Аборт. Архивное фото

Депутат: он төрт жаштагы төрт өспүрүм кыз боюнан алдырган

184
(жаңыланган 17:18 15.04.2015)
Жогорку Кеңештин депутаты тукум улоо туурасындагы мыйзамдын жаңыланган долбоорун алып чыгып жатып, республикада өспүрүм кыздардын боюнан алдырган учурлары көп катталып бара жаткандыгын айтты.

БИШКЕК, 15-апр. – Sputnik. ЖКда "Жарандардын тукум улоо укуктары жана аларды ишке ашыруунун кепилдиктери жөнүндө" Мыйзамдын долбоору каралып жатканда, депутат Надира Нарматова 14 жашар өспүрүм кыздар боюнан алдырган фактылар кездешкендигин айтты. 

Жогорку Кеңеште депутаттар тукум улоо жана анын колдонулушу туурасындагы мыйзамдын жаңыланган долбоорун карап, андагы карын эне, тукум улоо, бойдон алдыруу туурасындагы маселелерге токтолуп, өспүрүмдөргө бул туурасында маалымат берүү жагдайын талкуулады.

Мыйзам демилгечилеринин бири Надира Нарматова, мыйзамдын долбоору КРдин негизги байлыгы элдин улуттук саламаттыгын сактоого багытталгандыгын, тукум улоочу ден соолук чөйрөсүндөгү абал кыйын экендигин туурасында айтты.

Депутаттын маалыматында, кош бойлуулардын 53 пайызы аз кандуулуктан жапа чегет, акыркы беш жылдын ичинде кош бойлуу учурунда жана төрөттөн кийинки ырбап кетүүлөрдөн улам, 17-19 жаш курагында энелердин өлүмү 23кө жеткен. 

"Кыздар арасындагы бойдон алдыруу өтө олуттуу маселе болуп турат. 2013-жылы саламаттыкты сактоо мекемелердин 14 жаштагы кыздардын бойдон алдыруусу төрт ирет катталган", — деди Нарматова. 

Депутат Дастан Бекешов маалыматтын жоктугунан өспүрүмдөр арасында бойдон алдыруу фактылары катталгандыгын айтып, аталган мыйзамды колдоо зарылдыгын белгиледи.

Мыйзам демилгечиси Нарматова мыйзам кабыл алынса, генефондду сактап калууга салымын кошо тургандыгын билдирди. 

"Бул — элдин генефондун сактап калууга маданияттуу түрдө, илим, билим жолу менен маалымдоого кылынган аракет. 15-17 жаштагы кыздардын төрөшүнүн көбөйүшү эл өкүлдөрүн ойлонто турган маселе. Андыктан, бул мыйзамды колдоп беришиңиздерди өтүнөм", — деди эл өкүлү.

Мыйзамдын жаңы редакциясынын долбоору жарандардын тукум улоо укуктарын жөнгө салуу максатында иштелип чыгып, мамлекеттин ошол укуктарды ишке ашыруу боюнча кепилдиктерин жана тукум улоодо ден соолукту сактоого кызыктар жана жоопкерчиликтүү мамиле кылуусун күчөтүүгө багытталган. 

Жыйынтыгында, "Жарандардын тукум улоо укуктары жана аларды ишке ашыруунун кепилдиктери жөнүндө" мыйзам долбоору экинчи окууда добуш берүүгө жиберилди.

184
Белгилер:
Дастан Бекешев, Надира Нарматова, өспүрүм, энелер өлүмү, Жогорку Кеңеш
Кабул шаары. Архив

ЖМК: талибдер өзбек тилин расмий макамынан ажыратып салды

69
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

69
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Балыкчы шаарындагы үйлөр. Архив

Жекшембиге карата аба ырайы

93
19-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 18-сен. — Sputnik. Жекшемби күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +28...+33, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +23...+28 жана Нарын аймагында +24...+29 градус болору айтылды.

Термометрдин көрсөткүчү Бишкекте +31...+33, Ош калаасында +33...+35 градуска жетет.

93
Белгилер:
Кыргызстан, аба ырайы
Тема боюнча
Кыргыз-кытай чек арасы үч күнгө жабылат. Себеби