Россия каналдарынын берүүлөрү үзгүлтүккө учурабайт

© Sputnik / Рамиль Ситдиков / Медиабанкка өтүүОстанкин телевизиондук комплекстин монтаж кылуучу бөлмөдөгү кызматкер. Архив
Останкин телевизиондук комплекстин монтаж кылуучу бөлмөдөгү кызматкер. Архив - Sputnik Кыргызстан
Жазылуу
Кыргызстан арзан жумушчу күчү менен камсыз кылуучу өлкө жарлыгынан арылып, мыкты сапат жана тейлөөнү сунуштоого жөндөмдүү мамлекетке айланышы керек. Россия телеканалдары – РФ ичинде Кыргызстандын аброюн арттырууга өбөлгө боло турган коммуникациялык аянт болуп бере алат.

БИШКЕК, 29-май – Sputnik. Бишкекте Россиянын байланыш жана массалык коммуникациялыр министринин орун басары Алексей Волин Кыргызстандагы алдыңкы жергиликтүү жана россиялык ЖМК өкүлдөрү менен жолукту.

Санариптик телеберүүгө өтүү боюнча маалыматтык кампания башталды
2015-жылдын 17-июнунан тарта республика санариптик берүүгө өтөт. Жолугушуу учурунда санариптик берүүгө өтүүдө эки өлкөнүн өз ара кызматташуусунун үлгүсү айтылды: Россия сапаттуу контент тартууласа, кыргыз тарап алынган белгилерди жайылтууга сарпталуучу чыгымды өз мойнуна алат.

Волиндин айтымында, Биринчи канал жана РТР сапаттуу видеопродукция үчүн жылына 3 миллиард доллар керектейт. Бул — сериалдар, ток-шоулар, билим берүүчү жана көңүл ачуучу программалар.

Министрдин орунбасары көп өлкөлөрдө сапаттуу контент үчүн көрөрмандар акы төлөрүн белгиледи. Ал Россия жана Кыргызстан өкмөттөрү тарабынан санариптик берүүнүн көп каналдуу социалдык пакетине (мультиплекс) эки россиялык каналды киргизүү боюнча иштер жасалып жатканын маалымдады. Бул учурда кыргызстандыктар аталган эки канады акысыз көрүүнү уланта беришет.

"РФ алгачкы мультиплекске эң сапаттуу каналдар киргизилген. Биз россиялык каналдар — экинчи кезектеги каналдар деп айтпайбыз, ошондой эле Кыргызстан экинчи пландагы өнөктөш дегенден алыспыз", — деди Волин.

Анын айтымында, россиялык ЖМК Кыргызстандын экономикасы үчүн да маанилүү фактор.

"ЕАЭБге кирүү менен Кыргызстан арзан жумушчу күчү менен камсыз кылуучу өлкө жарлыгынан арылып, мыкты сапат жана тейлөөнү сунуштоого жөндөмдүү мамлекетке айланышы керек. Россия телеканалдары — РФ ичинде Кыргызстандын аброюн арттырууга өбөлгө боло турган коммуникациялык аянт болуп бере алат", — деп белгиледи Волин.

Россия Кыргызстанга санариптик берүүгө өтүүдө, сапаттуу контент менен алмашууда жана жергиликтүү журналисттердин Россиянын мамлекеттик алдыңкы ЖМК такшалуусуна колдоо көрсөтүүгө даяр. 

Жолугушуу жыйынтыгы менен РФ байланыш жана массалык коммуникациялар министрлиги жана КР Маданият, маалымат жана туризм министрлиги өз ара түшүнүшүү бюонча меморандумга кол коюшту.

Жаңылыктар түрмөгү
0