Баткен шаарынын балдары. Архив

Баткендеги лагерлер балдарды кабыл алууга даяр эмес

40
(жаңыланган 10:04 02.06.2015)
Айрым жетекчилердин жумушка болгон көңүл кош мамилесинен балдардын жайкы эс алуусу үзгүлтүккө учурашы мүмкүн.

БИШКЕК, 2-июнь — Sputnik. Баткен облусундагы балдар лагерлери балдарды жайкы эс алуу үчүн кабыл алууга даяр эмес экенин вице-премьер-министр Дамира Ниязалиева аталган аймакка болгон иш сапарынын учурунда билдирди деп кабарлайт өкмөттүн маалымат кызматы.

Ниязалиева иш сапарынын алкагында Баткен облусунун Лейлек районундагы "Алтын Бешик" жана "Тоо бүркүтү" лагерлеринде болуп, жалпы абал менен таанышты.

Натыйжада, "Алтын Бешик" лагеринин имараты капиталдык ремонтко муктаж экени аныкталган.

"Жайкы эс алуу үчүн 10-15 күн калганына карабастан, лагерлер балдарды кабыл алууга даяр эмес. Жергиликтүү бийлик тарабынан тийиштүү иштер жүргүзүлбөгөндүктөн, жайкы эс алуу үзгүлтүккө учурашы мүмкүн", — деди вице-премьер.

Ниязалиева убакыттын чукул экенине карабастан, лагерлерди даярдоо үчүн бардык тынымсыз аракеттер көрүлүшү керек экенин белгиледи.

"Айрым жетекчилердин начар ишинен балдар жабыр тартпашы керек", — деди ал.

Мындан тышкары, вице-премьер Лейлек районунун Тогуз-Булак айыл аймагында жайгашкан Айбике айылындагы балдарды ысык тамак менен камсыз кылуу "Маданият" мектеби менен таанышып чыкты.

40
Белгилер:
лагерь, Дамира Ниязалиева, Лейлек
Тема боюнча
Ош шаарында балдар майрамы акысыз балмуздактарды таратуу менен коштолмокчу
Интернаттагы балдардын жайкы эс алуусу үчүн өкмөт 5 миллион сом бөлөт
Ошто "Биздин балдар – планетанын келечеги" аттуу бир айлык жарыяланды
Пикирлер