БИШКЕК, 29-май — Sputnik. Бир айлыктын алкагында социалдык коргоого муктаж балдарга мекеме-ишканалар тарабынан материалдык колдоо көрсөтүү, балдарга акысыз медициналык жардамдарды уюштуруу каралган. Мындан сырткары, социалдык жактан муктаж балдар үчүн акысыз театралдык оюн-зооктор, маданий иш-чаралар уюштурулмакчы.
Ошондой эле шаардагы бардык балдардын катышуусунда, "Мээрим" эс алуу багында куурчак театрынын спектаклдери коюлуп, балдардын спорттук, улуттук мелдештери өткөрүлөт.
1-июнь күнү Токтогул атындагы эс алуу багында балдар үчүн майрамдык концерттер тартууланып, улуттар ассамблеялар куурчактардын көргөзмөсүн өткөрүп, балдар үчүн аттракциондор бекер иштемекчи.
Кинотеатрларда көркөм фильмдер жана мультфильмдер акысыз көрсөтүлөт.
