Карганбек Самаков. Архив

Самаков үй камагында калды

48
(жаңыланган 12:39 03.06.2015)
Депутатка карата Октябрь райондук сотунун чечими күчүндө калтырылды.

БИШКЕК, 3 июнь — Sputnik. Бишкек шаардык сотунун коллегиясы 3-июнда Башкы прокуратуранын ЖК депутаты Карганбек Самаковго карата үй камагына алуу чечимин камакка алууга өзгөртүп берүү боюнча доо арызын караганын Жогорку Соттун маалымат кызматы билдирди. 

Маалыматта Октябрь райондук сотунун Самаковду үй камагына калтыруу чечими күчүндө калганы кабарланат.

Буга чейин Октябрь райондук соту депутат Карганбек Самаковго карата бөгөт коюу чарасын карап, эки айга үй камагына алуу чечимин кабыл алган. Ага ылайык, депутат аталган райондон тышкаркы жактарга тергөө органдарынын уруксаты менен гана чыгуусу каралган.

Карганбек Самаковго Кылмыш жаза кодексинин 303-беренеси, Коррупция боюнча кылмыш иши козголуп, 15-майда камакка алынган. Башкы прокуратуранын билдирүүсүндө депутат Чүй облусуна караштуу Кара-Жыгач, Байтик жана Лебединовка айыл өкмөттөрүнө караштуу 262 гектар жерди мыйзамсыз менчиктеп алган.

48
Белгилер:
кылмыш иши, Жогорку Кеңеш, Карганбек Самаков, Кыргызстан
Тема:
Карганбек Самаковго карата козголгон кылмыш иши (17)
Тема боюнча
Депутат Карганбек Самаков камакка алынды
Самаковду кантип кармашкандыгын анын жактоочусу айтып берди
Самаковдун баласынын атасынын кармалышы өч алуу дегенин Баш прокуратура четке какты
Пикирлер