Президент Алмазбек Атамбаев. Архив

Президент Алмазбек Атамбаев кыргызстандыктарды Жеңиш күнү менен куттуктады

157
(жаңыланган 11:35 09.05.2015)
Мамлекет башчысы Кыргызстандыктарды Жеңиш Майрамынын 70 жылдыгы менен куттуктап, согуш ардагерлерин, тылдын кайратмандарын элдин эркин жашоосуна, жакшы турмушка жол ачкандыгын айтты.

БИШКЕК, 9-май — Sputnik. КРдин Кыргыз Республикасынын Куралдуу Күчтөрүнүн Башкы колбашчысы Алмазбек Атамбаев жоокерлерди, генаралдарды, офицерлерди, сержанттарды, жалпы кыргызстандыктарды Жеңиш Майрамынын 70 жылдыгы менен куттуктады.

Мамлекет башчысы аксакалдарга алардын эрдигиин аркасы менен биз ачык асман алдында, бейпил заманда жашап жатканыбызга 70 жыл болгондугун, алардын кан майданда өлүмгө тик карап, Жеңиш менен кайтканын, оорукта күн-түн дебей эмгектендигин белгиледи.

"Дүйнөлүк тарыхтагы эң катаал согушта адамзатты фашизмдей кара тумоодон сактап калдыңыздар. Бизге жашоодогу эң баалуу белекти – бейпилдикте жашап, балдарды өстүрүү бактысын тартууладыңыздар. Эркин жашоого, жакшы турмушка жол ачтыңыздар. Кан жыттанган каардуу согуштан улам алыстаган сайын Улуу Жеңиштин мааниси бийиктеп даана көрүнүүдө. Чындыгында эле бул Улуу Жеңиш! Жакшылыктын — жамандыкты, жарыкчылыктын — караңгылыкты Жеңиши! Тынчтыктын жана бейпилдиктин салтанаты! Миллиондогон адамдардын көз жашы, өмүрү, каны менен келген Улуу Жеңиш!", — деп айтылат Атамбаевдин куттуктоосунда.

Ал эми Кыргызстандын Куралдуу Күчтөрүнүн жоокерлерине ар дайым элибизди, мамлекетибизди, улуттук кызыкчылыктарыбызды коргогонго даяр болуусун айтты. 

"Кылымдарды карыткан кыргыз эли эзелтен жоокерчиликти, намысты туу туткан. Тизелеп жашагандан, тикесинен тик туруп өлгөндү артык көргөн. Силер ошол байыркы бабаларыбыздын улуу салттарын татыктуу улантуучу жоокерлерсиңер. Ар дайым элибизди, мамлекетибизди, улуттук кызыкчылыктарыбызды коргогонго даяр болгула. Кыргызстандын келечеги кең. Элибиздин жакшы турмушка, адилеттүү мамлекет курууга умтулуусун эч бир күч майтара албайт", — деп айтылат куттуктоодо. 

Мамлекет башчысы Эгемен Кыргызстандын Куралдуу Күчтөрүнүн каарман жоокерлери жеңишчил, жаратман муундун салттарын татыктуу улантып тынчтыктын, коопсуздуктун сакчылыгында бекем турасыңар деп ишенээрин билдирген.

 

 


157
Белгилер:
Алмазбек Атамбаев, Жеңиштин 70 жылдыгы, куттуктоо
Тема:
Улуу Жеңишке 70 жыл (117)
Тема боюнча
Президент согуштун ардагерлерине юбилейлик медалдарды тапшырды
Темир Сариев Ошто согуш ардагерлерин куттуктады
Путин кыргызстандыктарды жана Атамбаевди Улуу Жеңиш майрамы менен куттуктады
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

10
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

10
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы
Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев. Архив

КР президентинин администрация өкүлү: интернационализмге шарт түзөлү

21
(жаңыланган 14:37 23.09.2021)
Кудайберген Базарбаев Бишкекте жакынкы чет өлкөлөрдөгү россиялыктар уюштурган аймактык жаштар конференциясына катышып, элди тилектештикке чакырды.

БИШКЕК, 23-сен. — Sputnik. Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев интернационализмге шарт түзүп берүүгө чакырды.

Ал Бишкекте акынкы чет өлкөлөрдөгү россиялыктар уюштурган аймактык жаштар конференциясында сөз сүйлөдү.

"Мындай иш-чаралар өтө пайдалуу. Башка улуттагы мекендештердин кызыкчылыгын коргоп гана тим болбой, аларга эч кандай тоскоолдук жаралбагыдай шарттарды түзүп берүүгө аракет кылалы. Башкысы, интернационализм, достук, тилектештикти күчөтүүгө жан үрөйлү", — деди Базарбаев.

Анын айтымында, дал ушул нерселер бизге чейинки муунга күч берип, алар бири-бирин дос жана бир туугандай кабыл алышкан.

21
Белгилер:
Кыргызстан, Россия, ынтымак
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды