Бакыт үйүндө каттоо иши. Архив

Бүгүнкү Үй-бүлө күнүндө жаңы 15 түгөй катталат

127
(жаңыланган 16:31 15.05.2015)
Жыл сайын 15-май дүйнө жүзүндө Эл аралык үй-бүлө күнү катары белгиленип келет. Жыл жаңыргандан бери Бишкектеги Бакыт үйүндө бир миң 50 жубай расмий түрдө каттоого турган.

БИШКЕК, 15-май — Sputnik. Эл аралык үй-бүлө күнү – 15-майда Бишкек шаарындагы Бакыт үйүндө 15 жубай расмий түрдө каттоого алына турганын аталган жайдын бөлүм башчысы Гүлжан Атанаева билдирди.

Жыл сайын 15-май дүйнө жүзүндө Эл аралык үй-бүлө күнү катары белгиленип келет. Расмий түрдө бул күндү белгилөө Бириккен Улуттар Уюмунун Башкы Ассамблеясы тарабынан 1993-жылдын сентябрындагы Эл аралык үй-бүлө жылы резолюциясында кабыл алынган. Бул күн алгач ирет 1994-жылы белгиленген. 

Атанаеванын айтымында, жыл башынан бери 1050 түгөй өз мамилелерин расмий түрдө каттатышкан.

"Эл аралык үй-бүлө күнүндө 15 бактылуу түгөй өз мамилелерин үй-бүлө катары каттатышат", — деди ал. 

Атанаева, ошондой эле, жубайлар жай жана күз айларында көп никеге турарын кошумчалады.

Жыл сайын бул күнү БУУнын Башкы ассамблеясынын Эл аралык үй-бүлө күнүнө карата кайрылуусу жарыяланат.

127
Белгилер:
Гүлжан Атанаева, Үй-бүлөнүн эл аралык күнү, бакыт үйү
Тема боюнча
28 баланы багып алган Яшиндердин үй-бүлөсүндө эми микроавтобус пайда болот
Сариев: көп балалуу үй-бүлөдө төрөлүп, интернатта өскөндүктөн жердешчиликке бөлүү мага жат
КРде үйлөнүү кортежинин узундугу жана авто жарыштар үчүн жаза колдонулат
Президент Садыр Жапаров. Архивдик сүрөт

Кесипкөйлүгүңүздөр азыр өтө маанилүү. Жапаров дипломаттарды куттуктады

15
(жаңыланган 17:53 23.10.2021)
Президент бүгүнкү эл аралык татаал кырдаалда дипломаттардын кесипкөйлүгүн, чет элдик өнөктөштөр менен тил табыша билүүсү өтө маанилүү экендигин айткан.

БИШКЕК, 23-окт. — Sputnik. Президент Садыр Жапаров бүгүн, 23-октябрда, дипломатиялык кызматкерлерди кесиптик майрамы менен куттуктады. Бул тууралуу мамлекет башчынын маалымат кызматынан кабарлады.

"Өлкөбүздүн тышкы саясат кызматы өзүнүн бай тарыхы менен сыймыктана алат. Кыргыз дипломаттары бүгүнкү күндө улуттук кызыкчылыктарды коргоонун алдыңкы сабында туруп, дүйнөдө тынчтыкты чыңдоого, эң маанилүү глобалдык жана региондук маселелерди чечүүгө салым кошууда. Республикабыздын Тышкы иштер министрлигинин ишмердүүлүгүндө кыргыз дипломаттары жогорку кесипкөйлүгүн жана ата мекенине берилген кызматын далилдешип, улуттук кызыкчылыктарды коргоп, эл аралык аренада КРдин позициясын бекемдөөдө", — деп айтылган куттуктоодо.

Мамлекет башчы мындан сырткары ардагер дипломаттардын эмгегин белгилеген.

"Тышкы иштер кызматынын ардагерлеринин жана кызматкерлеринин мамлекетибиздин калыптанышына кошкон салымы баа жеткис", — деген Жапаров.

Президент бүгүнкү эл аралык татаал кырдаалда дипломаттардын кесипкөйлүгүн, чет элдик өнөктөштөр менен тил табыша билүүсү өтө маанилүү экендигин айткан.

Күн тартибинде тынчтыкты сактоо, стратегиялык стабилдүүлүктү чыңдоо, кризис жана конфликтилерди саясий-дипломатиялык жолдор менен гана чечүү, евразиялык интеграцияга көмөктөшүү маселелери турарын белгилеген. Буга эки тараптуу кызматташтыкты бекемдөө, ошону менен бирге эл аралык уюмдардын алкагында өз ара иштешүүнү кошкон.

Жапаров экономикалык дипломатияны өнүктүрүүнү улантуу керектигин, ошондой эле чет өлкөлөрдөгү кыргызстандык жарандардын укуктарын жана кызыкчылыктарын коргоо зарылдыгын айткан.

15
Белгилер:
Кыргызстан, Садыр Жапаров, куттуктоо, дипломат
Тема боюнча
ТИМ жетекчиси Россиянын Кыргызстандагы элчиси менен жолукту
Кикбоксчу Алексей Федосеев. Архивдик сүрөт

Италиядан кикбоксчулар Федосеев, Бегматов коло, Фозилжанов күмүш медаль алды. Сүрөт

19
Дүйнө чемпионатына Кыргызстандын атынан онго чукул спортчу барган. Азыр үч спортчу медаль алды, анын бирөө Алексей Федосеев.

БИШКЕК, 23-окт. — Sputnik. Кыргызстандык кикбоксчулар Италиянын Лидо шаарында өтүп жаткан дүйнө чемпионатында бир күмүш жана эки коло медалга татыды. Бул тууралуу КРдин Кикбокс федерациясынын социалдык тармактагы баракчасы маалымат чыгарды. 

Күмүш байгени К-1 боюнча 63,5 килограмм салмактагылар арасында Икбол Фозилжанов алды.

Ал үч беттешти катары менен камсыздап, финалга чыккан. Анда россиялык Виктор Михайловго калыстардын чечими менен утулуп, экинчи орунга татыган.

Алексей Федосеев "лоу-кик" боюнча 63,5 килограмм салмактагылар арасында ат салышкан. Ал биринчи кармашын утуп, экинчисинде жеңилип калган. Натыйжада ал коло медалга ээ болгон.

Ошондой эле дагы бир кыргызстандык спортчу Чыңгыз Бегматов үчүнчү орунга татыды.

Дүйнө чемпионатына Кыргызстандын атынан онго чукул спортчу барган.

19
Белгилер:
Кыргызстан, Италия, Алексей Федосеев, кикбоксинг, спорт, дүйнө чемпионаты
Тема боюнча
Бишкекте Жапаровдун тапшырмасы менен балбан кыздарга спорттук зал курулат