Тез жардам берүү кызматкерлери. Архив

Москвадагы жол кырсыгынан каза болгондор башка өлкөнүн жарандары экени аныкталды

157
(жаңыланган 18:39 01.06.2015)
Жол кырсыгынан жапа чеккен дагы бир 65 жаштагы аял каза болуп, учурда анын өздүгү такталууда.

БИШКЕК, 1 июнь — Sputnik. Москвадагы жол кырсыгынан набыт болгондор Армения, Өзбекстан жана Тажикстандын жарандары экендиги аныкталганын Россиядагы КР элчилигинин өкүлү Айымкан Кулукеева маалымдайт.

Кырсык дүйшөмбүгө караган түнү Москва шаарынын батыш тарабында МКАДдан үч чакырым алыстыктагы М-3 "Украина" федералдык трассасында болгон.

Жол коопсуздугу боюнча мамлекеттик инспекциянын билдирүүсү боюнча, кырсык үч унаанын — ВАЗ-2114, автожүктөгүч жана "Тойота" маркасындагы микроавтобустун кагылышуусунан улам келип чыккан. Машинанын бирөө аласалып кеткен. 

"Такталган маалыматтарга ылайык, жол кырсыгынан көз жумгандар Армения, Өзбекстан жана Тажикстандын жарандары экендиги аныкталды", — деди Кулукеева.

Буга чейинки маалыматтар боюнча кырсыктан жапа чеккен дагы аял каза болуп, учурда анын жарандыгы такталууда.

Дипөкүлдүн айтымында, аял шаардык ооруканалардын бирине жеткирилигнеден кийин көз жумган.

"65 жаштагы аялдын жанында документтери жок болгондуктан, учурда өздүгү такталууда", — дейт Кулукеева.

Кырсыктын кесепетинен "Тойота Альфард" кичиавтобусундагы (мамлекеттик номер 2514 SAL) жети жарандын төртөө каза болду:

  • В.А.Аветисян 1978-жылы туулган.
  • Е.А. Исакова 1975-жылы туулган. 

Каза болгон эки жарандын ким экени такталууда. 

Жаракат алып ооруканага жеткирилгендер: 

  • Ш.К. Исаева, 32 жашта. Мээси чайкалып, акыреги, кабыргалары жана жамбашы сынып, Боткин атындагы шаардык клиникалык ооруканага жеткирилген. 
  • Т.К.Масалиев, 23 жашта, мээси чайкалып, тизеси сынып шаардык №1 ооруканасына жеткирилген.
  • Д.У. Исмаилова 48 жашта. Түрдүү жаракаттарды алып, шаардык №1 ооруканага жеткирилген.

157
Белгилер:
элчилик, оорукана, Айымкан Кулукеева, Москва
Тема:
Москвадагы ири жол кырсыгына КР мамлекеттик номерлүү автоунаа катышты (7)
Тема боюнча
Москвадагы жол кырсыктан каза болгондордун ысымдары белгилүү болду
Москвада жол кырсыктан каза болгондор боюнча маалыматты элчилик тактоодо
Москвада каза болгон мекендештин сөөгүн жөнөтүүдө кыргызстандыктар биримдигин көрсөттү
Сборка автобусов и электробусов в Камском автомобильном заводе (КамАЗ)

Министрлик: КамАЗ Кыргызстанда автобус чогултуу мүмкүнчүлүгүн карап жатат

21
(жаңыланган 18:36 24.06.2021)
Үч тараптуу келишимге россиялык ишкананын жетекчиси, кыргызстандык компания, энергетика жана өнөр жай министри кол койду.

БИШКЕК, 24-июн. — Sputnik. Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт. Бул тууралуу Энергетика жана өнөр жай министрлигинен билдиришти.

Министр Доскул Бекмурзаев башында турган делегация россиялык компаниянын ишмердүүлүгү менен таанышкан. Мындай мүмкүнчүлүктү карап көрүү боюнча келишимге министр Бекмурзаев, "Шыдыр Жол Кей Джи" ЖЧКнын башкы директору Токтобүбү Оргалчы жана КамАЗдын башкы директору Сергей Когогин кол койгон.

  • Сборка автобусов и электробусов в Камском автомобильном заводе (КамАЗ)
    Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт.
    © Фото / пресс-служба Минэнергопром
  • Делегация во главе с министром энергетики и промышленности Кыргызской Республики Доскулом Бекмурзаевым ознакомилась с деятельностью российской компании «КамАЗ»
    Министр Доскул Бекмурзаев башында турган делегация россиялык компаниянын ишмердүүлүгү менен таанышкан.
    © Фото / пресс-служба Минэнергопром
  • Сборка автобусов и электробусов в Камском автомобильном заводе (КамАЗ)
    Мындай мүмкүнчүлүктү карап көрүү боюнча келишимге министр Бекмурзаев, "Шыдыр Жол Кей Джи" ЖЧКнын башкы директору Токтобүбү Оргалчы жана КамАЗдын башкы директору Сергей Когогин кол койгон.
    © Фото / пресс-служба Минэнергопром
  • Автобусы и электробусы в Камском автомобильном заводе (КамАЗ)
    Кийин тараптар келишип калса автобустарды чогултуу боюнча келишимге кол коюлат.
    © Фото / пресс-служба Минэнергопром
1 / 4
© Фото / пресс-служба Минэнергопром
Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт.
"Келишимге ылайык тараптар Кыргызстандын аймагында эл ташый турган газ менен жүргөн автобус жана электробустарды чыгаруу боюнча изилдөөлөрдү биргеликте жүргүзүшөт", — дешти министрликтен.

Кийин тараптар келишип калса автобустарды чогултуу боюнча келишимге кол коюлат.

21
Белгилер:
келишим, Кыргызстан, автобус, "КамАЗ"
Тема боюнча
Бишкекке жаңы алып келинген автобустар кайсы жактарга каттайт? Маршрут
Лампа. Архив

Эртең Бишкектин 39 жеринде электр кубаты өчүрүлөт. Тизме

9
Түндүк электр" ишканасынын бригадалары трансформаторлордун подстанцияларын оңдоп, өткөргүчтөрдү орнотуп, дагы башка иштерди жасайт.

БИШКЕК, 24-июн. — Sputnik. Жума күнү, 25-июнда, Бишкектин бир топ жеринде электр кубаты өчүрүлөрүн "Түндүк электр" ишканасынан кабарлашты.

Бригадалар трансформатордун подстанцияларын оңдоп, өткөргүчтөрдү орнотуп, дагы башка иштерди жасайт.

Электр энергиясы убактылуу өчүрүлө турган аймактар:

  • 9:00дөн 18:00гө чейин — Ала-Тоо, Арча-Бешик (Чортеков, Бердибаев, Садыбакасов, Ойсул-Ата көчөлөрү), Ак-Ордо (Ара-Көл, Улуу-Тоо, Улук-Тоо, Макмал, Бештектир, Терек-Сай көчөлөрү), Орок (Кочкор-Ата көчөсү) жана Ак-Босого (Архитектор, Түлөбердиев, Саадаев, Ынтымак, Манас жана Чүй (№17, 21 үйлөр) көчөлөрү) конуштарында болбойт;
  • 9:30-12:00 — Тунгуч кичи районундагы №1, 3, 12, 4, 17,17/2 үйлөрдө;
  • 9:30-18:00 — Сельсовет, Жамгырчинов, Месарош, Ильменская, Серпухов, Волков, Бөкөнбаев көчөлөрүнүн тилкелеринде жана Манас проспектисинде өчүрүлөт. Орто-Сай айылындагы Рысмендиев, Кумар жана Иманалиев көчөлөрүнүн жашоочулары электр кубатысыз калат;
  • 9:30-19:00 — Кийизбаева, Каменная, Токтоналиев, Ахунбаев, Орозбеков, Васильев, Элебесов көчөлөрүнүн тилкелеринде жана Ботаника кууш көчөсүндө;
  • 10:00-15:00 — Көк-Жар конушунда (Куйручук, Санжыра көчөлөрү);
  • 11:00-14:00 — №88 мектепте өчүрүлөт.
9
Белгилер:
эскертүү, өчүрүү, электр кубаты, Бишкек
Тема боюнча
Шашылыш билдирүү! Эртең-бүрсүгүнү айрым аймактарда сел жүрөт