Мектеп директорлору маянанын аздыгынан мугалимдер жетишпей жатканына арызданышты

© Sputnik / Алексей Владыкин / Медиабанкка өтүүМектепте мугалим. Архив
Мектепте мугалим. Архив - Sputnik Кыргызстан
Жазылуу
Ош облусунун бир катар райондорундагы билим берүү мекемелеринин өкүлдөрү ЖК депутаттары менен жолугушууда мугалимдин айлыгынын аздыгын жана анын кесепетинен жаш мугалимдер мектепке тартылбай жатканын айтышты.

БИШКЕК, 14-май — Sputnik. Ош облусунун Кара-Суу жана Ноокат райондорунун орто мектептеринин директорлору ЖК депутаттары менен жолугушууда айлык акынын аздыгын, андыктан жаштардын бул кесипке келбей жатканын айтышты. Кара-Суу жана Ноокат райондорунун билим берүү бөлүмдөрүнүн өкүлдөрү Рахманберди Назаров жана Мухтар Маматалиев мугалимдерди элетке тартуу үчүн, окууну бүткөндөн кийин айылда 5 жыл иштөө системасын киргизүүнү сунушташты.

"Мугалимдер айыл жергесинде жетишпейт, окууну бүтүргөн адистердин көбү башка жумуштарга кетип калууда. Бул маселе боюнча жогорку окуу жайларын жаңы бүтүргөн адистерди региондорго жиберип, кеминде 5 жыл иштетүү системасын киргизүү керек. Андан сырткары, мугалимдин айлыгынын аздыгы жаш адистердин ишке кызыгуусун азайтууда", — дешти алар. 

Билим берүү министири Эльвира Сариева. Архив - Sputnik Кыргызстан
Мугалимдердин айлыгы 6 миңден 11 миңге чейин жогорулашы мүмкүн
Ал эми Жалал-Абад шаарындагы жолугушууда депутат Жылдыз Жолдошовага шайлоочулар айлык акысы көтөрүүдөн тышкары, 25 жыл иштеген мугалимдерге 50 жаштан пенсияга кетүүнү камсыз кылуу, майрамга байланышкан дем алыш күндөрү үчүн айлык акы төлөп берүү, ошондой эле мугалимдерди курортторго эс алууга жиберүү боюнча талаптарын айтышты. 

Шайлоочулар менен жолугушуунун соңунда Каныбек Осмоналиев билим берүү тармагынын кызматкерлери айткан маселелерди Жогорку Кеңеште көтөрүп чыгып, өкмөттүн, тиешелүү министрликтин алдына коюуга убада берди. 

Жакында эле Билим берүү жана илим министри Эльвира Сариева күздөн баштап мугалимдердин айлыгы жогорулай тургандыгын айткан эле.

Жаңылыктар түрмөгү
0