Чакиев Максат Жолдошбекович

Чакиевге дагы эки берене боюнча айып коюлду

41
(жаңыланган 10:30 05.06.2015)
Маданият, маалымат жана туризм министринин орун басары Максат Чакиев 92 миң сом өлчөмүндө пара берип жаткан жеринен кармалаганын ИИМ билдирген.

БИШКЕК, 4 июнь — Sputnik. Пара берип кармалган Маданият, маалымат жана туризм министринин орун басары, Туризм департаментинин директору Максат Чакиевге кылмыш жаза кодексинин дагы эки беренеси боюнча айып коюлууда.

Буга чейин ИИМ Чакиевдин Бешинчи башкармалыктын кызматкерлерине "иштин оң жагына чечилиши үчүн жана кийинки текшерүүлөрдү токтотуу максатында" 92 миң сом өлчөмүндө пара сунуштаганын маалымдаган. Чиновник экинчи ирет пара сунуштагандан кийин кармалган.

Иликтөө учурунда Бешинчи башкы башкармалыктын кызматкерлери тарабынан "Маданият, маалымат жана туризм министрлигининин жетектөөчү кызматкери тарабынан жасалган кызматтык жасалмалоо жана кызмат абалынан кыянаттык менен пайдалануу" фактылары аныкталган деп айтылат билдирүүдө.

Чогултулган документтердин негизинде Башкы прокуратура кылмыш жаза кодексинин "Кызматтык жасалмалоо" жана "Кызмат абалынан кыянаттык менен пайдалануу" беренелери боюнча кылмыш иши козголду. Тергөө ИИМ Башкы тергөө башкармалыгы тарабынан жүргүзүлүүдө.

Учурда экс-чиновник Биринчи Май райондук сотунун чечими менен 26-майга чейин камакка алынды.

Чакиевдин жактоочусу аны үй камагына чыгарууну талап кылып, беш күн аралыгында Бишкек шаардык сотуна доо арызы менен кайрыла турганын билдирген. 

ИИМ маалыматы боюнча Чакиев 2014-жылы чет элдик жарандын ишенимине кирип, туризм жаатында кызматташуу шылтоосу менен Маданият министрлигинин алдындагы туризм департаментинин туризм боюнча кеңешине мүчөлүгүн аныктаган жасалма тастыктама берген. Бул үчүн чет элдик жаран Чакиевди акчалай ыраазы кылмакчы болгон.

41
Белгилер:
пара берүү, камакка алуу, сот, ИИМ, Максат Чакиев
Тема:
Маданият министринин орун басары Максат Чакиевдин кармалышы (6)
Тема боюнча
Министрдин орун басары Чакиев 26-июлга чейин камакка алынды
Министр Максутов орун басары Чакиевдин кармалышы боюнча: мен бушайман болуп турам
Пикирлер