Уюлдук телефон

Кыргызча китеп окуу үчүн биринчи жолу мобилдик тиркеме иштелип чыкты

7842
(жаңыланган 10:58 19.03.2015)
Кыргызча китептерди интерактивдүү түрдө окуу үчүн мобилдик тиркеме чыкты.

БИШКЕК, 19-мар. — Sputnik. Ага Хан фондунун билим берүү программасы кыргызча китеп окуу үчүн биринчи жолу мобилдик тиркеме иштеп чыкканын фонддун маалымат кызматы билдирди.

Билим берүү министрлигинин алдындагы Китеп окуу боюнча улуттук комитеттин шаршемби, 18-марттагы кезектеги жыйынында Ага Хан фондунун Кыргызстандагы аткаруучу директору Карл Гёпперт китеп окуу боюнча демилгелегип жаткан инновациялык иштер менен тааныштырды. Кыргызча китептерди окууга ыңгайлаштырылган мобилдик тиркеме оюн элементтери менен балдар китептерин түшүнүп окууга жардам берет. Ошондой эле, үй-бүлө менен китеп окууга багытталган аракеттерди алдыга жылдырууга чоң жардам берет.

Маалыматка ылайык, аталган тиркемеде он балдар китептери бар. Оюн элементтерин камтыган интерактивдүү бул тиркеме кичинекей балдардын китепке болгон кызыгуусун арттыра турганын фонддун өкүлдөрү белгилешти. Аталган тиркемени интернет аркылуу Google Play дүкөнүнөн сатып алса болот.

"Китеп окуу өспүрүмдүн аң-сезимин өстүрүүдө өтө маанилүү. Ал баланын логикалык ойлонуусун, ак менен караны айырмалай алуу жөндөмдүүлүгүн өстүрөт. Такай китеп окуган баланын эске тутуусу жакшы болот. Ошондой эле, өз оюн так жана башкалар менен оңой тил табыша алат", — дейт Ага Хан фондунун Кыргызстандагы аткаруучу директору Карл Гёпперт

Учурда Коомдук телерадиоберүү корпорациясынын "Баластан" каналында "Бирге окуйбуз" аттуу программа жүрүп жатат. Анын максаты балдарды жана ата-энелерди китеп окууга үгүттөө.

7842
Белгилер:
балдар, китеп, Ага Хан фонду, Карл Гёпперт
Тема боюнча
Улуттук китепканада "Чыныгы легендага айланган этнограф" аттуу китеп көргөзмөсү болот
Facebookтун негиздөөчүсү ар бир эки жумада бирден китеп окумакчы
Ресторан. Архив

Бишкек мэриясы кафе-ресторандардын ишине чектөө киргизди

103
(жаңыланган 21:25 16.06.2021)
Борбор калаада эпидемиологиялык абал оор бойдон калууда. Бишкек шаары ушул тапта "кызыл” зонада турат.

БИШКЕК, 16-июн. — Sputnik. Эртең, 17-июндан тарта, Бишкектеги түнкү клуб, кафе, ресторан, караоке, бар сыяктуу көңүл ачуучу жайлардын ишине чектөөлөр киргизилет. Бул тууралуу социалдык маселелер боюнча шаар жетекчисинин орун басары Виктория Мозгачеванын жетекчилигинин алдында болгон эпидемиологиялык абал боюнча жыйында белгилүү болду.

Мэриянын маалыматына караганда, буга шаарда коронавирус инфекциясына карата абалдын оор болуп турганы себеп болууда.

“Бишкекте көңүл ачуу жайлар саат 23.00дөн 07.00гө чейин жабылышы керек. Бирок тамак жеткирип берүү кызматтары мурдагыдай тартипте эле иштей берет. Мындай чектөөлөр абал жакшырганга чейин сакталат”, — деп айтылат билдирүүдө.

Ошондой эле коомдук транспортто дезинфекциялоо иштери, санитардык нормалардын сакталып жатышы боюнча рейддерди күчөтүү сунушталды.

Эске салсак, борбор калаада эпидемиологиялык абал оор бойдон калууда. Бишкек шаары ушул тапта "кызыл” зонада турат.

103
Белгилер:
чектөө, коронавирус, Бишкек мэриясы, Бишкек
Тема:
Коронавируска байланыштуу Кыргызстандагы кырдаал
Кол чатыр. Архив

Бейшембиге карата аба ырайы

17
17-июнга караган түнү көпчүлүк аймактарда өткүн өтүп, күн күркүрөшү күтүлөт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-июн. — Sputnik. Бейшембиде күндүз кээ бир райондордо жаан жаайт. Бул тууралуу Кыргызгидрометтен билдиришти.

Абанын температурасы Чүй облусунда +28…+33, Таласта +27…+29, Ош, Жалал-Абад, Баткен облустарында +31…+36, Ысык-Көл аймагында +21…+26, Нарын өрөөнүндө +19…+24 градуска жетет.

Күндүн табы Бишкекте +29…+31, Ош шаарында +30…+32 градусту көрсөтөт.

17
Белгилер:
Кыргызстан, аба ырайы
Тема боюнча
Өзбекстанда жеке компаниялар электр энергиясын сааттап сата баштайт
АКШ президенти Жо Байден

Байдендин маалымат жыйынына россиялык журналисттерди киргизбей коюшту

0
Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

БИШКЕК, 17-июн. — Sputnik. Россиялык журналисттерди АКШ президенти Жо Байдендин маалымат жыйынына киргизбей коюшканын Sputnik International кабарлады.

Маалыматка карганда, аларды аталган иш-чарага аккредитациядан өткөрбөй коюшкан.

Ак үйдүн маалымат кызматы чет элдик журналисттерди каттоого ала турган кызматкердин байланыш номерин берген. Бирок ал россиялык журналисттердин өтүнүчүн көңүл сыртында калтырып койгону айтылат.

Эске салсак, бүгүн Жо Байден менен Владимир Путин Женева саммитинен кийин Ла Гранж вилласынан көрүшүп, эки этап менен сүйлөшүүлөрдү жүргүздү. Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

0
Белгилер:
журналист, Женева, Владимир Путин, Жо Байден
Тема боюнча
Өзөктүк согушта жеңүүчү болбойт! Путин менен Байдендин биргелешкен билдирүүсү
Путин Байден менен жолугушуусу кандай өткөнүн айтып берди
Путин: Байден “жан алгыч” деп эмнеге айтканын түшүндүргөн
Путин менен Байден RT жана Sputnik радиосунун ишин талкуулады