Витебсктеги Славян базары фестивалинде. Архив

Рымбаева: Батырхан мени апа дечү

113
(жаңыланган 11:22 29.04.2015)
Шукеновдун каза болушу Казакстандын маданиятына орду толгус жоготуу болгонун Казакстандын эл артисти Роза Рымбаева белгиледи.

БИШКЕК, 29-апр. — Sputnik. Батырхан Шукенов Казакстандын эл артисти Роза Рымбаеваны ана деп келгенин ал Sputnik сайтынын кабарчысы менен болгон маегинди билдирди.

Рымбаеванын айтымында, ал бүгүн эртең менен Шукеновдун өлгөнү жөнүндө угуптур, бирок, анын майда-чүйдөсү боюнча азыр толук маалыматы жок экен.

"Менин балам Шукеновдун өлүмү боюнча түндө эле билиптир, бирок тынчымды албайын деп айтпаптыр", — деди белгилүү ырчы.

Батырхан Рымбаеваны чыгармачылыгындагы энеси катары баалап келгенин ал белгиледи.

"Дайыма көңүлү ачык, жайдары болчу. Мага жылуу мамиле жасап, мени апа дечү. Астана шаарында 23-апрелде биздин президент катышкан концертте чогуу болгонбуз, анын ооруп атканы боюнча эч кандай белгилери жок болчу. Мен азыр шок абалында турам", — деди ырчы.

Рымбаева Шукенов анын тобуна 80-жылдары консерваториянын студенти кезинде келип иштегенин эскерет. Башында ал саксофончу болчу, топ менен түрдүү конкурстарга барчу. Кийин жеке аткаруучу катары карьерасын уланткан.

"Арай" тобунда жүргөндө ал атактуулукка жетти. Кийин "А'Студио" тобун негиздеп, Москвага кеткен", — дейт Рымбаева.

Ал ошондой эле, Шукеновдун каза болушу Казакстандын маданияты үчүн орду толгус жоготуу болгонун белгиледи.

Батырхан Шукенов 1962-жылы Казакстандын Кызыл-Орда шаарында төрөлгөн. Музыкалык карьерасын Казакстандын эл артисти Роза Рымбаеванын тобуна саксофончу болуудан баштаган. Ал 1988-жылы достору менен "А'Студио" тобун түзүп, анын солисти болгон. Шукеновдун "Белая река", "Стоп, ночь", "Солдат любви", "Эти тёплые летние дни", "Нелюбимая", "Джулия" жана башка ырлары коомчулуктун сүймөнчүктүү ырларына айланган.

113
Белгилер:
Роза Рымбаева, Батырхан Шукенов, Казакстан
Маршрутка айдоочусу жана милиция кызматкери. Архивдик сүрөт

ШИИБ маршрутка айдоочуларын чагымчылдыкка алдырбоого чакырды

3
(жаңыланган 14:41 17.01.2021)
Милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирме түшкөн.

БИШКЕК, 17-янв. — Sputnik. Бишкек шаардык ички иштер башкармалыгы кичи автобустардын айдоочуларын чагымчылдыкка алдырбоого чакырды.

Белгилүү болгондой, милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирме түшкөн.

"Борбор калаада коомдук тартипти туруксуздаштыруу КРдин мыйзамын бузуу болуп саналат. Ошондуктан ШИИБ маршрутка айдоочуларын чагымчылдыкка алдырбоого чакырат", — деп айтылат маалыматта.

Ошол эле учурда айдоочулар коом үчүн өтө зарыл жана чоң иш аткарып жатканын эстен чыгарбашы керектиги белгилеген.

"Эгер чагымчыл иштерге жол берилип, коомдук тартип бузула турган болсо, ошондой эле коомдук транспортто же көчөдө жарандардын жана балдардын коопсуздугуна коркунуч жаралса, менчик жана мамлекеттик мүлктөр жабыркаса, КРдин мыйзамына ылайык олуттуу чаралар көрүлөт", — деп эскерткен ШИИБ.

Милиция 12-январда Бишкек шаардык кеңеши, мэрия жана шаардык кызматтардын өкүлдөрү жеке менчик ташып жеткирүүчү компаниялардын жетекчилери менен жолукканын эске салган. Анда жол кирени көтөрүү маселеси козголгон.

Айрым маршрутка айдоочулары жол кирени 15 сомго чейин көтөрүү талабын койгон. Мэрия аталган маселе акырындык менен чечилерин, маршрутка айдоочуларынын койгон талаптарын караган жумушчу топ түзүлгөнүн буга чейин айткан.

ШИИБ айдоочуларга кагаз түрүндө эскертүү таратылганын белгиледи. Анда кокус коомдук тартип бузула турган болсо, мэрия жеке менчик фирмалар менен кызматташууну карап чыга турганы жазылган.

3
Белгилер:
тартип, эскертүү, коом, айдоочу, маршрутка, ШИИБ
Тема боюнча
Мэрия: Бишкектеги маршрутка айдоочулары иш таштаса лицензиялары алынат

18-январда иш ташташы мүмкүн болгон маршрутка айдоочулары эмне дейт? Түз эфир

18
Sputnik Кыргызстан агенттигинин кабарчысы түз эфирде маршрутка айдоочулары менен сүйлөшүп, алардын пландалып жаткан иш таштоосу боюнча оюн угат.

Эске салсак, Бишкектеги кичи автобустардын айдоочулары 18-январда жумушка чыкпай калышы ыктымал. Маршрутка айдоочулары иш таштай турган болсо, Бишкек мэриясы ташып жеткирүүчү компаниялардын лицензиясын чакыртып алууну суранып Транспорт министрлигине кайрыла турганын билдирген.

Буга чейин ордо калаадагы маршруттук микроавтобустардын айдоочулары коомдук транспорттогу жол кире акысын 15 сомго чейин көбөйтүүнү талап кылышкан. Эгер андай болбой турган болсо, ишти токтотуп митингге чыгышарын айтышкан.

18
Белгилер:
түз эфир, иш таштоо, айдоочу, маршрутка, Бишкек
Тема боюнча
Маршрутка акысын 15 сомго чейин көтөрүү талабы. Бишкек мэриясы жооп кайтарды
Мэрия: Бишкектеги маршрутка айдоочулары иш таштаса лицензиялары алынат