КРде 9-Майды майрамдоо боюнча уюштуруу комитети Жеңиштин жаңы символун сунуштады

© Sputnik / Максим Богодвид / Медиабанкка өтүүЖеңиш тасмасы. Архив
Жеңиш тасмасы. Архив - Sputnik Кыргызстан
Жазылуу
Жаңы символ "Жеңиш тасмасы" акциясынын алкагында жаралды. Бул акциянын максаты кыргызстандыктардын Улуу Ата мекендик согушта каармандыгын түбөлүккө сактоо, тынчтык, биримдик жана атуулдук идеяларын жайылтуу болуп эсептелет деп айтылат уюштууруу комитетинин кайрылуусунда.

БИШКЕК, 10-апр. — Sputnik. Жеңиштин эки сары тилкелүү кызыл өңдүү тасма түрүндөгү жаңы символун Улуу Жеңиштин 70 жылдыгын Кыргызстанда белгилөө боюнча уюштуруу комитети сунуштады деп билдирет аталган комитеттин маалымат кызматы. 

Билдирүүдө Улуу Жеңиштин 70 жылдыгын майрамдоонун жана кыргызстандыктардын фронттогу жана ооруктагы эрдигине таазим кылуунун символу "Жениш тасмасы" болот деп айтылат. 

"Жениш тасмасы" КРдин мамлекеттик желегинин түсүндө жасалган. Ошондой эле кызыл түс каармандыкты, эрдикти жана жеңишти билдирет, ал эми сары түс тынчтыктын жана бейкуттуктун символу эсептелет", — деп айтылат кайрылууда.

Фабрикантов: Георгий тасмасынын жаңы түсү жөнүндө мэрия кеч айтты
Жаңы символ кыргызстандыктардын Улуу Ата мекендик согушта каармандыгын түбөлүккө сактоо, тынчтык, биримдик жана атуулдук идеяларын жайылтуу, улууларды урматтоо, ошондой эле жеткинчектер менен жаштарды өлкөнүн тарыхын үйрөнүүгө кызыктыруу максатын көздөгөн "Жеңиш тасмасы" акциясынын алкагында жаралгандыгы белгиленет.

Кыргызстан мурдагы союздук республикалардын катарында жалпы Жеңиш үчүн өз салымын кошкон. Жарым миллиондон ашык калкы бар КР 363 миң аскер кызматкерлерин жиберип, алардын 95 миңден ашыгы мекенине кайтпай калган деп белгиленет билдирүүдө. 

Ошондой эле 73 кыргызстандык Советтер Союзунун баатыры наамын алып, ал эми 150 миң жоокер каармандык ордендери жана медалдары менен сыйланган. Оорукта калган кары-картаңдар, аялдар менен балдар фронтко курал-жарак, нан, эт, пахта жана башка согуштун оор мезгилинде кажыбас эмгектери менен жараткан керектүү нерселерди жөнөтүп турушкан. Согуштун алгачкы жылдары Кыргызстанга дээрлик 140 миң адам эвакуацияланып, алар үчүн республика жаңы мекен болуп калган деп айтылат кайрылууда.

Жаңылыктар түрмөгү
0