Ар-Намыс фракциясынын жетекчиси Феликс Кулов. Архив

Кулов педофилияга каршы күрөшүү үчүн мыйзамдарга түзөтүү киргизүүнү сунуштады

47
(жаңыланган 13:15 30.05.2015)
Кыргызстанда балдарга карата жасалган зордук зомбулуктар арбын кездешип жаткандыктан, абалды жөнгө салуу үчүн мыйзамдарга өзгөртүү киргизүү зарылдыгы келип чыгууда.

БИШКЕК, 30-май — Sputnik. "Ар-Намыс" фракциясынын жетекчиси Феликс Кулов педофилияны жаап-жашырган туугандары кошо жоопкерчиликке тартылышы керектигин жума күнкү фракция жыйынында айтты.

Депутат бул боюнча Кылмыш кодексине түзөтүү киргизүүнү сунуш кылды.

"Азыркы мыйзамдарда кылмыш иштеринде жаап-жашыргандыгы үчүн туугандары жоопкерчиликке тартылбастыгы белгиленген. Балдарга болгон зордук-зомбулукту жаап-жашырууда баардык туугандары жоопкерчиликке тартуу боюнча түзөтүү киргизүүнү сунуштайм", — деди Кулов. 

Буга чейин ЖКнын депутаттары педофилдерге карата катаал жаза — өлүм жазасын киргизүү демилгесин көтөрүшкөн.

47
Белгилер:
депутат, балдар, зордук-зомбулук, Феликс Кулов, "Ар-Намыс" фракциясы
Тема:
Балдарга жасалган зордук-зомбулук (42)
Тема боюнча
Балдарга жасалган кордукка каршы митинг соттун тыюусуна карабай өттү
Балдар акыйкатчысынын кызматын КРде мыйзамдуу киргизүү сунушталууда
Журналист тынчтык орнотуучу миссионерлердин арасындагы педофилия жөнүндө айтып берди
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

138
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

138
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу

134
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

134
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео