Чыңгыз Айтматов. Кайрылуу деп аталган төрт томдук китеби

"Чыңгыз Айтматов. Кайрылуу" деп аталган төрт томдук китеп сатыкка чыкпайт

114
(жаңыланган 11:11 15.05.2015)
Атактуу жазуучунун бул чыгармалар жыйнагы ал дүйнөдөн өткөндөн кийин Россияда жарык көргөн алгачкы ири басылма болду.

БИШКЕК, 15-май — Sputnik. Чыңгыз АЙтматовдун көркөм прозасынын "Чыңгыз Айтматов. Кайрылуу" деген аталышта Россияда басылып чыккан төрт томдук жыйнагы сатылбайт деп билдирди бейшембиде Кыргызстандын РФтеги элчилигинин маалымат катчысы Айымкан Кулукеева.

Анын айтымында, Москвада Рудомино атындагы Бүткүл россиялык мамлекеттик чет элдик адабияттар китепканасында 13-май күнү Россия менен Кыргызстандын катышуусундагы Чыңгыз АЙтматовдун көркөм прозасынын төрт томдук жыйнагынын бет ачары өттү.

Салтанатта китепти басып чыгарууну демилгелеген КРдин РФтеги элчиси Болот Жунусов жана Россия-Кыргыз ишкердик кеңешинин төрагасы Иван Поляков чыгып сүйлөштү. Жыйнак дипломатиялык өкүлчүлүктүн, аталган китепкананын жана Россия-Кыргыз ишкердик кеңешинин ортосундагы үч тараптуу меморандумга ылайык жарык көрдү деп билдирди маалымат катчысы.

"Меморандумда каралгандай, бул төрт томдук жыйнак белек түрүндөгү басылма жана ал сатыкка чыкпастан, Россия менен Кыргызстандын жана бир катар чет өлкөлөрдүн китепканаларына, уюмдарына берилет", — дейт Кулукеева.

Ал атактуу жазуучунун бул чыгармалар жыйнагы ал дүйнөдөн өткөндөн кийин Россияда чыккан алгачкы ири басылма болгонун айтты.

  • Салтанатта Россия-Кыргыз ишкердик кеңешинин төрагасы Иван Поляков чыгып сүйлөдү
    Салтанатта Россия-Кыргыз ишкердик кеңешинин төрагасы Иван Поляков чыгып сүйлөдү
    Айымкан Кулукеева
  • Атактуу жазуучунун бул чыгармалар жыйнагы ал дүйнөдөн өткөндөн кийин Россияда чыккан алгачкы ири басылма болду.
    Атактуу жазуучунун бул чыгармалар жыйнагы ал дүйнөдөн өткөндөн кийин Россияда чыккан алгачкы ири басылма болду.
    Айымкан Кулукеева
1 / 2
Айымкан Кулукеева
Салтанатта Россия-Кыргыз ишкердик кеңешинин төрагасы Иван Поляков чыгып сүйлөдү

Татарстандын эл акыны Ренат Харисов, Россия парламентинин депутаттары Владимир Семагин жана Дмитрий Носов, Москва мамлекеттик Университетинин профессору Марклен Коңурбаев жана башкалар Айтматовдун көп кырдуу чеберчилигин, анын жеке инсандык зор касиеттерин жана чыгармачылыгы азыркы замандын гана эмес, болочок муундар үчүн да маанисин жоготпой турганын баса белгилешти.

Кеченин аягында "Саманчынын жолу" чыгармасынан кыргызча үзүндүнү россиялык театр жана кино актриса Жаңыл Асанбекова окуп берди, ал эми "Кыямат" романынан орус тилиндеги үзүндүнү Москванын "Бенефис" театрынын актеру Евгений Любимов аткарганын кошумчалады Кулукеева.

114
Белгилер:
жыйнак, Кыргызстандын Россиядагы элчилиги, Айымкан Кулукеева, Чыңгыз Айтматов, Москва
Тема боюнча
Бишкектеги Тынчтык проспектисине Чыңгыз Айтматовдун ысымы берилет
Алыкул акындын ырларын окуу эстафетасын ЭлТР жамааты 5-каналга узатты
Жусуп Баласагындын 1000 жылдык юбилейи белгиленет
Кыз талиясын ченеп жатат. Иллюстративдик сүрөт

Дарыгер диетасыз, залга барбай эле арыктоонун жолун айтты

23
Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт.

БИШКЕК, 13-июн. — Sputnik. Диетолог Тамила Арсеньева тез жана ден соолукка зыян келтирбей, диетасы жок, машыгуу залына барып оор көнүгүү жасабай эле арыктоонун сырлары менен бөлүшкөнүн РИА Новости жазды.

Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт. Рациондо сөзсүз түрдө курамында клетчаткасы көп азыктардын болушу керек. Анткени клетчатка ичегинин иштөөсүн жакшыртып, адамды ток алып жүрөт.

Организмге белокко бай азыктар, жалбырактуу жашылча, чөп-чар, мөмө-жемиштер да керек.

Диетолог кумшекерди, кофе, газдалган суусундук жана ичимдикти азайтуу керектигин да белгилеген.

"Жок дегенде ушуларды тизмеден чийип салсаңар бир айда беш килограммга чейин салмак таштоого болот. Арыктоону каалагандар суу ичкенди да билиши керек. Таттуу суусундук тууралуу айтканым жок. Кадимки сууну басып-туруп ичсе, ал зат алмашууну 20 пайызга чейин ылдамдатат", — деди адис.

Арсеньева зат алмашууну ылдамдатууга спорт да жакшы жардамчы экенин айтып, ага кыймылдын бардык түрү, ал тургай жөө басуу да кирерин белгилеген.

Адис стресстен оолак болууну эскертип, кыйын учурда кызыктуу ишке алаксып кетүүнү сунуштаган. Мисалы, фитнес, йога же китеп окуп алаксып, достор менен баарлашууга кеңеш берген.

23
Белгилер:
рацион, тамак, машыгуу, диета, арыктоо, диетолог
Тема боюнча
Дарыгер: майы жок азык менен арыктоо тукумсуздукка алып келиши мүмкүн
Диетолог жумуртканы эртең мененки тамакка колдонбой эле коюуга чакырды
Завод жумушчулары иш учурунда

Кыргызстанда канча ишкана жана бизнесмен бар? Статистикалык маалымат

47
Өлкөдөгү компаниялардын 94 пайызы чакан ишкана, анын ичинен 60 пайызы Бишкек шаарында жайгашканы айтылат.

БИШКЕК, 13-июн. — Sputnik. Өлкө аймагында 12 миңге жакын ишкана иштейт. Бул тууралуу Улуттук статистика комитети үстүбүздөгү жылдын январь-март айларына карата чыгарган маалыматында жазылган.

Аталган компаниялардын 94 пайызы чакан ишкана, анын ичинен 60 пайызы Бишкек шаарында жайгашкан.

Чүй облусунда электрдик жана электрдик-гибриддик жапыз автобустарды куроо өндүрүшү
© Пресс-служба правительства / Алишер Алиев
Ал эми 423 миңге жакын жеке ишкер ишмердүүлүгүн жүргүзүп келет, бул өткөн жылдын ушул датасына салыштырмалуу эки пайызга өскөн.

Аны менен катар чакан жана орто ишканаларда 78 миңден ашык адам эмгектенери, бул өткөн жылдын I кварталына салыштырмалуу 3 пайызга көп.

Бул субъектилер тарабынан өндүрүлгөн товардын наркы 38,2 миллиард сомду түздү.

47
Белгилер:
ишкер, ишкана, статистика, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Мигранттар которгон акчанын көлөмү быйыл 15 жылдык рекорддон ашып түштү
Таласта төө буурчак заводу. Архив

Кыргызстан Түркияга Таласта төө буурчакты кайра иштеткен завод ачууну сунуштады

15
Айыл чарба министринин орун басары президент Садыр Жапаровдун Түркия Республикасына болгон расмий иш сапарынын алкагында жетишилген келишимдер жөнүндө айтып берген.

БИШКЕК, 13-июн. — Sputnik. Кыргызстан Түркияга Таласта төө буурчакты кайра иштеткен завод ачууну сунуштады. Бул тууралуу айыл, суу чарба жана аймактарды өнүктүрүү министринин орун басары Азамат Мукашевдин айтымына таянып президенттин маалымат кызматы билдирди.

Ага ылайык, Мукашев президент Садыр Жапаровдун Түркия Республикасына болгон расмий иш сапарынын алкагында жетишилген келишимдер жөнүндө айтып берген.

"Кыргыз тарап Түркияга Талас облусунда төө буурчакты кайра иштетүү боюнча заводдорду ачууну сунуштады. Мындан тышкары, жүгөрү жана картошканы кайра иштетүү, үрөн чарбасы менен асыл тукум мал чарбасы жаатында биргелешкен кызматташтыкты өнүктүрүү боюнча сунуштарын берди", — деген министрдин орун басары.

Түркияга болгон расмий иш сапарда кыргыз тарап тамчылатып сугаруу системасын түзүү жаатында инвестицияларды тартуу боюнча биргелешкен ишкана уюштурууну сунуштаганы кошумчаланды.

15
Белгилер:
завод, төө буурчак, Талас, айыл чарба, Түркия, Кыргызстан
Тема:
Садыр Жапаровдун Түркияга расмий сапары
Тема боюнча
Көргөндүн көзүн кубантып. Канайым Айгүл Жапарованын сапардагы сүрөттөрү
Акылбек Жапаров: Түркия менен соода жүгүртүү 1 млрд. долларга жеткирилет