Американские военнослужащие у транспортного самолета перед отправкой в Афганистан в аэропорту Манас. Фото из архива.

НАТОнун жүктөрүн транзит менен Кыргызстан аркылуу ташуу келишими жаңыланууда

83
(жаңыланган 13:52 09.06.2015)
2015-жылдын 1-январында Афганистанда НАТОнун Resolute support жаңы альянсы ишке кирген. Ал аскерий эмес, Афганистандын коопсуздук күчтөрүнө кеңеш гана берет.

БИШКЕК, 9-июнь — Sputnik. НАТОнун жүктөрүн Кыргызстан аркылуу транзит менен ташуу боюнча келишим жаңыланып, ал мурдагы эле күчүндө калганын Жогорку Кеңештеги Транспорт, коммуникациялар, архитектура жана курулуш боюнча комитеттин төрагасынын орун басары Акуналы Досалиев Sputnik сайтына билдирди.

Сурамжылоо

НАТОнун жүктөрүнүн Кыргызстан аркылуу ташылышына кандай карайсыз?
  • Кадимки көрүнүш катары баалайм
    10.7% (3)
  • Кыргызстан НАТОнун мүчөсү болбогондон кийин ташылбашы керек
    71.4% (20)
  • Жүктөрдү тыкыр текшерүүгө алышыбыз керек
    14.3% (4)
  • НАТОдон сак болуу керек
    3.6% (1)
  • Мага баары бир
    0% (0)
Добуш бергендер: 1
НАТОнун Орто Азия мамлекеттери боюнча кызматташуу бөлүмүнүн кызматкери Александр Винников маалымат жыйында билдиргендей, 2015-жылдын 1-январында Афганистанда НАТОнун Resolute support жаңы альянсы ишке кирген. Ал аскерий эмес, Афганистандын коопсуздук күчтөрүнө кеңеш гана берет. 

Өткөн жылдын аягында НАТОнун башкы катчысы Кыргызстандын өкмөтүнө транзиттик жүктөрдү өлкө аймагы аркылуу ташуу боюнча келишимди узартуу өтүнүчү менен кайрылганын Винников белгиледи.

Майдын аягында ЖК тармактык комитети Коопсуздукка көмөктөшүү эл аралык күчтөрүнүн Кыргызстандын аймагы аркылуу жер менен ташылуучу жүктөр боюнча КР өкмөтү менен НАТО ортосундагы макулдашууга өзгөртүү киргизүү боюнча протоколдун долбоорун жактырган. Анда Кыргызстан транзиттик аймак катары каралган. Аталган келишимди ЖКнын Эл аралык байланыштар боюнча комитети да карашы керек.

Досалиевдин айтымында, НАТО менен түзүлгөн мурдагы келишим узартылып жатат.

"Келишим ошол эле, болгону жаңыланып, күчүндө калды", — деди ал.

Досалиев кара жол менен ташыла турчу жүктөрдүн салмагы 10 тоннадан ашпашы керектигин айтып, мындай талап, КРдин мыйзамы менен бекитилгенин кошумчалады. 

Ал эми Транспорт жана коммуникациялар министрлигинин Темир жол жана автомобиль транспорт башкармалыгынын жетекчиси Адылбек Акматов учурда келишимдин аталышына бир аз тактоо киргизилип жатканын билдирди. 

"Мурдагы келишимдин аталышындагы "Коопсуздукка көмөктөшүү эл аралык күчтөрү" деген сөздү кыска эле НАТО деп эле атоо киргизилүүдө. Калган беренелери ошол бойдон калды", — деди Акматов.

Анын айтымында, жүктөр келишимге 2012-жылы кол коюлгандан тарта эле ташыла баштаган. Аталган келишимдин 9-беренесинде "жүктү Кыргызстандын аймагы аркылуу кыргызстандык жүк ташуучулар ташыйт" деп белгиленгенин Акматов кошумчалады.

Ал ошондой эле, жүктөрдү ташуу азыр деле улантылып жатканын айтып, келишим үзгүлтүккө учурабаганын белгиледи.

Кыргызстандын Бажы кызматында көп жылдан бери иштеп жүргөн көздөй булактын айтымында, НАТОнун жүктөрү Афганистан – Тажикстан – Кыргызстан – Казакстан – Россия жол каттамы менен ташылган.

Кыргызстандын жүк ташуучу фирмалары аталган жүктөр оор жана шарттары пайдасыз болгондуктан аны ташуудан баш тарткан.

"Биздин жүк ташуучулардын техникасы эски болгондуктан бат эле талкаланып калган. Мындай жүктөрдү ташуу алар үчүн пайдасыз болгон", — деди булак.

Андыктан жүктү Кыргызстандын аймагы аркылуу Тажикстандын жүк ташуучулары ташыган.

83
Белгилер:
транзит, жүк ташуучулар, Түндүк Атлантика альянсы, НАТО, Кыргызстан
Тема боюнча
НАТОнун аскерлери Афганистандан кетип жатат
АКШ элчилиги дипломатиялык почта аркылуу келген жүк боюнча комментарий бербейт
Бишкектеги Кыргызфильм киностудиясын имараты. Архив

"Кыргызфильм" киностудиясына жаңы жетекчи дайындалды

30
(жаңыланган 15:24 22.10.2020)
Тиешелүү буйрукка маданият, маалымат жана туризм министри Нуржигит Кадырбеков кол койгон. Бекболотов буга чейин "Айтыш" коомдук фондунун жетекчиси болуп иштеген.

БИШКЕК, 22-окт. — Sputnik. Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды. Бул тууралуу Маданият, маалымат жана туризм министрлигинен кабарлашты.

Новый директор национальной киностудии Кыргызфильм имени Т. Океева Акжолтой Бекболотов
© Фото / пресс-служба МКИТ КР
Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды

Ага ылайык, тиешелүү буйрукка министр Нуржигит Кадырбеков кол койгон.

"Эмгек кодексинин 55-58-беренелерине жана өкмөттүн 2013-жылдын 3-майындагы №236 токтому менен бекитилген "КР маданият, маалымат жана туризм министрлиги жөнүндө" жобонун 13-пунктуна ылайык, Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды",— деп жазылат маалыматта.

ЖК депутаттары Тилек Токтогазиевди айыл чарба министри кылып бекитти

Бекболотов буга чейин "Айтыш" коомдук фондунун жетекчиси болуп иштеген.

30
Белгилер:
дайындоо, жетекчи, кызмат, Кыргызфильм
Тема боюнча
Жапаров Зулушевди Башкы прокуратура жамаатына өзү барып тааныштырды

Бишкектик жигит бир жылда 60 килограммга арыктады! Шыктандырган видео

131
(жаңыланган 14:07 22.10.2020)
Бишкектин тургуну Орозбек Мейманбек уулунун салмагы 18 жашында эле 134 килограммга жетип калган. Бул көрүнүш өзүн гана санаага батырып, ден соолугуна кедергисин тийгизбестен, жакындарынын дагы тынчын ала баштаганын айтат.

Бирок жаш жигит өзүн колго алып, кесипкөй машыктыруучунун жардамы менен бир жылда 60 килограмм салмактан арыла алды. Учурда салмагы 74 килограмм. Мындан дагы бир аз ылдый түшсөм деген ою бар. Анткен менен жакында аскердеги күндөрү башталат.

Ал машыктыруучусу менен биргеликте Sputnik Кыргызстан агенттигине толук кезиндеги жана андан кийинки жашоосу тууралуу айтып, башкаларга дагы кеңеш берди.

Карантин бизге кеп бекен! Үйүн залга айландырып машыккан КР спортчулары. Видео

  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
1 / 4
© Sputnik / Табылды Кадырбеков
Бишкекчанин Орозбек Мейманбек уулу

Орозбек Мейманбек уулунун айтымында, бала кезинде арык эле болчу. Бирок 5-класстан тарта салмак кошулуп отуруп 16 жашында 93 килограммга, ал эми 18 жашында 134 килограммга чейин толуп кеткен. Былтыр жайында жашоосун өзгөртүүнү чечип, фитнес-залга баш баккан.

"Туура эмес тамактангам деп ойлойм. Сендвич, шаурма сыяктуу бат даярдала турчу тамактарды жечүмүн. Өтө толуп кеткенде басып-турганда, жатканда кыйналып, күйүгүп, алым кетип, бат чарчап калдым. Машыгуулар деле оңойго турган жок. Башында сөөктөрүм ооруп жүрдү, анан витаминдерди ичтим. Жөн гана машыгып койбостон, туура тамактанууга өттүм. Алгачкы бир айда эле 13 килограмм таштап, өзүмдү жеңил сезе баштадым, ишеним дагы пайда болду", — деди Мейманбек уулу.

Ал спорт жашоосун өзгөртүп, жакшы чөйрөгө туш кылганын айтып, башкаларды дагы ден соолугуна көңүл бурууга чакырды.

18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
© Sputnik / Табылды Кадырбеков
Бишкекчанин Орозбек Мейманбек уулу

"Арыктаганда биринчи кезекте апам сүйүндү. Туугандар, достор таң калышууда. Интернеттен кеңеш сурагандар көп. Азыркы жаштардын убактысы телефон, компьютер тиктөө менен өтүп жатат. Машыгууга жок дегенде күнүнө бир саат убакыт бөлсөңүздөр, ден соолукка эле пайда. Ондогон килограммды кетирүү зыян эмеспи деп сурагандар болушу ыктымал. Жакында эле армияга баруу үчүн медициналык кароодон өттүм. Кудайга шүгүр, дени-кардым соо экен", — деди жаш жигит.

Орозбек Мейманбек уулун пауэрлифтинг боюнча КРдин абсолюттук чемпиону, бодибилдинг, таяк тартыш боюнча Азиянын жана дүйнөнүн чемпиону Келдибек Атайбек уулу арыктаткан.

Атабек Азисбеков: Токио Олимпиадасында мен үчүн ыңгайсыз атаандаш болбойт

Машыктыруучу окуучусу менен "мырзаларча" сүйлөшүп алып, ойлогон максатка жетишкенин айтып берди.

Абсолютный чемпион КР по бодибилдингу Келдибек Атайбек уулу в тренажерном зале
© Sputnik / Табылды Кадырбеков
Абсолютный чемпион КР по бодибилдингу Келдибек Атайбек уулу
"Ороздун абалы тууралуу эжеси Instagram аркылуу жазган эле. Жумушка келсем Ороз ары карап отурган экен. Артынан карасаң чоң киши, астынан карасаң жаш бала... Бир четинен ушунчалык толуп кеткенге чейин ичип-жедиби деп ичимен ачуулансам, экинчиден, боорум ооруду. Дароо эркектик маселени койдук. Орозду эки нерсени танда: дагы деле ушунтип кыйналып жүрө бер же менин айткандарымды аткарасың дегем. Талыкпаган эмгектин, кыйынчылык, ишенимдин артынан бир жылда 60 килограмм салмак таштай алдык", — деди машыктыруучу.

Ал окуучуларынын ичинен арыктагандар боюнча Орозбек рекорд койгонун жана андан мотивация алган көптөгөн киши залга келип жатканын кошумчалады. 

Булар менен дүйнө сыймыктанчу! Олимпиаданы багынткан 8 кыргыз спортчусу

Машыктыруучу менен Орозбектин дагы бир нече килограмм таштайлы деген планы бар. Бирок 19 жаштагы жигитти жакында армияга алып кетишет. Ал милдетин аткаргандан кийин ИИМ академиясына тапшырып, милиционер болууну кыялданып жатат.

131
Белгилер:
ООрозбек Мейманбек уулу, Келдибек Атайбек уулу, видео, машыктыруучу, салмак, арыктоо, Кыргызстан
Тема боюнча
Netflix көк бөрү жөнүндө фильм тартты. Трейлери
Киши алтын кармап турат. Архив

Алтын камтылган кенди казуу жана сатууда киреше салыгы жогорулады

29
(жаңыланган 15:35 22.10.2020)
Салыктын коюму 2023-жылга чейин жети пайызга, ал эми андан кийинки жылдан тартып 10 пайызга көбөйөт.

БИШКЕК, 22-окт. — Sputnik. Кыргызстанда алтын кенин жана концентратты казып алуу, ошондой эле сатуу менен алектенгендер үчүн киреше салыгы жогорулатылды. Бул тууралуу Мамлекеттик салык кызматынын маалымат бөлүмү кабарлады.

Салыктын коюму 2023-жылга чейин жети пайызга, ал эми андан кийинки жылдан тартып 10 пайызга көбөймөкчү.

Мындан тышкары, 2020-жылдын 22-августундагы № 141 мыйзамга ылайык, роялти боюнча салыктык база металл камтылган кенде же биржалык металлдын концентратында камтылган химиялык таза металлдын наркы болуп саналат.

Ибраев: былтыр 73 400 тонна концентрат өлкөдөн чыгарылган

Роялти боюнча киргизилген өзгөртүүлөрдү эсепке алуу менен төмөнкүдөй бирдиктүү ставка белгиленет:

  • алтын, күмүш жана платина, ошондой эле металл камтылган кендер жана алтындын, күмүштүн жана платинанын концентраттары үчүн – 5 пайыз өлчөмүндө;
  • алтынды, күмүштү жана платинаны кошпогондо, металлдар, металл камтылган кендер жана металлдардын концентраттары үчүн – 3 пайыз өлчөмүндө.

Мыйзам 2020-жылдын 1-ноябрынан тартып күчүнө кирет.

29
Белгилер:
экономика, мыйзам, салык, сатуу, казуу, кен, алтын
Тема боюнча
30 күн убакыт берем, уурдаган акчаңарды кайтаргыла! Жапаровдун видеокайрылуусу
Кыргызстан миллиондогон доллар жоготобу? Эксперттердин кооптонуусу