Sputnik Жалпы жат жазуунун ишин мыкты чагылдырганы үчүн сыйланды

© Sputnik / Павел Лисицын / Медиабанкка өтүү"Жалпы жат жазуу" акциясы. Архив
Жалпы жат жазуу акциясы. Архив - Sputnik Кыргызстан
Жазылуу
Жалпы жат жазуу өткөрүү үчүн аянтчаларды уюштуруп бергендер да дипломдор жана белектер менен сыйланды.

БИШКЕК, 4-июнь— Sputnik. Sputnik эл арылык агенттиги "Жалпы жат жазуу-2015" акциясын чагылдырганы үчүн сыйлангандыгы жөнүндө Кыргызстандагы Орус мекендештерди бириктирген союзунун төрагасы, координатор Александр Иванов билдирди.

Жалпы жат жазууну мыкты аткаргандарды, уюштуруучуларды жана маалыматтык өнөктөштөрдү сыйлоо салтанаты шаршемби күнү Чыңгыз Айтматов атындагы Орус драма театрынын Кичине сахнасында өттү.

Координатор акцияны чагылдырганы үчүн Sputnik Кыргызстан эл аралык хабга ыраазычылыгын айтты.

"Бул КРде орус тилди сактап калууга жана өнүктүрүүгө кошкон чоң салым. КМУнун Кыргыз-Кытай институтунда жат жазууну окуп берген Sputnik кабарчысы Таалайбек Ороскуловго өзүнчө ырахмат айткым келет", — деди Иванов.

Ал акциянын маалыматтык өнөктөштөрү "Вечерний Бишкек" гезити жана анын интернет-редакциясы, "Аргументы и факты — Кыргызстан" жана "24.kg" МА болгонун белгиледи.

"Жалпы жат жазуу" акциясы 2015-жылдын апрелинде өтөт
Ошондой эле диктор Нуржамал Бурханова, актер Марат Амираев жана Кыргызстандын сулуусу наамынын ээси Айкөл Аликжанова дипломдорго татыды.

Жалпы жат жазуу өткөрүү үчүн аянтчаларды уюштуруп бергендер: КМТУнун ректору Туратбек Дүйшөналиев, КМУнун Орус филологиясы факультетинин деканы Сардарбек кызы Нурайым, БГУнун Славян таануу факультетинен Светлана Елебесова ж.б. дипломдор жана белектер менен сыйланды.

"Жалпы жат жазуу-2015" акциясынын жеңүүчүлөрү эстелик дипломдоруна ээ болду. Мыкты баа алгандардын эң кичүүсү 17 жашта, эң улуусу 67 жашта болду.

"2013-жылы жеңүүчү болгон Мурат Өмүрзаков экинчи жолу сыйлыкка татыды", — деп баса белгиледи Иванов.

Кыргызстан экинчи жылы катары менен чет элдик эң ири аянтча болгондугун белгиледи ал. Акцияга 2 миң 603 адам, анын ичинен Бишкекте 1 миң 514 адам катышты.

"Катышуучулардын эң кичүүсү 10 гана жашта, ал эми эң улуусу 80 жашка толгон", — деди координатор.

Бул иш-чара Эл аралык орус тили күнүнө арналгандыгын кошумчалады Иванов.

"Жалпы жат жазуу" — бардык каалоочулар үчүн өз ыктыяры менен жат жазуу түрүндө жыл сайын өтө турган билим берүү акциясы. Анын максаты — ар бир адамга өзүнүн орус тили боюнча билимин текшерүүгө мүмкүндүк берүү. 12 жылдан бери "Жалпы жат жазуу" эл аралык ири иш-чарага айланды: 2014-жылы акция Россиянын жана дүйнөнүн 352 шаарында өттү, ага 47 өлкө катышты. Жат жазууга 64 миң адам катышып, дагы 52 миң адам он-лайн аркылуу көрүштү.

Жаңылыктар түрмөгү
0