Бишкек шаарында апрелдин башында төрөлгөн төрт эмге президент тарабынан бөлүнгөн каражатка сатылып алынган батирдин ачкычы тапшырылды.

Бишкекте туулган төрт эмдин ата-энесине батирдин ачкычы тапшырылды

643
(жаңыланган 10:38 15.06.2015)
Апрелдин башында жарыкка келген төрт эм бөбөктөргө белек кылынган батирлердин бирөөсү киргенге даяр, ал эми экинчи үй Эгемендик күнүнө карата даяр болот.

БИШКЕК, 15-июнь — Sputnik. Бишкек шаарында апрелдин башында төрөлгөн төрт эмге президент тарабынан бөлүнгөн каражатка сатылып алынган батирдин ачкычы тапшырылды. Андан сырткары "KG групп" компаниясы бөбөктөр үчүн бир нече бөлмөлүү батир белек кылгандыгын билдирди.

Президенттин фондунан бөлүнгөн каражатка Бишкек шаарынын мэриясы үй куруп берүүгө милдеттендирилген. Бирок үй-бүлө менен сүйлөшүлгөндөн кийин балдарга бардык шарттары бар батир алуу чечимине токтошкон.

"Туңгуч" кичирайонунда жайгашкан эки бөлмөлүү батирдин ачкычын Гүлайым Абдылдаева менен Нурлан Зарнаевге Бишкек шаарынын мэриясынын аппарат жетекчиси Нурдин Тынаев тапшырды. 

"Президент Алмазбек Атамбаевдин өзүнүн фондусунан үй куруп берүүгө каражат бөлгөн, бирок, ал ишти көпкө созбой, көп кабаттуу үйдүн ичинен эки бөлмөлүү батирди таап, ачкычын тапшырганы келдик",— деди Тынаев. 

Экс-премьер-министр Жоомарт Оторбаев жана мэр Кубанычбек Кулматов тарабынан апрель айынын башында төрөлгөн төрт эмге материалдык жардам катары каражаттар бөлүнүп, жетекчилер бөбөктөрдү көрүп келишкен.

9-апрель күнү Бишкек шаарындагы Эне жана баланы коргоо улуттук борборунда 34 жаштагы Гүлайым Абдылдаева төрт эм уул төрөгөн. Ымыркайларга Алмазбек (президенттин урматына), Асылбек, (ЖК төрагасы Асылбек Жээнбековдун урматына), Кубанычбек (Бишкек мэри Кубанычбек Кулматовдун урматына) жана Камчыбек (Эне жана баланы коргоо улуттук борборунун башчысы Камчыбек Узакбаевдин урматына) деген ысымдар ыйгарылган.

643
Белгилер:
төрт эм, Нурдин Тынаев, Гүлайым Абдылдаева, Нурлан Зарнаев, Кубанычбек Кулматов, Жоомарт Оторбаев, Алмазбек Атамбаев
Тема боюнча
Үч эм төрөгөн жалгыз бой энеге өкмөт жардам көрсөтөт
Бишкекте үч эм төрөлдү
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

163
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

163
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп
Каракол шаарынын санитардык эпидемиологиялык көзөмөлдөө кызматына берилген Toyota Land Cruiser Prado

Ысык-Көл: медиктерге берилген жолтандабас президенттин иш башкармалыгында жүрөт 

107
(жаңыланган 22:57 26.01.2021)
Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

БИШКЕК, 26-янв. — Sputnik. Каракол шаарынын Санитардык эпидемиологиялык көзөмөлдөө кызматы өткөн жылдын сентябрь айында берилген Toyota Land Cruiser Prado үлгүсүндөгү жолтандабасты башка автоунаага КР президентинин иш башкармалыгы менен алмашып алды. Бул тууралуу кызматтын жетекчиси Нуркамел Бектуров билдирди.

Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

Мындан улам Sputnik Кыргызстан агенттигинин кабарчысы Санитардык эпидемиологиялык көзөмөлдөө кызматынын жетекчиси менен байланышты. Ал автоунааны алмашып алышканын тастыктап, жолтандабастын ордуна Volkswagen Polo үлгүсүндөгү машина алышканын билдирди.

Ал эми президенттин маалымат кызматы окуянын чоо-жайын тактап берүүнү убадалашты.

Эске салсак, өткөн жылдын июль айында өкмөттүн Ысык-Көл облусундагы өкүлчүлүгүнө тиешелүү автоунаага башка автонун номери тагылып жүргөн жерден кармалып, чуу чыккан. Кийин ал авто эл аралык долбоордун негизинде сатып алынганы айтылган. Көп өтпөй автокөлүк Каракол шаарынын Санитардык эпидемиологиялык көзөмөлдөө кызматына белекке берилген.

107
Белгилер:
белек, автоунаа, Каракол
Тема боюнча
Элчи Удовиченко россиялык ишкердин чуулуу бизнеси боюнча окуяга көңүл бурду
Коррупцияга айыпталган мурдагы жетекчи 11 млн. сом төлөп үй камагына чыкты