Чочко фермасы. Архив

Балыктардын кырылышына себепчи болгон чочко ферманын ээсине 15 миң сом айып салынды

102
(жаңыланган 18:40 26.05.2015)
Сокулук районундагы бир нече көлмөлөрдөгү балыктардын жапырт кырылышы катталган. Алдын ала маалыматтарда чочко фермасынын калдыктары сууга кошулгандыктан балыктар жапырт ууланып, кырылып баштаган.

БИШКЕК, 26-май — Sputnik. Сокулук районундагы көлмөлөрдөгү балыктардын кырылышына себепчи болгон чочко фермасынын ээсине 15 миң сом айып салынганын Экологиялык жана техникалык коопсуздук боюнча мамлекеттик инспекциянын Сокулук району боюнча аймактык башкармалыгынын жетекчиси Талантбек Борочоров Sputnik сайтына билдирди.

Борочоровдун айтымында, көлмөлөрдүн булганышы боюнча маалымат түшөөрү менен инспекциянын кызматкерлери окуя болгон жерге барышкан.

"Көлмөлөрдөгү суудан экспертиза жүргүзгөнгө алышкан, жыйынтыгы 4-5 күндүн ичинде билинет", — деди ал.

Чочко фермасынын ээси Евгений Мартыновго КРдин административдик кодексине ылайык, протокол түзүлгөн.

"Эгер суунун курамында уулуу заттардын болгону аныкталса, аталган факты боюнча кылмыш иши козголот", — деди ал.

Борочоров бул окуяны Сокулук райондук прокуратурасы өз көзөмөлүндө кармап турганын жана экспертизанын жыйынтыгы чыккан соң аталган иш боюнча аракеттерди көрө турганын кошумчалады.

Ууланган балыктарды жергиликтүү тургундар албаш үчүн учурда көлмөнүн айланасы тосулуп, корулууда.

102
Белгилер:
балык, айыппул, кылмыш иши, Экологиялык жана техникалык коопсуздук боюнча Мамлекеттик инспекция, Талантбек Борочоров, Сокулук
Тема:
Сокулуктагы балыктардын кырылышы (8)
Тема боюнча
Сокулук районундагы көлмөлөрдө балыктар кырылууда
Ысык-Көл: дайверлер балыкты браконьерлердин эски торунан чыгарууда
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

10
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

10
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди
Украина президенти Владимир Зеленский. Архивдик сүрөт

Зеленскийдин жыйында сүйлөп жатып катуу чыккан үндөн чочуп кеткен видеосу

152
Украина лидери муз аянтчанын маалымат борборунда машыктыруучулар, спортчулар жана чиновниктер менен жыйын куруп жаткан учурда катуу үн чыккан.

БИШКЕК, 24-окт. — Sputnik. Украина президенти Владимир Зеленский Мариуполь шаарындагы Mariupol Ice Center муз аянтынын ачылыш салтанатында катуу чыккан үндөн чочуп кетти.

Окуянын видеосун "Страна.ua" Telegram-каналы жарыялады.

Окуя муз аянтчанын ачуу салтанаты бүткөндөн кийин болду. Расмий иш-чара аяктагандан соң "Мариуполь" менен "Сокол" (Киев) хоккей командаларынын беттеши башталган. Бул учурда украина лидери муз аянтынын маалымат борборунда машыктыруучулар, спортчулар жана чиновниктер менен жыйын куруп жаткан.

Видеодо көрүнүп тургандай, президент сүйлөп жатканда күтүүсүз жерден катуу үн чыккан. Зеленский чочуп кетип, кулагын жаап калганы көрүнүп турат. Ал учурда анын жанына дароо жан сакчы келе калган.

"Баары жайында, баары жайында", — деген Зеленский.

Президент андан ары тамашага салып жыйында жалаң баатыр жүрөктүү спортчулар отурганын айтып сөзүн улаган.

Зеленский трибунада сүйлөп жаткан Лукашенкону чочутту. Видео

Зеленский техникалык себептерден улам жолугушууну үн күчөткүчсүз эле улантууну сунуштаган.

152
Белгилер:
үн, Украина, Владимир Зеленский
Тема боюнча
Рада депутаты: Украинада Зеленскийди тактан кулатууга даярдык жүрүп жатат
Жооп берип каласыз! Кадыров Зеленскийдин кечирим суроосун талап кылды