Кичи көчө аралап бараткан жаш балдар. Архив

Оор жумушка тартылган балдардын саны азайды

127
(жаңыланган 12:30 11.06.2015)
Балдар эмгегин жоюу боюнча долбоордун натыйжасында республиканын 22 районунда балдар жумушка тартылган ар бир бешинчи үй-бүлө андан баш тарткан.

БИШКЕК, 11-июнь — Sputnik. Кыргызстанда оор жумушка тартылган балдардын саны кыскарып жатканын "Балдар эмгегин пайдалануу жана билим берүү" аттуу тегерек столдо Социалдык өнүктүрүү министри Кудайберген Базарбаев билдирди.

Министрликтин Эл аралык эмгек уюму менен биргеликте уюштурган иш-чарасы 12-июнда өтө турган Балдар эмгегин пайдаланууга каршы күрөшүү эл аралык күнүнө арналат.

Базарбаевдин айтымында, балдарды эмгекке тартуу үй бүлөдөгү көйгөйлөрдөн улам башталат.

"Үй-бүлөлөрдөгү татаал жагдай-шартка жол бербөө жана анын алдын алуу үчүн өткөн жылы министрлик оор шартта жашаган үй бүлөлөрдү аныктоо боюнча долбоорду ишке киргизди. Иш республиканын 22 районунда жүрдү. Долбоордун негизинде ар бир бешинчи үй-бүлө кыйынчылыктардан арыла алды", — дейт министр.

Базарбаев Улуттук статистикалык комитет өткөн жылдын аягынан тарта Кыргызстандагы балдар эмгегинин жайылышын ири масштабда изөлдөөгө алганын кошумчалады. Маалыматка ылайык, изилдөөнүн жыйынтыктары даяр болгондон кийин коомчулукка алынып чыгат.

127
Белгилер:
үй бүлө, балдар эмгеги, Эл аралык эмгек уюму, Социалдык өнүктүрүү министрлиги, Кудайберген Базарбаев, Кыргызстан
Тема боюнча
Балдардын акчасын айылдык кеңештин башчысы тартып алды
Атамбаев: балдардын эч нерседен кем болбой өсүшүнө биз милдеттүүбүз
Бишкектин жаңы конуштарында мектепке барбаган балдарды аныктоо башталат
Мамлекеттик Ала-Арча жаратылыш паркы

Шаршембиге карата аба ырайы

30
Синоптиктер шаршембиге караган түнү жаан-чачын күтүлбөй турганын маалымдашты. Батыштан соккон шамалдын ылдамдыгы секундасына 4-9 метрге жетет.

БИШКЕК, 20-окт. — Sputnik. Шаршемби күнү, 21-октябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Талас аймактарында +20...+25, Ош, Жалал-Абад, Баткен облустарында +21...+26, Ысык-Көл менен Нарын жергесинде +14...+19 градус жылыйт.

Чоң Алайда күчү 4,5 баллга жеткен жер титирөө болду

Күндүн табы Бишкекте +23...+25 жана Ош шаарында +24...+26 градуска чейин көтөрүлөт.

30
Белгилер:
Кыргызстан, октябрь, аба ырайы
Тема боюнча
2-ноябрда Жерге астероид түшүшү ыктымал
Бишкек мэринин милдетин аткаруучу Нариман Түлеев

COVID күчөп кетсе Бишкек даяр болушу керек. Түлеевдин биринчи жыйыны

151
(жаңыланган 20:12 20.10.2020)
Эртең менен биринчи вице-мэр болуп дайындалган Түлеев Азиз Суракматов кызматтан кеткенден кийин шаар башчысынын милдетин аткарып калды.

БИШКЕК, 20-окт. — Sputnik. Бишкек мэринин милдетин аткаруучу Нариман Түлеев коронавирус пандемиясы шарттаган экономикалык кырдаалга тынчсыздануусун билдирди. Бул тууралуу жетекчинин биринчи жыйынында белгилүү болду.

Эскерте кетсек, Түлеев бүгүн эртең менен вице-мэрликке дайындалып, шаар башчысы Азиз Суракматов кызматтан кеткенден кийин калаа жетекчисинин милдетин аткарып калды.

Түлеев: чынын айтсам, мэрияга баргым келген эмес

Түлеев вице-мэрлерди, акимдерди жана шаар кызматтарынын жетекчилерин чогулткан.

"Мэрдин милдетин аткаруучу коронавирус пандемиясы шарттаган экономикалык абалга тынчсыздануусун билдирди. Экономика жана финансы боюнча вице-мэр Алмаз Бакетаевге райондук салык башкармалыктарынын жетекчилерин чогултуу тапшырылды", — деп айтылат маалыматта.

Түлеев эпидемиологиялык абал өлкө боюнча татаал экенин белгилеп, вирус жайылып кете турган болсо шаар ага даяр болушу керектигине токтолгон.

Мындан тышкары, жыйында шаар кызматтары калааны тазалоо иштерин күчөтүшү керектиги кошумчаланды.

151
Белгилер:
эпидемия, жыйын, Бишкек мэриясы, Нариман Түлеев
Тема:
Коронавируска байланыштуу Кыргызстандагы кырдаал
Тема боюнча
Абакта "авторитет" болгон. Бишкек мэрлигине кайра келген Түлеев жөнүндө 7 факты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

114
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

114
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы