Ырчы Батырхан Шукенов. Архив

Бишкекте Батырхан Шукеновду эскерүү кечеси өтөт

24
(жаңыланган 17:36 12.05.2015)
Концертке Эркин Мукашев, Аяна Касымова, Жамиля Муратова, Арсен, Омар жана башка белгилүү ырчылар менен музыкалык топтор катышат.

БИШКЕК, 12-май — Sputnik. Бишкектин аянттарынын биринде 18-май күнү Батырхан Шукеновду эскерүү кечеси өтөрүн иш-чаранын уюштуруучусу Дарика Асылбашева билдирди.

Казак ырчысы Батырхан Шукенов 29-апрелде Москвада жүрөк оорусунан каза болгон. 

Асылбашеванын айтымында, кечени өткөрүү күнү бекеринен тандалган жок — 18-майда ырчы 53 жашка чыкмак.

"Сүйүктүү артисттин өлүмү биз үчүн күтүүсүз болду, ошондуктан ага Алматынын тургундары сыяктуу акыркы белегибизди ыйгаргыбыз келет", — дейт уюштруучу.

Концертке Эркин Мукашев, Аяна Касымова, Жамиля Муратова, Арсен, Омар жана башка белгилүү ырчылар менен музыкалык топтор катышат.

"Алардын баары акысыз чыгып ырдашат. Аянтчанын ээси да бизге түшүнүү менен мамиле кылып, эң аз ижара акысын алмак болду. Ошондуктан кече үчүн билет арзан болот", — деп белгиледи Асылбашева.

Ошондой эле ал Шукеновдун концерттик директору Олжас Байманов бул идеяны жакшы кабыл алып, ал турсун, ырчынын сүрөттөрүн жибергенин, алар эскерүү кечесинде сахнага илине турганын белгиледи.

24
Белгилер:
Батырхан Шукенов, Бишкек
Тема боюнча
СССРдин ыр мейкиндигин багындырган казак. Батырхан Шукеновдун жаркын элесине
Аяна Касымова: тойдун деңгээлиндеги ырчы болгум келбейт
Опера ырчысы Миңжылкиевдин мемориалдык айкели Санкт-Петербургга орнотулат
Маршрутка айдоочусу жана милиция кызматкери. Архивдик сүрөт

ШИИБ маршрутка айдоочуларын чагымчылдыкка алдырбоого чакырды

18
(жаңыланган 14:45 17.01.2021)
Милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирме түшкөн.

БИШКЕК, 17-янв. — Sputnik. Бишкек шаардык ички иштер башкармалыгы кичи автобустардын айдоочуларын чагымчылдыкка алдырбоого чакырды.

Белгилүү болгондой, милицияга маршрутка айдоочуларынын ортосунда ишке чыкпоо, нааразычылык акциясын уюштуруу сыяктуу чагымчыл чакырыктар тарап жаткандыгы тууралуу билдирүү түшкөн.

"Борбор калаада коомдук тартипти туруксуздаштыруу КРдин мыйзамын бузуу болуп саналат. Ошондуктан ШИИБ маршрутка айдоочуларын чагымчылдыкка алдырбоого чакырат", — деп айтылат маалыматта.

Ошол эле учурда айдоочулар коом үчүн өтө зарыл жана чоң иш аткарып жатканын эстен чыгарбашы керектиги белгилеген.

"Эгер чагымчыл иштерге жол берилип, коомдук тартип бузула турган болсо, ошондой эле коомдук транспортто же көчөдө жарандардын жана балдардын коопсуздугуна коркунуч жаралса, менчик жана мамлекеттик мүлктөр жабыркаса, КРдин мыйзамына ылайык олуттуу чаралар көрүлөт", — деп эскерткен ШИИБ.

Милиция 12-январда Бишкек шаардык кеңеши, мэрия жана шаардык кызматтардын өкүлдөрү жеке менчик ташып жеткирүүчү компаниялардын жетекчилери менен жолукканын эске салган. Анда жол кирени көтөрүү маселеси козголгон.

Айрым маршрутка айдоочулары жол кирени 15 сомго чейин көтөрүү талабын койгон. Мэрия аталган маселе акырындык менен чечилерин, маршрутка айдоочуларынын койгон талаптарын караган жумушчу топ түзүлгөнүн буга чейин айткан.

ШИИБ айдоочуларга кагаз түрүндө эскертүү таратылганын белгиледи. Анда кокус коомдук тартип бузула турган болсо, мэрия жеке менчик фирмалар менен кызматташууну карап чыга турганы жазылган.

18
Белгилер:
тартип, эскертүү, коом, айдоочу, маршрутка, ШИИБ
Тема боюнча
Мэрия: Бишкектеги маршрутка айдоочулары иш таштаса лицензиялары алынат

18-январда иш ташташы мүмкүн болгон маршрутка айдоочулары эмне дейт? Түз эфир

82
Sputnik Кыргызстан агенттигинин кабарчысы түз эфирде маршрутка айдоочулары менен сүйлөшүп, алардын пландалып жаткан иш таштоосу боюнча оюн угат.

Эске салсак, Бишкектеги кичи автобустардын айдоочулары 18-январда жумушка чыкпай калышы ыктымал. Маршрутка айдоочулары иш таштай турган болсо, Бишкек мэриясы ташып жеткирүүчү компаниялардын лицензиясын чакыртып алууну суранып Транспорт министрлигине кайрыла турганын билдирген.

Буга чейин ордо калаадагы маршруттук микроавтобустардын айдоочулары коомдук транспорттогу жол кире акысын 15 сомго чейин көбөйтүүнү талап кылышкан. Эгер андай болбой турган болсо, ишти токтотуп митингге чыгышарын айтышкан.

82
Белгилер:
түз эфир, иш таштоо, айдоочу, маршрутка, Бишкек
Тема боюнча
Маршрутка акысын 15 сомго чейин көтөрүү талабы. Бишкек мэриясы жооп кайтарды
Мэрия: Бишкектеги маршрутка айдоочулары иш таштаса лицензиялары алынат