ИИМ кызматкери. Архив

ИИМ Оштогу чет элдик калпакчандардын келген максаты иликтенип жаткандыгын билдирди

298
(жаңыланган 17:27 07.05.2015)
Ош шаары жана Ош областы боюнча Ички иштер башкармалыгы коомдук тартипти бузган 12 чет элдик жаран кармалгандыгы тууралуу мурдараак билдирген эле.

БИШКЕК, 7-май — Sputnik. Ички иштер министрлигинин №10 башкы башкармалыгынын жетекчиси Рафик Мамбеталиев Ошто коомдук тартипти бузду делген кыргыз калпакчан чет элдик жарандар тууралуу тынчсыздануунун кереги жок деп билдирди.

Ош шаары жана Ош областы боюнча Ички иштер боюнча башкы башкармалыгы шаршемби күнү Ош шаарында коомдук тартипти бузган 12 чет элдик жаран кармалгандыгы тууралуу мурдараак  билдирген эле. 

Мамбеталиевдин айтымында, чет элдиктер жергиликтүү тургундардан өзүлөрү токтогон үйү көрсөтүүнү сурашкан.

"Буга кабатыр болуштун кереги жок, баары жайында. Чет элдиктер Баткенге бара жатып, Ошто токтошкон. Сейилдеп жүрүп адашып кетип, өзүлөрү токтогон жерди таппай калышкан", — деди ал.

Мурдараак Фергана көчөсүнүн тургундары ак калпак кийген 10-15 белгисиз адам көчөнү кыдырып, элдин эшиктерин каккылап жүргөндүгү туурасында кайрылгандыгын билдирген эле.  

Ош шаардык ички иштер башкармалыгынын маалым кызматынын өкүлү Замир Сыдыков чет элдик жарандар "Маданият жана салт" коомдук фондунун мүчөлөрү экендигин айткан.

"Алардын арасында Бразилиянын бир жараны, АКШнын беш, Канаданын үч, Түштүк Корея менен Швециянын бирден жараны жана Украинанын эки жараны бар. Алардын айтымында, алар миссионердик кылып жана жергиликтүү каада-салттар менен таанышып жүрүшкөн", — деп билдирген Замир Сыдыков.

Ош шаардык ички иштер башкармалыгынын аталган топ менен тийиштүү алдын алуу иш-чаралар өткөрүлүп, алардын Ош шаарына келгендигинин чыныгы максаттары иликтенип жаткандыгын кошумча маалымдаган.

298
Белгилер:
Ош, Ош облусу, Замир Сыдыков, Рафик Мамбеталиев, чет элдик жарандар
Тема боюнча
Кыргызстандын жарандыгын алган чет элдиктердин саны өсүүдө
Ош облусунун дагы үч жараны Хизб ут-тахрир уюмунан баш тартты
Темир Сариев Ош облусун көзөмөлдөө үчүн кетти
Парктагы кишилер. Архив

Дүйшөмбүгө карата аба ырайы

12
25-октябрга караган түнү республиканын аймагында жаан-чачын жаабайт. Түштүк-чыгыштан соккон шамалдын ылдамдыгы секундасына 3-8 метрге жетет.

БИШКЕК, 24-окт. — Sputnik. Дүйшөмбүдө күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Талас жергесинде +12...+17, Ош, Жалал-Абад, Баткен облустарында +15...+20, Ысык-Көл чөлкөмүндө +10...+15, ал эми Нарын аймагында +7...+12 градус болору айтылды.

Термометрдин көрсөткүчү Бишкекте +15...+17, Ош калаасында +17...+19 градуска жетет.

12
Белгилер:
октябрь, Кыргызстан, аба ырайы
Тема боюнча
Кар жаайбы? Бир жумага карата аба ырайы

Кыргызстанда майды аз ичкен унаалар канчадан сатылууда. Инфографика

40
(жаңыланган 20:39 24.10.2021)
Sputnik Кыргызстан көбүрөөк суроо-талап менен сатылып жаткан майды аз ичүүчү автоунаалардын баасы кандай өзгөргөнүн анализдеп көрдү.
Кыргызстанда эң өтүмдүү  автоунаалардын баасы

Инфографикада чыккан жылы жаңы унаалардын орточо наркы берилген. Мониторинг autobaza.kg, cars.kg, turbo.kg жана mashina.kg ресурстарына чыккан маалыматка карап январь-октябрь айларында жүргүзүлдү.

Эң көп сатылган 10 автоунаага төмөнкүлөр кирди:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Volkswagen Golf;
  • Mazda Demio;
  • Chevrolet Spark;
  • Honda Civic;
  • Toyota Prius.

Дээрлик бардык унаалар 200дөн 1000 долларга чейин кымбаттаган.

Сатуучулар жана эксперттер машинанын баасы улам кымбаттай берет деген пикирде. Экономист Элдар Абакиров буга акчанын кунунун кетиши таасир этерин айтат.

"Элде накталай акча бар, бирок аны менен бай болуп кете албайсың. Болгону акча кунун жоготуп баратат. Ушундан улам баары, анын ичинде машина дагы кымбаттап жатат", — деди эксперт.

Чет өлкөдөн машина ташуучу компаниянын кожоюну Данияр Салякаев баалардын төмөндөшүнө үмүт артпай эле коюу керек деген пикирде.

"Учурда дээрлик баары кымбаттап жатат, ал эми машина суроо-талап менен колдонулат. Мындай кырдаалда эч качан арзандабайт. Бул реалдуулук, жакшы машина алуу үчүн акча чогултуш керек", — деди ал.

"Элчи" социалдык-саясий изилдөөлөр борборунун директору Денис Бердаков мындай жагдайга ири автоконцерндер тушуккан каатчылык түздөн-түз себепкер экенин белгилейт.

"Машина өндүрүүчүлөр кыймылдаткычтар үчүн керектүү тетиктердин тартыштыгына кабылышты. Тагыраагы, башкаруунун электрондук блокторунун, тышкы электр жабдууларынын, жабдыктарды башкаруу панелинин, мультимедиалык системалардын микросхемалары азыр жетишсиз болуп турат. Ушул өңдүү тетиктердин өндүрүш көлөмү пандемиянын, ар кыл мамлекеттердеги ушул багыттагы өндүрүш ишканаларына коюлган чектөө чараларынын айынан азайып кеткен", — деген оюн ортого салды эксперт.

Кыргызстанда автоунаалардын баасы кымбаттап жатканына чет өлкөдөн массалык түрдө транспорт ташылбай калганы да себеп болууда.

40
Белгилер:
Кыргызстан, автоунаа, баа, сатып алуу, кымбат
Тема боюнча
Кыргызстандагы алдыңкы 10 жолтандабас менен кроссовердин баасы кандай өзгөрдү
Кыргызстандын футбол боюнча олимпиадалык курама командасы (U-23) Бириккен Араб Эмирлигинин командасы менен оюн учурунда

Бали! КР футболчулары БАЭ командасын утуп алды. Голдордун видеосу

70
(жаңыланган 21:36 24.10.2021)
Жеңиш алып келген голду Арлен Шаршенбеков камсыз кылды. Ал согончогу менен тээп, атаандаштын дарбазасына топ киргизди.

БИШКЕК, 24-окт. — Sputnik. Кыргызстандын футбол боюнча олимпиадалык курама командасы (U-23) Азия  кубогу-2022 турнирине тандоонун алкагында Бириккен Араб Эмирлигинин командасын утуп алды.

Континенталдык биринчиликке жол аччу мелдеште улуттук командага алгач Е тайпасынын оюну өтүп жаткан талаа ээси — БАЭ командасы туш болгон. Матч Фуджайра стадионунда өттү.

Биринчи тайм 1:0 эсеби менен атаандаштардын пайдасына аяктады. Бирок экинчи бөлүктүн 73-мүнөтүндө Амир Жапаров айып талаадан гол тээп киргизген. Андан кийин Арлен Шаршенбековдун согончогу менен тээп киргизген тобу командага жеңиш алып келди.

Эскерте кетсек, Кыргызстан чүчү кулактын натыйжасында Е тайпасына түшкөн, эми КР футболчулары Индия жана Оман командалары менен кез келет.

Жаштар континенталдык биринчилигинин финалдык бөлүгүнө 11 команда — өз тайпаларынын жеңүүчүлөрү жана экинчи орун алган мыкты төрт команда чыгат.

Азия кубогу Өзбекстанда өтөт.

70
Белгилер:
футбол, Кыргызстан, Бириккен Араб Эмирлиги, мелдеш, гол, жеңиш
Тема боюнча
Жаалданган күйөрмандар. Футбол талаасынан тартылган видео