Шаардан өткөн электр зымдары. Архив

"Түндүкэлектро" бороондон кийинки зымдардын 23 үзүлгөн жерин кайра калыбына келтире элек

46
(жаңыланган 10:19 12.06.2015)
"Түндүкэлектро" компаниясына шамал үзүп кеткен электр зымдары боюнча 590 арыз келип түшкөн.

БИШКЕК, 11-июнь — Sputnik. "Түндүкэлектро" ААК дүйшөмбү күнү болгон катуу шамалдан үзүлгөн электр зымдарын кайра калыбына келтирүү иштерин улантып жатат деп билдирди компаниянын маалымат кызматынын жетекчиси Гуля Мураталиева.

Дүйшөмбү күнү саат 20.00 чамасында башталган катуу шамал кум-чаң, таштандыларды асманга көтөрүп, дарактар менен жарнама мамыларын кулатып, имараттардын жабууларын сыйрып жана электр зымдарын үзүп кетти. Өзгөчө кырдаалдар министрлигинин маалыматы боюнча, шамалдын ылдамдыгы секундасына 25-27 метрге жеткен. Натыйжада сегиз автоунаа жабыркап, 80ден ашуун дарак жана үч жарнама мамысы кулап калган.

Катуу соккон шамалдын жана нөшөрлөгөн жаандын кесепетинен дүйшөмбүдө Бишкектин Чыгыш РЭСине караштуу 10/6-0,4 киловольттук 90 электр зымы үзүлүп, 55 трансформатордук подстанциянын жабдуулары жабыркаган жана 10/6-0,4 киловольттук электр жарыгын берүү линияларынын тирегичтери кулаган. 

Чыгыш РЭСинин диспетчердик кызматына 8-июндан 10-июнга чейин 205 арыз келип түшкөн.

"Бүгүнкү күндө борбор калаанын чыгыш бөлүгүндө үзүлгөн 77 электр зымы кайра калыбына келтирилип, 45 трансформатордук подстанция оңдолду, ошондой эле электр жарыгын берүү линияларынын кулап калган сегиз тирегичи алмаштырылды. Азыр дагы абоненттердин 38 арызы боюнча иш жүрүп жатат", — деди Мураталиева.

Борбордун Батыш РЭСинде бороон-чапкын учурунда 102 электр зымы үзүлүп, 27 трансформатордун подстанциянын жабдуулары жабыркаган жана төрт электр жарыгын берүү линиясынын тирегичи кулап калган.

"0,4 киловольттук линиялар боюнча Батыш РЭСинин диспетчердик кызматына 385 арыз келип түштү. Азыр абоненттердин 35 арызы боюнча иштеп жатабыз", — деп билдирди маалымат кызматынын жетекчиси.

Учурда электр оңдоочулардын 30 токтоосуз чара көрүү тобу авариялык бузулуулардын үстүндө иштеп жатат деп сөзүн аяктады Мураталиева.

46
Белгилер:
"Түндүк Электр" ишканасы, электр зымы, кайра калыбына келтирүү, шамал, РЭС, "Электр станциялары" ААК, Гуля Мураталиева, Бишкек
Тема:
Катуу шамалдын кесепети (17)
Тема боюнча
Бороондуу шамалдан кийинки эмен паркы
Бороондуу шамал 30 светофорду иштен чыгарды
Ысык-Атадагы шамалдан бак кулап, дагы бир жаран каза болду
Чүй облусундагы Оруу-Сай лыжа базасы. Архив

Бейшембиге карата аба ырайы

79
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

79
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

125
(жаңыланган 23:34 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 2-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

125
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды