Душанбе шаарындагы Жашыл толкун акциясы. Архив

Тажикстанда Жеңиш парады Кыргызстандагыдай 7-майга жылдырылды

31
(жаңыланган 10:35 25.04.2015)
Башкы командачы Алмазбек Атамбаев 9-майда Москва шаарындагы Кызыл аянттагы парадка катыша тургандыктан Жеңиш майрамына карата боло турчу парад 7-майга жылдырылды.

БИШКЕК, 25-апр. — Sputnik. Тажикстанда Улуу Жеңиштин 70 жылдыгына карата 9-майда боло турчу парад 7-майга жылдырылганын өлкөнүн Коргоо министрлигинин маалымат катчысы Фарудин Махмадалиев Sputnik сайтынын кабарчысына билдирди.

Башкы командачы Алмазбек Атамбаев 9-майда Москва шаарындагы Кызыл аянттагы парадка катыша тургандыктан Жеңиш майрамына карата боло турчу парад 7-майга жылдырылды. Бул күн Кыргызстанда иш күнү болуп саналат.

Махмадалиев билдиргендей, 9-майда Тажикстандын президенти Эмомали Рахмон да Россиянын борбору Москва шаарына барат. Андыктан Душанбеде боло турчу майрамдык парад эки күн алдыга жылдырылды. Тажикстанда дагы 7-май иш күнү болот.

Тажикстандын борборунда боло турчу Жеңиш парадына күч түзүмдөрүнүн эки миңден ашык аскери катышат.

Быйыл 9-майда Улуу Ата мекендик согушта жетишилген Жеңишке 70 жыл толот.

31
Белгилер:
Эмомали Рахмон, Алмазбек Атамбаев, Фарудин Махмадалиев
Тема:
Улуу Жеңишке 70 жыл (117)
Тема боюнча
Согуш ардагерин Москвадагы парадга жиберүү үчүн каражат чогултулууда
Башкы штаб жетекчиси Алымкожоев 9-майда парадга катышуучу техниканын абалын текшерди