Ислам мамлекетинин желегин кармаган демонстранттар. Архив

Кыргызстанда террористтик үч уюмдун ишине тыюу салынды

86
(жаңыланган 16:33 15.05.2015)
Ош облустук прокуратурасынын жазган арызын карап чыккандан кийин аталган облустун соту Кыргызстандын жарандарына кооптуулук жараткан террористтик жана экстремисттик үч уюмдун ишине тыюу салган чечим чыгарды.

БИШКЕК, 15-май — Sputnik. Ош облустук соту "Фронтан-Нусри" же "Жабахат-ан- Нусра", "Катибат аль-Имам аль Бухари", "Жаннат Ошиклари" террористтик жана экстремисттик уюмдарынын Кыргызстанда иш жүргүзүүсүнө тыюу салды. Бул туурасында Башкы прокуратуранын маалымат кызматы билдирет. 

Террористтик жана экстремисттик иш-аракеттери үчүн ушундай эле чечимди "Ислам мамлекети" боюнча Бишкек шаарынын Октябрь райондук соту чыгарып, бүтүндөй республика боюнча анын ишине тыюу салган. 

2015-жылдын 27-февралында Ош облустук прокуратурасы Ош облустук сотуна Кыргызстандын ичинде Фронтан-Нусри" же "Жабахат-ан-Нусра", "Катибат аль-Имам аль Бухари", "Жаннат Ошиклари" террористтик жана экстремисттик уюмдарынын ишине тыюу салуу боюнча арызы менен кайрылган. 

Аталган уюмдар Иракта 2006-жылы түзүлүп, ага "Аль-Каида" уюмунун жергиликтүү жетекчиси башында турган 11 террористтик уюм кирген. 

Кыргызстандык тиешелүү кызматтар аталган уюмдардын топтору Кыргызстандын жарандарын Сирия — Ирак согуш аймагындагы террористтик аракеттерге тартуу үчүн үгүттөө иштерин жасап, азгырып жүргөндүгүн аныкташкан. Алар Кыргызстанга кайтып келгенден кийин өлкөнүн аймагында мыйзамсыз иштерди жасап, коомчулукка коркунуч жаратып келишет. 

Расмий маалыматтар боюнча Сирияга кеткен 339 кыргызстандыктын ичинен 50гө жакыны аялдар. Алардын арасында үй-бүлөсүн кошо алып кеткендер да бар. 

86
Белгилер:
Жебхат ан-Нусра, "Аль-Каида", "Жаннат Ошиклари", "Катибат аль-Имам вль Бухари", "Фронтан-Нусри", Ош облустук прокуратурасы, Ош облустук соту
Тема боюнча
"Ислам мамлекетинин" башчысы аль-Багдадиге тиешелүү делген кайрылуу таратылды
Ислам мамлекетинин идеологиясынын "гүлдөгөн" доору өтүп бара жатат
Сириялык Усама "Ислам мамлекетинин" азабынан Кыргызстанга качып келди
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

34
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

34
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

60
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

60
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео