Куала-Лумпур, Малайзия. Архивное фото

Биометрикалык маалыматтар Малайзияда чогултулат

25
(жаңыланган 10:16 05.06.2015)
Маалыматтарды кабыл алуу пункту 1-июндан тарта дүйшөмбүдөн жумага чейин күнүгө саат 10.00дөн 13.00гө чейин Куала Лумпур шаарында жүрүп жатат.

БИШКЕК, 5 июнь — Sputnik. КР Малайзиядагы элчилигинин консулдук бөлүмүндө биометрикалык маалыматтарды кабыл алуу пункту 1-июндан тарта ачылганын ТИМдин маалымат кызматы билдирди.

Малайзиянын аймагында туруктуу же убактылуу жашаган кыргызстандыктар эми элчиликтин имаратында биометрикалык маалыматтарын тапшыра алышат.

"Маалыматтарды кабыл алуу пункту дүйшөмбүдөн жумага чейин күнүгө саат 10.00дөн 13.00гө чейин Куала Лумпур шаарында иш алпарат",— деп айтылат билдирүүдө.

Биометрикалык маалыматтарды КР жараны экенин тастыктаган чет элдик же 1994-жылдагы паспортту көрсөтүү менен тапшырууга болот. 

Жарандардын маалыматтары акысыз алынып, анын кайсы жерде катталганы эсепке алынбайт.

Биометрикалык маалыматтарды чогултуу 2014-жылы августта башталган. 16 жаштан жогорку бардык жарандар, манжаларынын издерин, санарип сүрөтүн жана кол тамгасын тапшырууга милдеттүү. Каттоого алуу 2015-жылдын 1-августунда аякташы керек. Жалпысынан 3 миллион 641 миң кишинин биометрикалык маалыматтарын алуу болжолдонууда.

25
Белгилер:
Биометрикалык маалыматтар, ТИМ, Малайзия, Куала-Лумпур, Кыргызстан
Тема боюнча
Укук коргоочулар биометрикалык маалыматтын чогултулушу боюнча Конституциялык палатага кайрылды
Сариев биометрикалык маалыматын тапшырбаган киши добуш бере албастыгын айтты
2,5 миллиондон ашык жаран биометрикалык маалыматтарын тапшырды
Пикирлер