Кумтөрдө мөңгү эрип түшкөн учурда да КР акционери бойдон калат

Кумтөрдө мөңгү эрип түшкөн учурда да КР акционери бойдон калат

65
(жаңыланган 11:58 16.04.2015)
Кумтөрдө техногендик кырсык болсо, Кыргызстан азыркыдай эле Centerra компаниясынын толук укуктуу акционери бойдон калат деп билдирди эксперт Эрик Таранчиев.

БИШКЕК, 16-апр. — Sputnik. Эгер Кумтөрдө мөңгү түшө турган болсо, Кыргызстан азыркыдай эле Centerra Gold Inc. компаниясынын акцияларын негизги кармоочусу бойлон калат деди Эрик Таранчиев Бишкекте өткөн Жеке инвесторлор клубунун отурумунда.

КРдин белгилүү экономисттери 15-апрелде Кумтөр кен жайында бышып жетилген көйгөйлөрдү талкуулоо үчүн чогулушкан. Анда каралган башкы тема премьер-министр Жоомарт Оторбаев башында турган өкмөт талап кылгандай Centerra Gold Inc. директорлор кеңешин алмаштыруу мүмкүнчүлүгү болду. 

Эгер техногендик кырсык болуп, кен жайын иштетүү токтоп кала турган болсо, Кыргызстандын Centerra компаниясындагы акциялары эмне болот деген Sputnik кабарчысынын суроосуна Таранчиев эч нерсе болбойт деп жооп берди. 

Анын айтымында, Centerra Gold Inc. Кумтөрдү Centerra компаниясына караштуу бирдик катары иштетип жатат. Бул Centerra-нын КР акционер болуп эсептелген активдеринин бири.

"Активдердин кайсы бири менен көйгөй жарала турган болсо, анын кесепети Centerra Gold Inc. компаниясына тиет. Ал эми биз мурда кандай акционер болсок, бардык шартта ошондой кала беребиз. Биздин башка активдерден өз кирешебиз болот", — деди көз карандысыз эксперт.

Азыр Centerra Gold Inc. Кыргызстанда, Монголияда, Түркияда, Канада жана Португалияда алтын кендерине ээлик кылат. Centerra компаниясына тиешелүү жерлердин ичинен алтын корунун көлөмү боюнча Кумтөрдөн кийин Монголиядагы Бороо турат.

Эксперт Андрей Залепонун билдирүүсү боюнча, Монголиядагы аталган кен жайы улуттук долбоор статусун алып, иштетүүгө даяр турат. Андагы алтындын кору 200 тонна деп бааланууда.

Мурдараак КРдин экологдору Кумтөргө жакын жайгашкан Давыдов мөңгүсү ээрип, улам барган сайын ылдыйлап келе жаткандыгын билдиришкен. Кен жайында иштетилип жаткан карьер толуп кетүү коркунучу бар.

Кумтөр алтындын кору боюнча дүйнөдө үчүнчү орунду ээлеген кен жайы болуп эсептелет. Аны Канаданын "Камеко" компаниясы 1994-жылы иштете баштаган. Алгач долбоордо кирешенин 70 пайызы Кыргызстанга жана 30 пайзы "Камеко" жетекчилигине тиет деп болжолгон. Макулдашуулар ратификацияланган соң 2003-жылы "Камеко" Centerra Gold Inc. болуп кайра түзүлүп, ал республиканын чегинен сырткары бир нече кен жайын иштете тургандыгын жарыялаган. Ошентип, компаниянын масштабы өсүп, ага жараша КРдин долбоордогу акциялары 70тен 33 пайызга түшүп кеткен.

Жогорку Кеңештин мурдагы депутаты, Кумтөр маселеси менен алектенген Кубанычбек Исабеков Centerra Gold Inc. компаниясынын Кумтөрдөн башка бардык иштептип жаткан кен жайлары жалган экендигин мурдатан бир нече жолу билдирген эле.

65
Белгилер:
Мөңгү, Отурум, акция, Centerra Gold Inc, Кумтөр, Андрей Залепо, Эрик Таранчиев, Кубанычбек Исабеков, Жоомарт Оторбаев
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Тема боюнча
Эксперт: Кумтөрдүн начар абалга келишине айыпкер менеджментти алмаштыруу керек
Маршрутка айдоочусу жана милиция кызматкери. Архивдик сүрөт

ШИИБ маршрутка айдоочуларын чагымчылдыкка алдырбоого чакырды

5
(жаңыланган 14:45 17.01.2021)
Милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирме түшкөн.

БИШКЕК, 17-янв. — Sputnik. Бишкек шаардык ички иштер башкармалыгы кичи автобустардын айдоочуларын чагымчылдыкка алдырбоого чакырды.

Белгилүү болгондой, милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирүү түшкөн.

"Борбор калаада коомдук тартипти туруксуздаштыруу КРдин мыйзамын бузуу болуп саналат. Ошондуктан ШИИБ маршрутка айдоочуларын чагымчылдыкка алдырбоого чакырат", — деп айтылат маалыматта.

Ошол эле учурда айдоочулар коом үчүн өтө зарыл жана чоң иш аткарып жатканын эстен чыгарбашы керектиги белгилеген.

"Эгер чагымчыл иштерге жол берилип, коомдук тартип бузула турган болсо, ошондой эле коомдук транспортто же көчөдө жарандардын жана балдардын коопсуздугуна коркунуч жаралса, менчик жана мамлекеттик мүлктөр жабыркаса, КРдин мыйзамына ылайык олуттуу чаралар көрүлөт", — деп эскерткен ШИИБ.

Милиция 12-январда Бишкек шаардык кеңеши, мэрия жана шаардык кызматтардын өкүлдөрү жеке менчик ташып жеткирүүчү компаниялардын жетекчилери менен жолукканын эске салган. Анда жол кирени көтөрүү маселеси козголгон.

Айрым маршрутка айдоочулары жол кирени 15 сомго чейин көтөрүү талабын койгон. Мэрия аталган маселе акырындык менен чечилерин, маршрутка айдоочуларынын койгон талаптарын караган жумушчу топ түзүлгөнүн буга чейин айткан.

ШИИБ айдоочуларга кагаз түрүндө эскертүү таратылганын белгиледи. Анда кокус коомдук тартип бузула турган болсо, мэрия жеке менчик фирмалар менен кызматташууну карап чыга турганы жазылган.

5
Белгилер:
тартип, эскертүү, коом, айдоочу, маршрутка, ШИИБ
Тема боюнча
Мэрия: Бишкектеги маршрутка айдоочулары иш таштаса лицензиялары алынат

18-январда иш ташташы мүмкүн болгон маршрутка айдоочулары эмне дейт? Түз эфир

31
Sputnik Кыргызстан агенттигинин кабарчысы түз эфирде маршрутка айдоочулары менен сүйлөшүп, алардын пландалып жаткан иш таштоосу боюнча оюн угат.

Эске салсак, Бишкектеги кичи автобустардын айдоочулары 18-январда жумушка чыкпай калышы ыктымал. Маршрутка айдоочулары иш таштай турган болсо, Бишкек мэриясы ташып жеткирүүчү компаниялардын лицензиясын чакыртып алууну суранып Транспорт министрлигине кайрыла турганын билдирген.

Буга чейин ордо калаадагы маршруттук микроавтобустардын айдоочулары коомдук транспорттогу жол кире акысын 15 сомго чейин көбөйтүүнү талап кылышкан. Эгер андай болбой турган болсо, ишти токтотуп митингге чыгышарын айтышкан.

31
Белгилер:
түз эфир, иш таштоо, айдоочу, маршрутка, Бишкек
Тема боюнча
Маршрутка акысын 15 сомго чейин көтөрүү талабы. Бишкек мэриясы жооп кайтарды
Мэрия: Бишкектеги маршрутка айдоочулары иш таштаса лицензиялары алынат