Ымыркайдын буту. Архив

Паркта ташталган ымыркайдын абалы канааттандырарлык

135
(жаңыланган 18:21 03.06.2015)
30-майда Тынчтык проспектисинин боюндагы "Сүйүү паркынан" жаңы төрөлгөн ымыркай табылган. Баланы шаар тургуну көрүп, милицияга кабарлаган.

БИШКЕК, 1-июнь — Sputnik. Паркта ташталган ымыркайдын абалы канааттандырарлык экенин Sputnik агенттигине үчүнчү балдар шаардык ооруканасынын башкы дарыгери Талантбек Өмүрбеков билдирди.

30-майда эртең менинки саат сегизде Тынчтык проспектисинин боюндагы "Сүйүү паркынан" жаңы төрөлгөн ымыркай табылган. Баланы шаар тургуну көрүп, милицияга кабарлаган.

Алдын ала маалыматтар боюнча, кичинекей кыз болжол менен эки күн мурун үй шартында төрөлгөн. Оролгон бала көчөдө канча жатканы белгисиз.

Өмүрбековдун айтуусу боюнча, баланы курсагын тойгузуп туруп таштап кетишкен. Ымыркайдын төрөлгөнүнө 6-7 күн болгон.

"Наристенин абалы канааттандырарлык. Баланын салмагы жана бою өз нормасында", — дейт дарыгер.

Учурда Октябрь РИИБ №4 шаардык милиция бөлүмүнүн тергөө бөлүмү тарабынан ымыркайды кооптуу абалда калтыруу фактысы боюнча текшерүү аракеттери көрүлүп, кылмыш ишин козгоо жөнүндө маселе чечилип жатат.

135
Белгилер:
ымыркай, Талантбек Өмүрбеков, Бишкек
Тема боюнча
Жыл башынан бери 37 миңден ашык ымыркай төрөлгөн
Чоң Чүй каналынан ымыркай кыздын сөөгү табылды
Эки ымыркайдын өлүгү Улуттук госпиталдын аймагынан табылды
Пикирлер