Кино көрүүчү зал. Архив

Пан Ги Мунга Жогорку Кеңеш жөнүндө фильм көрсөтүштү

31
(жаңыланган 13:18 11.06.2015)
Парламенттин бешинчи чакырылышы 2010-жылдын 10-октябрында партиялык тизмелер менен шайланган.

БИШКЕК, 11-июнь — Sputnik. Парламенттик демократияны өнүктүрүү маселелери боюнча Бишкекте өткөн конференцияда БУУнун Башкы катчысы Пан Ги Мунга Кыргызстандын парламенти жөнүндө даректүү фильм көрсөтүлдү.

Тасмада байыркы замандан бери аксакалдар кеңеши сыяктуу коомдук институту иштеп келген кыргыз элинин тарыхы сүрөттөлөт. Ошондой эле анда КР бийлигинин апрель окуяларына чейинки жана андан кийинки иши баяндалган. Тасмада эксперттер "сын-пикирлерге жана айрым кемчиликтерге карабай, Жогорку Кеңеш өз мөөнөтүн жакшы иштеп аяктоодо" деген ойлорун айтышат.

2010-жылдын июнь айында өткөн референдумда Кыргызстандын эли көз карандысыздык мезгилинде биринчи жолу өлкөнү парламенттик-президенттик башкаруу жолун тандап алган.

Парламенттин бешинчи чакырыгы 2010-жылдын 10-октябрында партиялык тизмелер боюнча шайланган. Жогорку Кеңешке "Ата-Журт", КСДП, "Ар-Намыс", "Республика" жана "Ата Мекен" болуп бардыгы беш партия өткөн. Парламенттин беш жылдык иш мөөнөтү 2015-жылдын күзүндө аяктайт.

31
Белгилер:
референдум, "Республика" СП, Жогорку Кеңеш, Пан Ги Мун, Ата-Журт фракциясы, КСДП фракциясы, "Ар-Намыс" фракциясы, "Ата Мекен" фракциясы
Тема:
Пан Ги Мундун Кыргызстанга болгон сапары (9)
Тема боюнча
Ошто болуучу сапарында Пан Ги Мун алгач өкмөт башчысы Сариев менен жолугат
ТИМ Пан Ги Мундун Ошко боло турган иш сапарынын максатын айтты
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

133
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

133
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу

129
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

129
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео