Зенько: Кыргызстанда медициналык адистиктер эң чоң суроо-талапка ээ болуп баштады

Зенько: Кыргызстанда медициналык адистиктер эң чоң суроо-талапка ээ болуп баштады

186
(жаңыланган 11:35 06.04.2015)
Роскызматташтыктын КРдеги өкүлү өткөн жылдан бери Россияда билим алууга карата квота эки эсеге өсүп, 445 орунду түзгөндүгүн билдирди.

БИШКЕК, 3-апр. — Sputnik. Россиянын окуу жайларына өтүп жаткан кыргызстандыктардын арасында медициналык адистиктер эң чоң суроо-талапка ээ экендигин аныкталды деп билдирет Роскызматташтыктын КРдеги өкүлү Алексей Зенько.

Россиянын окуу жайларында окуй тургандарды тандоо жөнүндө Sputnik кабарчысынын суроолоруна жооп берип жатып, Зенько РФтин өкмөтү шериктеш Кыргызстанга квоталарды бөлүп беришинин максаты — республиканын экономикасын жана башка тармактарын өнүктүрүүгө өз салымын кошо алгыдай жогорку квалификациялуу адистерди даярдоо экендигин билдирди.

Анын айтымында, чет элдик жарандарга бөлүнгөн квотанын саны 15 миңге жетет жана алардын басымдуу бөлүгү КМШ өлкөлөрүнө тийген. 

"Өткөн жылдан бери өкмөттүн токтому менен квотанын саны эки эсе көтөрүлгөн жана быйыл ал 445 орунду түзөт. Аларга түрдүү адистиктер кирет", — дейт Зенько. 

Зеньконун айтымында, быйыл кыргызстандыктардын арасында медициналык адистиктер эң чоң суроо-талапка ээ болуп, ал боюнча бир орунга талапкерлердин саны 30га жеткен. Андан кийин экономика жана мунай-газ тармагындагы адистиктер турат. 

Өткөн жылдан бери квота берүү системасы бир аз өзгөрдү деп билдирди Роскызматташтыктын өкүлү. 

"Эгер мурда квота конкреттүү окуу жайында окууга берилсе, азыр ал адистиктер боюнча берилип жатат. Бул абитуриентке өзү окугусу келген беш-алты окуу жайды тандоого мүмкүндүк берет", — деп түшүндүрдү Зенько. 

Документтер Бишкекте Россиянын илим жана маданият борборунда, ал эми Ош шаарында Башкы консулдукта кабыл алынат деп билдирди ал.

"Каалоочулар документтерин тапшыргандан кийин орус тили жана адистик боюнча сабактан милдеттүү түрдө тест тапшырат. Анын натыйжасы боюнча эң жогорку упай алып жана ал мектептеги баалары менен ырасталгандар, тандоодон өтүп, алар жөнүндө маалымат РФтин Билим министрлигинин атайын маалымат топтомуна киргизилет. Мындай тандоодо талапкердин тиги же бул сабак боюнча олимпиадада жеңүүчү болгону да эсе алынат", — деди Зенько.

Анын айтымында, документтерде белгиленген жогорку окуу жайлары өз мүмкүнчүлүктөрүнө жараша абитуриенттерди тандап алат. Студенттер бакалавриатка гана эмес, магистратурага жана аспирантурага да алынат. Андан тышкары, адистер үчүн кыска мөөнөттүү кесипкөйлүгүн жогорулатуу да каралган.

№ 26 мектеп-гимназиясын аяктап жаткан Насыров Тахир Москвадагы И.М.Губкин атындагы Мунай университетине мунай-газ адистиги боюнча документтерин тапшырганын айтат.

"Мен дагы Питердеги бир, Казандагы эки жана Омскидеги бир окуу жайын тандадым. Ушул адистик боюнча өтүп жакшы кесипке ээ болом деген үмүттөмүн. Үйүмө кайтып келип, өзүбүздүн мунайды кайра иштетүү тармагында иштемекмин", — деди окуучу.

№ 24 мектеп-гимназиясынын бүтүрүүчүсү Вера Колесова “Маданият таануу” адистигин тандап алганын айтат, себеби дүйнөнүн түрдүү элдеринин тарыхын, маданиятын жана адабиятын жакшы көрөм дейт ал.

"Искусство таануучу же музей кызматкери болсом дейм. ММЛУда окугум келет, бирок Невадагы Маданият институтуна да өтүшүм мүмкүн", — деди Колесова.

Тесттин натыйжалары жана окуу жайларын аныктоо жөнүндө кенен маалыматты Россиянын илим жана маданият борборунан билсе болот. Дареги: Эркиндик бульвары, 2/1. Телефон 0 (312) 30-05-12; e-mail: rcnk-kg@mail.ru.

Түштүк областтарынын тургундарына Россия Федерациясынын Оштогу Башкы консулдугуна 0 (3222) 2-78-24 телефону аркылуу кайрылуу кеңеш кылынат; e-mail: gencon@mail.kg.

186
Белгилер:
аспирантура, магистратура, бакалавриат, квота, Роскызматташтык, Жогорку окуу жайы, Вера Колесова, Насыров Тахир, Диана Толубаева, Алексей Зенько, КМШ, Ош, Кыргызстан
Ресторан. Архив

Бишкек мэриясы кафе-ресторандардын ишине чектөө киргизди

101
(жаңыланган 21:25 16.06.2021)
Борбор калаада эпидемиологиялык абал оор бойдон калууда. Бишкек шаары ушул тапта "кызыл” зонада турат.

БИШКЕК, 16-июн. — Sputnik. Эртең, 17-июндан тарта, Бишкектеги түнкү клуб, кафе, ресторан, караоке, бар сыяктуу көңүл ачуучу жайлардын ишине чектөөлөр киргизилет. Бул тууралуу социалдык маселелер боюнча шаар жетекчисинин орун басары Виктория Мозгачеванын жетекчилигинин алдында болгон эпидемиологиялык абал боюнча жыйында белгилүү болду.

Мэриянын маалыматына караганда, буга шаарда коронавирус инфекциясына карата абалдын оор болуп турганы себеп болууда.

“Бишкекте көңүл ачуу жайлар саат 23.00дөн 07.00гө чейин жабылышы керек. Бирок тамак жеткирип берүү кызматтары мурдагыдай тартипте эле иштей берет. Мындай чектөөлөр абал жакшырганга чейин сакталат”, — деп айтылат билдирүүдө.

Ошондой эле коомдук транспортто дезинфекциялоо иштери, санитардык нормалардын сакталып жатышы боюнча рейддерди күчөтүү сунушталды.

Эске салсак, борбор калаада эпидемиологиялык абал оор бойдон калууда. Бишкек шаары ушул тапта "кызыл” зонада турат.

101
Белгилер:
чектөө, коронавирус, Бишкек мэриясы, Бишкек
Тема:
Коронавируска байланыштуу Кыргызстандагы кырдаал
Кол чатыр. Архив

Бейшембиге карата аба ырайы

17
17-июнга караган түнү көпчүлүк аймактарда өткүн өтүп, күн күркүрөшү күтүлөт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-июн. — Sputnik. Бейшембиде күндүз кээ бир райондордо жаан жаайт. Бул тууралуу Кыргызгидрометтен билдиришти.

Абанын температурасы Чүй облусунда +28…+33, Таласта +27…+29, Ош, Жалал-Абад, Баткен облустарында +31…+36, Ысык-Көл аймагында +21…+26, Нарын өрөөнүндө +19…+24 градуска жетет.

Күндүн табы Бишкекте +29…+31, Ош шаарында +30…+32 градусту көрсөтөт.

17
Белгилер:
Кыргызстан, аба ырайы
Тема боюнча
Өзбекстанда жеке компаниялар электр энергиясын сааттап сата баштайт
АКШ президенти Жо Байден

Байдендин маалымат жыйынына россиялык журналисттерди киргизбей коюшту

0
Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

БИШКЕК, 17-июн. — Sputnik. Россиялык журналисттерди АКШ президенти Жо Байдендин маалымат жыйынына киргизбей коюшканын Sputnik International кабарлады.

Маалыматка карганда, аларды аталган иш-чарага аккредитациядан өткөрбөй коюшкан.

Ак үйдүн маалымат кызматы чет элдик журналисттерди каттоого ала турган кызматкердин байланыш номерин берген. Бирок ал россиялык журналисттердин өтүнүчүн көңүл сыртында калтырып койгону айтылат.

Эске салсак, бүгүн Жо Байден менен Владимир Путин Женева саммитинен кийин Ла Гранж вилласынан көрүшүп, эки этап менен сүйлөшүүлөрдү жүргүздү. Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

0
Белгилер:
журналист, Женева, Владимир Путин, Жо Байден
Тема боюнча
Өзөктүк согушта жеңүүчү болбойт! Путин менен Байдендин биргелешкен билдирүүсү
Путин Байден менен жолугушуусу кандай өткөнүн айтып берди
Путин: Байден “жан алгыч” деп эмнеге айтканын түшүндүргөн
Путин менен Байден RT жана Sputnik радиосунун ишин талкуулады