На территории детской деревни. Архивное фото

Интернаттагы балдардын жайкы эс алуусу үчүн өкмөт 5 миллион сом бөлөт

84
(жаңыланган 17:51 25.05.2015)
Балдардын жайкы эс алуусун уюштуруу боюнча Республикалык штабдын жыйыны Бишкекте өттү.

БИШКЕК, 25-май — Sputnik. Оор шартта жашаган балдардын ден соолукту чыңдоо мекемелеринде эс алуусу үчүн 2015-жылы 5 миллион сом бөлө турганын өкмөттүн маалымат кызматы билдирди.

Балдардын жайкы эс алуусун уюштуруу боюнча Республикалык штабдын жыйыны дүйшөмбү күнү вице-премьер-министр Дамира Ниязалиеванын катышуусунда Бишкекте өттү.

Анын айтымында, өкмөт жетим жана оор шартта жашаган балдардын жайкы эс алуусун уюштурууга өзгөчө көңүл бурмакчы. 

"2014-жылы мамлекеттик интернаттардагы 1 245 бала жайкы лагерлерде эс алышкан. Бул жылы оор шартта жашаган балдардын жайкы эс алуусун уюштурууга бюджеттен 5 миллион сом бөлүнөт", — деди Ниязалиева.

Ал ошондой эле, былтыр мектептердин алдында уюштурулган лагерлерге, балдардын чыгармачылык борборлоруна жалпысынан 58 миң бала келгенин белгиледи.

84
Белгилер:
мектеп-интернат, өкмөт, балдар, Дамира Ниязалиева
Тема боюнча
Интернаттагы бала: тарткан розаларым – алар каза болуп калган атам менен апам
Мектеп - интернаттардын тамагына бөлүнчү каражат эки эсе көбөйтүлдү
Партктагы гүлдөр. Архив

Бейшембиге карата аба ырайы

17
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

17
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

714
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

714
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду