метр аралыкты сактап, абайлап жол жүрүү керектиги эскертилди.

БИШКЕК, 7-мар. — Sputnik. Жакынкы күндөрү аба ырайынын кескин өзгөрүшү менен өлкөнүн тоолуу райондорунда кар көчкү жүрүп, жолдор тайгак болушу мүмкүн. Бул тууралуу Кыргызгидромет билдирди.

Маалыматка ылайык, 7-9-март күндөрү республикалык маанидеги айрым жолдордо жүрүү кооптуу болушу ыктымал. Мындан улам жарандар айдап жүргөн автоунаалардын ортосундагы 500 метрлик аралыкты сакташы керек.

Ал күндөрү айдоочу жана жүргүнчүлөр үчүн кооптуу делген жол тилкелер:

  • Бишкек — Ош  жолунун 121-138-чакырымында (Төө-Ашуу ашуусу), 198-265-чакырымында (Ала-Бел ашуусу, Чычкан капчыгайы); Суусамыр — Талас —Тараз жолунун 1-14-чакырымдар аралыгында (Өтмөк ашуусу);
  • Мырзаке — Кара-Кулжа —Алайкуу жолунун 74-115-чакырымында, Ала-Бука — Жаңы-Базар —Киров жолунун 68-101-чакырымында (Чапчыма ашуусу) жана Красная Горка — Ак-Таш жолунун 1-4 чакырымы;
  • Казарман — Ак-Тал-Чат жолунун 42-4- чакырымында (Ийри-Суу участогу), 67-93-чакырымында (Кара-Коо ашуусу).
266
Белгилер:
көчкү, кар, жол, аба ырайы, Кыргызстан
Тема боюнча
Күн жылып, кайра муздайт. Бир жумага карата аба ырайы
Каримов: өлкөдө 318 көл жарылып кетүү коркунучунда
Кайрадан суук түшөбү? Мартка карата аба ырайы
Ош шаарындагы самбо боюнча Кыргызстандын чемпионаты

Ош шаарында 400дөн ашуун самбочу КР чемпионатына катышууда. Сүрөт

7
(жаңыланган 18:45 07.03.2021)
Мелдешке бардык облустун спортчулары келди. Жеңүүчүлөр медаль, диплом жана баалуу белектер менен сыйланмакчы.

БИШКЕК, 7-мар. — Sputnik. Ош шаарында самбо боюнча Кыргызстандын чемпионаты башталып, ага 400дөн ашуун спортчу катышууда. Бул тууралуу шаардык муниципалитеттин маалымат кызматы кабарлады.

Спорттук иш-чаранын ачылыш аземине вице-мэр Эмиль Шадыханов, Самбо федерациясынын жетекчилиги, машыктыруучулук курам, спортчулар жана күйөрмандар катышты.

  • Ош шаарында самбо боюнча Кыргызстандын чемпионаты башталып, ага 400дөн ашуун спортчу катышууда
    Ош шаарында самбо боюнча Кыргызстандын чемпионаты башталып, ага 400дөн ашуун спортчу катышууда
    © Фото / пресс-служба мэрии города Ош
  • Бул тууралуу шаардык муниципалитеттин маалымат кызматы кабарлады
    Бул тууралуу шаардык муниципалитеттин маалымат кызматы кабарлады
    © Фото / пресс-служба мэрии города Ош
  • Спорттук иш-чаранын ачылыш аземине вице-мэр Эмиль Шадыханов, Самбо федерациясынын жетекчилиги, машыктыруучулук курам, спортчулар жана күйөрмандар катышты
    Спорттук иш-чаранын ачылыш аземине вице-мэр Эмиль Шадыханов, Самбо федерациясынын жетекчилиги, машыктыруучулук курам, спортчулар жана күйөрмандар катышты
    © Фото / пресс-служба мэрии города Ош
  • Чемпионатка өлкөнүн булуң-бурчунан келген жүздөгөн самбочу катышып жатканы белгиленди
    Чемпионатка өлкөнүн булуң-бурчунан келген жүздөгөн самбочу катышып жатканы белгиленди
    © Фото / пресс-служба мэрии города Ош
  • Жеңүүчүлөр  медаль, диплом жана баалуу белектер менен сыйланмакчы
    Жеңүүчүлөр  медаль, диплом жана баалуу белектер менен сыйланмакчы
    © Фото / пресс-служба мэрии города Ош
  • 
Турнирди аталган федерация Ош шаардык дене тарбия жана спорт комитети менен биргеликте өткөрүп жатат
    Турнирди аталган федерация Ош шаардык дене тарбия жана спорт комитети менен биргеликте өткөрүп жатат
    © Фото / пресс-служба мэрии города Ош
  • Ош шаарындагы самбо боюнча Кыргызстандын чемпионаты
    Ош шаарындагы самбо боюнча Кыргызстандын чемпионаты
    © Фото / пресс-служба мэрии города Ош
1 / 7
© Фото / пресс-служба мэрии города Ош
Ош шаарында самбо боюнча Кыргызстандын чемпионаты башталып, ага 400дөн ашуун спортчу катышууда

Чемпионатка өлкөнүн булуң-бурчунан келген жүздөгөн самбочу катышып жатканы белгиленди.

Жеңүүчүлөр  медаль, диплом жана баалуу белектер менен сыйланмакчы.

Турнирди аталган федерация Ош шаардык дене тарбия жана спорт комитети менен биргеликте өткөрүп жатат.

7
Белгилер:
сүрөт, спорт, чемпионат, самбо, Ош
Тема боюнча
Торпокту такымга басып чаң ызгыткан эрендер. Аламан улактан кызыктуу сүрөттөр
Абдурахманхаджи Муртазалиев КРдин эмгек сиӊирген спорт чебери наамын алды
Дзюдо боюнча Бишкекте өтчү Азия жана Океания мелдешинин расмий постери чыкты